KINA Kiatatu mu mene, kia 24 kia ngonde a Yanuali ya mvu wa 2018, ampangi kuna vula dia Estados Unidos ye Canadá bayangalala vava kiavewa luzayisu vo: Mpangi Kenneth Cook, Jr okulamene muna Buka kia Selo Yambuta ya Mbangi za Yave.

Mpangi Cook kuna Pennsylvania, U.S.A kawutukila. Wazaya e ludi muna lusadisu lwa nkwandi a sikola vitila kafokola e sikola, wavubwa kina kia 7 kia ngonde a Yuni 1980. Wayantika e salu kia kimviti a nzila kina kia 1 kia ngonde a Setemba 1982. Una kasala mvu miole muna salu kia kimviti a nzila, wabokelwa mu kwenda sadila kuna Betele. Kina kia 12 kia ngonde a Okutoba 1984, wayantika e salu kiandi kia Betele kuna Wallkill, Nova York.

Muna 25 ma mvu mialanda, mpangi Cook wavewa salu yayingi, nze salu kia Nieteka e nkanda ye kuna Departamento italanga oma ma esi Betele. Muna mvu wa 1996, wasompana yo mpangi Jamie yo yantika sala entwadi kuna Betele ya Wallkill. Muna ngonde a Desemba ya mvu wa 2009, Mpangi Cook yo nkaz’andi bafilwa kuna Centro Educacional da Torre de Vigia kuna Patterson, Nova York. Mpangi Cook wasadila kuna Departamento de Correspondência da Redação. Muna ngonde a Abidi ya mvu wa 2016, bavutuka mu fikolo kuna Wallkill. I bosi, bafilwa kuna Brooklyn, Nova York. Vioka ngonde tanu, bayaluka yo kwenda kuna vula diasina kuna Warwick, Nova York. Muna ngonde a Yanuali ya mvu wa 2017, mpangi Cook wasolwa mu kala nsadisi muna Buka kia Asoneki kia Buka kia Selo Yambuta.