Landila Zulunalu ya Nsangu za Dibundu dia Catolica, muna sambu kiakedi kina kia 25 kia ngonde a Malusu ya mvu wa 2022, e Papa Francisco watelamene vana teke kia Maria, “wazimini meso yo yenzeka o ntu andi yo samba muna nsi a ntima. Wadodokele Maria” kimana katwasa luvuvamu. E Zulunalu ya Nsangu za Vaticano yakudikidi vo: “Muna sambu kiandi, o Papa wadodokele Ntim’avelela wa Maria mpasi vo kasambula o nkangu, musungula o nkangu a Rússia ye Ucrânia.”

 Adieyi obenze? Nga diambote mu sambila vana ntadisi a teke yovo sadila yo muna nsambila? Tala sono ya Bibila ilende:

•   “Kufwete kuyivangila teke kiavalwa ko yovo fwaniswa kia konso lekwa kina kuna zulu yovo ova ntoto yovo muna maza. Kufwete yo vumbamena ko ngatu vukumunua muna kubasadila, kadi omono Yave wa Nzambi aku, i Nzambi ona ovavanga vo wantu basambila kaka yandi.”—Luvaiku 20:4, 5. a

•   “E teke yau palata ye wolo, salu ya moko ma wantu. Ina yo nua, kansi ke ilendi vova ko; ina yo meso, kansi ke ilendi mona ko; ina yo matu, kansi ke ilendi wá ko; ina yo nzunu, kansi ke ilendi nunkuta ko; ina ye moko, kansi ke ilendi simba ko; ina ye malu, kansi ke ilendi diata ko; ke ilendi vova ko muna malaka mau. Wantu ana bevanganga yo bekituka nze yau, ye awonso ana bebundanga yo e vuvu.”—Nkunga 115:4-8.

•   “Mono i Yave. Eyayi i nkumbu ame; kivananga nkembo ame kwa muntu ankaka ko, ngatu lusanisinu lw’ame kwa teke yavalwa.”—Yesaya 42:8, mvovo vana yand’a lukaya.

•   “Nutina nsambila za teke.”—1 Korinto 10:14.

•   “Nuyikeba muna teke.”—1 Yoane 5:21.

 Muna zaya diaka mayingi mu kuma kia mana Bibila kivovanga muna diambu dia sadila e teke muna nsambila, tanga e longi “O Conceito da Bíblia—Imagens” yovo tala e video Nga Nzambi Otondanga Fu kia Sadila e Teke Muna Kunsambila?

 Olenda yangalele mpe zaya mana Bibila kivovanga mu kuma kia mambu oma:

•   “O que a Bíblia ensina sobre a virgem Maria?”

•   “Deve-se orar à Virgem Maria?”

•   “Milagres e aparições—são sinais de Deus?”

•   “Luvuvamu ova Nza—Aweyi Lukwizila?”

Mfumu a mafoto: Vincenzo Pinto/AFP via Getty Images