Avo tukivambwidi yo wantu ana bekutusianga e mpambula, tulenda luta yima e fu kia sia e mpambula. Avo tuvangidi kaka kikundi yo wantu a kanda dieto, dilenda kutufila mu yindula vo e mpil’eto yavangila e mambu ye ngindu zeto zisundidi.

“Nuziula e ntima mieno.”—2 KORINTO 6:13.

Aweyi disongele? O ‘ntim’eto’ usongele vo ngindu ye zolela yeto. Avo tuzolanga kaka o wantu a kanda dieto, o ntim’eto ulenda kangama. Muna venga e diambu diadi, tufwete vanganga kikundi yo wantu a makanda maswaswana.

Avo tutomene zaya akaka, tubakula e kuma bevangilanga mambu mu mpila yaswaswana. Vava tukubafinamanga, tuyatika mona vo twafwanana. Tuyantika kubazitisa yo kala yau e ntwadi muna ntangw’a kiese ye muna ntangw’a mpasi.

Badika e nona kia Nazaré. Wamenganga anzenza. Wavova edi diansadisa: “Yakalanga yau mu kolo kiandá yo sala yau kumosi. Yamona vo mana bavovanga o wantu mu kuma kiau, maswaswana kikilu. Avo ovangidi kikundi yo wantu bena ye kisi nsi kiaswaswana,  kukubafundisila muna mpwa ko. Kansi, o zola kwaku muna yau kuwokela yo kubazitisa.”

Vava lau dia mokena yo wantu a nsi, makanda yovo ndinga zaswaswana. Olenda:

• Kubayuvula oma ma zingu kiau.

• Kubabokela nwadila vamosi.

• Wá tusansu twau yo vava zaya mambu masundidi o mfunu kwa yau.

Avo obakwidi mana mababwila ye mpila masobela e zingu kiau, olenda yantikila kubabadikila nze wantu a kanda diaku.