Alweyi i Luzolo lwa Nzambi?
Nzambi ozolele vo twazinga yakwele mvu mu luvuvamu ye kiese mu paradiso ova ntoto!
Nanga olenda kiyuvula: ‘Nga ediadi dilendakana?’ Nkand’a Nzambi uvovanga vo Kintinu kia Nzambi kilungisa e diambu diadi. I luzolo lwa Nzambi vo wantu awonso balongoka oma ma Kintinu y’ekani dia Nzambi mu kuma kia wantu.—Nkunga 37:11, 29; Yesaya 9:7.
Nzambi ozolele vo twavua e nluta.
Nze una se dianzodi kevavilanga wete dia wan’andi, o S’eto ezulu ozolele vo twakala ye zingu kiakiese yakwele mvu. (Yesaya 48:17, 18) Wasia nsilu vo ndiona “ovangang’o luzolo lua Nzambi, zing’aka kezinga yakwele mvu.”—1 Yoane 2:17.
Nzambi ozolele vo twakangalela muna nzila zandi.
Muna Nkand’a Nzambi tutanganga vo Mvangi eto ozolele “kutulonga nzila zandi” kimana ‘twakangalela muna mayendelo mandi.’ (Yesaya 2:2, 3) Wakubika “nkangu muna nkumbu andi” kimana bazayisa luzolo lwandi mu nza yawonso.—Mavangu 15:14.
Nzambi ozolele vo twayikakiana muna kunsambila.
Vana fulu kia vambula wantu, e nsambila yavelela ya Yave iyikakesanga wantu muna zola. (Yoane 13:35) Aki nani belonganga wantu muna fulu yawonso e mpila balenda sadila Nzambi kuna ungudi? Tulombele wazaya e mvutu muna finkanda fiafi.