၁ မိၤၡ့ ၃:၁-၂၄
၃ ဒီးတၢ်လၢဂုၢ်န့ၣ်+ အကူၣ်တၢ်သ့* အါန့ၢ်ဒံး ဆၣ်ဖိကီၢ်ဖိအမံၤ လၢယဟိဝၤယွၤ တ့လီၤဝဲခဲလၢာ် အကျါလီၤ. အဃိ အတဲဘၣ် ပိာ်မုၣ်လၢ “ကစၢ်ယွၤ တဲဝဲလၢ သုတဘၣ်အီၣ် သ့ၣ်ခဲလၢာ်လၢ အအိၣ်လၢ တၤသၣ်လီၢ်အပူၤ အသၣ်ဘၣ်န့ၣ် မ့ၢ်အနီၢ်ကီၢ်ဧါ.”+
၂ ဒီးပိာ်မုၣ်န့ၣ် တဲဆၢဂုၢ်လၢ “သ့ၣ်အသၣ်လၢ တၤသၣ်အလီၢ်ပူၤန့ၣ် ပအီၣ်အီၤသ့လီၤ.+
၃ မ့မ့ၢ် သ့ၣ်အိၣ်လၢ တၤသၣ်လီၢ် အခၢၣ်သးတထူၣ်အသၣ်န့ၣ်+ ကစၢ်ယွၤ တဲဝဲလၢ ‘သုတဘၣ်အီၣ်အီၤဘၣ် ဒီးသုတဘၣ်ထိးအီၤဘၣ်. သုမ့ၢ်မၤဒ်န့ၣ်န့ၣ် သုကသံလီၤ.’”
၄ ဒီးဂုၢ်တဲဘၣ် ပိာ်မုၣ်လၢ “လ့ၤတက့ၤ သုတသံဘၣ်.+
၅ နီၢ်ကီၢ်န့ၣ် ကစၢ်ယွၤ သ့ၣ်ညါဝဲလၢ မုၢ်တနံၤလၢ သုအီၣ်အီၤန့ၣ် သုမဲာ်ကအိးထီၣ်အသး ဒီးသုကလီၤဂာ်ဒီး ကစၢ်ယွၤ ဒီးသ့ၣ်ညါ တၢ်ဂ့ၤဒီးတၢ်အၢလီၤ.”+
၆ ဒီးပိာ်မုၣ်န့ၣ် ထံၣ်ဝဲလၢ သ့ၣ်တထူၣ်န့ၣ် အသၣ်လီၤအီၣ်လီၤအီ, လီၤထုးန့ၢ်သူၣ်ထုးန့ၢ်သး ဒီးဖျါဂ့ၤဝဲလီၤ. အဃိ အဝဲဟံးန့ၢ်အသၣ် ဒီးအီၣ်ဝဲလီၤ.+ လၢခံန့ၣ် ဖဲအဝၤအိၣ်ဒီးအီၤအခါ အဝဲဟ့ၣ်လီၤအဝၤတနီၤ ဒီးအဝၤအီၣ်ဝဲလီၤ.+
၇ ဒီးအဝဲသ့ၣ် ခံဂၤလၢာ် အမဲာ်အိးထီၣ်အသး ဒီးသ့ၣ်ညါလီၤအသး လၢအအိၣ်ဘ့ၣ်ဆ့လီၤ. အဃိ အဝဲသ့ၣ် ဆးထီၣ်ဝဲ ချၢၣ်ဒၢအလၣ် ဒီးမၤဘၢအသးလီၤ.*+
၈ လၢခံ အဆၢကတီၢ်ဖဲ ကလံၤဟဲအူကဖီကဖီ* အခါ ယဟိဝၤယွၤ ဟးဝဲလၢ တၤသၣ်အလီၢ်ပူၤ ဒီးအဝဲသ့ၣ် နၢ်ဟူဘၣ် အကလုၢ်လီၤ. ဒီးပိာ်ခွါဒီးအမါန့ၣ် အိၣ်ခူသူၣ်ဝဲ ယဟိဝၤယွၤ လၢသ့ၣ်ထူၣ်တဖၣ်အကျါ လၢတၤသၣ်အလီၢ်ပူၤန့ၣ်လီၤ.
၉ ယဟိဝၤယွၤ ကိးထီၣ်ဝဲ ပိာ်ခွါတဂၤအံၤ တဘျီဝံၤတဘျီ ဒီးတဲအီၤလၢ “နအိၣ်ဖဲလဲၣ်.”
၁၀ လၢခံပိာ်ခွါအံၤ တဲဝဲလၢ “ယနၢ်ဟူနကလုၢ်သီၣ်လၢ တၤသၣ်လီၢ်အပူၤ ဘၣ်ဆၣ်မ့ၢ်လၢ ယအိၣ်ဘ့ၣ်ဆ့အဃိ ယပျံၤတၢ် ဒီးယအိၣ်ခူသူၣ်လီၤ.”
၁၁ ကစၢ်ယွၤ တဲဝဲလၢ “မ့ၢ်မတဂၤ တဲနၤလၢ နအိၣ်ဘ့ၣ်ဆ့လဲၣ်.+ မ့ၢ်နအီၣ် သ့ၣ်သၣ်လၢ ယမၤလိာ်နၤလၢ အီၣ်အီၤတဂ့ၤန့ၣ်ဧါ.”+
၁၂ ပိာ်ခွါအံၤ တဲဆၢဝဲလၢ “ပိာ်မုၣ်လၢ နဟ့ၣ်ယၤန့ၣ် ဟ့ၣ်အီၣ်ယၤ သ့ၣ်အဝဲန့ၣ်အသၣ် အဃိယအီၣ်အီၤလီၤ.”
၁၃ ဒီးယဟိဝၤယွၤ တဲဘၣ်ပိာ်မုၣ်လၢ “ဘၣ်မနုၤအဃိ နမၤဒ်န့ၣ်လဲၣ်.” ဒီးပိာ်မုၣ်န့ၣ် စံးဆၢက့ၤဝဲလၢ “မ့ၢ်လၢ ဂုၢ်လီန့ၢ်ယၤအဃိ ယအီၣ်အီၤလီၤ.”+
၁၄ ဒီးယဟိဝၤယွၤ တဲဘၣ်ဂုၢ်လၢ+ “မ့ၢ်လၢ နမၤဒ်အံၤအဃိ လၢဆၣ်ဖိကီၢ်ဖိ အဒၢခဲလၢာ် ဒီးလၢဆၣ်ဖိကီၢ်ဖိ အမံၤလၢ အအိၣ်လၢ တၢ်ပျီပူၤခဲလၢာ်အကျါန့ၣ် နဘၣ်တၢ်ဆိၣ်အၢလီၤ. နကဘျိၣ်လၢ နဟၢဖၢ ဒီးနကဘၣ်အီၣ် ဟီၣ်ခိၣ်ကမူၣ် တစိၤနသးလီၤ.
၁၅ ဒီးယကဒုးအိၣ်ထီၣ် တၢ်ထီဒုၣ်ထီဒါ+ လၢနၤ+ ဒီးပိာ်မုၣ်+ အဘၢၣ်စၢၤ ဒီးနချံနသၣ်+ ဒီးပိာ်မုၣ်အချံအသၣ်+ အဘၢၣ်စၢၤလီၤ. အဝဲ* ကမၤသဘှံးနခိၣ်+ ဒီးနကမၤဘၣ်ဒိ* အခီၣ်နၢၣ်ခံလီၤ.”+
၁၆ ကစၢ်ယွၤ တဲဘၣ်ပိာ်မုၣ်လၢ “ဖဲနဒၢအဆၢကတီၢ် နကတူၢ်ဘၣ်အဆါ နးထီၣ်ဒိၣ်မး* ဒီးဖဲနအိၣ်ဖျဲၣ်ထီၣ် နဖိအခါ ကဆါဝဲလီၤ. ဒီးနကအဲၣ်ဒိး အိၣ်ဒီးနဝၤ ဒီးအဝဲကဒိၣ်စိလၢ နဖီခိၣ်လီၤ.”
၁၇ ဒီးကစၢ်ယွၤတဲဘၣ် စီၤအၤဒၣ်လၢ* “မ့ၢ်လၢနဒိကနၣ် နမါအကလုၢ် ဒီးအီၣ်သ့ၣ်သၣ်လၢ ယမၤလိာ်နၤလၢ+ ‘နတဘၣ်အီၣ်အီၤတဂ့ၤ’ အဃိ ဟီၣ်ခိၣ်* ဘၣ်တၢ်ဆိၣ်အၢ လၢနဃိလီၤ.+ ဒီးနကဘၣ် သူၣ်အီၣ်ဖျးအီၣ်တၢ် ကီကီခဲခဲ တစိၤနသးလီၤ.+
၁၈ ဟီၣ်ခိၣ်ကဒုးမဲထီၣ်န့ၢ်နၤ တၤဆှုၣ်တၤမဲ ဒီးနီၣ်ဧိၤမံၤဧိၤတဖၣ် ဒီးနကဘၣ်အီၣ် တၢ်မုၢ်တၢ်ဘိ လၢအအိၣ်လၢ တၢ်ပျီပူၤလီၤ.
၁၉ လၢနကအီၣ်ဘၣ်အီဘၣ်အဂီၢ် နကဘၣ်မၤတၢ်ဆူၣ်ဆူၣ် တုၤလၢနကပၢၤလီၤ တုၤလီၤလၢ နက့ၤကဒါက့ၤ လၢဟီၣ်ခိၣ်, မ့ၢ်လၢတၢ်ဟံးန့ၢ်နၤ လၢဟီၣ်ခိၣ်အဃိလီၤ.+ နမ့ၢ်ဟီၣ်ခိၣ်ကမူၣ် ဒီးနကကဲထီၣ်ကဒါက့ၤ ဟီၣ်ခိၣ်ကမူၣ်လီၤ.”+
၂၀ ဖဲန့ၣ်ဝံၤအလီၢ်ခံ စီၤအၤဒၣ် ကိးန့ၢ်ဝဲအမါအမံၤလၢ နီၢ်အံၣ်အု မ့ၢ်လၢ အဝဲကကဲထီၣ် ပှၤဟီၣ်ခိၣ်ဖိခဲလၢာ် အမိၢ်အဃိလီၤ.+
၂၁ ဒီးယဟိဝၤယွၤ တ့ထီၣ်ဝဲ ဆ့ကၤဖးထီတဖၣ်လၢ ဆၣ်ဖိကီၢ်ဖိအဘ့ၣ် လၢစီၤအၤဒၣ် ဒီးအမါကသိးဝဲအဂီၢ်လီၤ.+
၂၂ ဒီးယဟိဝၤယွၤ တဲဝဲလၢ “ခဲအံၤန့ၣ် ပှၤဟီၣ်ခိၣ်ဖိ ကဲထီၣ်ဒ်ပှၤ အသိး ခီဖျိလၢ အသ့ၣ်ညါ တၢ်ဂ့ၤဒီးတၢ်အၢလံ.+ ဒ်သိး အသုတယူာ်ထီၣ်အစု ဒီးဟံးန့ၢ်စ့ၢ်ကီး သ့ၣ်တၢ်မူ+ အသၣ် ဒီးအီၣ်အီၤဒီး မူဝဲလီၤထူလီၤယိာ် တဂ့ၤအဂီၢ်—”
၂၃ လၢတၢ်ဂ့ၢ်အံၤအဃိ ယဟိဝၤယွၤ နီဟးထီၣ်အီၤလၢ ဧ့ၤဒ့ၣ်တၤသၣ်လီၢ်အပူၤ+ ဒ်သိး အကသူၣ်အီၣ်ဖျးအီၣ်တၢ် လၢဟီၣ်ခိၣ်အဂီၢ်လီၤ.+
၂၄ အဃိ အဝဲနီဟးထီၣ်ကွံာ် ပှၤဟီၣ်ခိၣ်ဖိ ဒီးပာ်လီၤဝဲ ခ့ရူာ်တဖၣ်လၢ+ ဧ့ၤဒ့ၣ်တၤသၣ်လီၢ် အမုၢ်ထီၣ်တခီ ဒီးနးမ့ၣ်အူတဘ့ၣ်လၢ အတရံးအသးထီဘိ ဒ်သိးကခိးဝဲ သ့ၣ်တၢ်မူအကျဲအဂီၢ်လီၤ.
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “အိၣ်ဒီးတၢ်ပလီၢ်ပဒီ.”
^ မ့ၢ်စ့ၢ်ကီး “ကးဘၢဝဲ အယီၢ်ဒ့ တုၤလီၤလၢ အခီၣ်ကံၣ်ဒုၣ်လီၤ.”
^ မ့ၢ်ဝဲ ဟါလီၤခီ အဆၢကတီၢ်.
^ မ့ၢ်စ့ၢ်ကီး “မၤသဘှံး.”
^ မ့ၢ်စ့ၢ်ကီး “ပိာ်မုၣ်အချံအသၣ်.”
^ အခီပညီလိၤလိၤ “ယကမၤနးဒိၣ်ထီၣ် နတၢ်ဟၢဖၢဆါ.”
^ အခီပညီလိၤလိၤ “ဟီၣ်ခိၣ်ညၣ်ထ့ၣ်.”
^ အခီပညီမ့ၢ်ဝဲ “ပှၤဟီၣ်ခိၣ်ဖိ.”
