တၢ်သးလီၤစၢ်တၢ်ဆါ ကဲထီၣ်သးလၢ ဟီၣ်ခိၣ်ဒီဘ့ၣ်
“ယမ့ၢ်အိၣ်ထဲတဂၤလၢ ယနီၢ်ကစၢ်ဒၢးပူၤဒၣ်လဲာ် ယဘၣ်ယိၣ်တၢ်တစဲးစဲးဒံး.”
“ယမ့ၢ်သးခုဒိၣ်တလၢန့ၣ် ယဘၣ်ယိၣ်ထီၣ်တၢ်တစဲး မ့ၢ်လၢယသ့ၣ်ညါလၢ တယံာ်လၢၤဘၣ်န့ၣ် ယကသးအုး.”
“တနံၤတနံၤန့ၣ် ယသးစၢၢ်ဆၢထဲ တၢ်ကိၢ်တၢ်ဂီၤ လၢအဘၣ်ယၤ ထဲတမံၤလီၤ, ဘၣ်ဆၣ် တဘျီတခီၣ်န့ၣ် လၢတနံၤဃီအတီၢ်ပူၤ တၢ်ကိၢ်တၢ်ဂီၤဘၣ်ယၤ ဒီဒူၣ်ညါ.”
နၤမီၤ နတူၢ်ဘၣ်ဒ်န့ၣ် တဘျီဘျီဧါ. မ့တမ့ၢ် ပှၤလၢနအဲၣ်တဂၤဂၤ တူၢ်ဘၣ်ဝဲဒ်န့ၣ်အိၣ်ဧါ.
နမ့ၢ်တူၢ်ဘၣ်ဒ်န့ၣ်န့ၣ် သ့ၣ်နီၣ်ထီၣ်လၢ ပှၤလၢအတူၢ်ဘၣ်တၢ်ဒ်န့ၣ် တမ့ၢ်ထဲနၤတဂၤဘၣ်. ဆၢကတီၢ်ခဲအံၤ ပှၤအါဂၤ တူၢ်ဘၣ်ဝဲ တၢ်သးလီၤစၢ်တၢ်ဆါ.
ပအိၣ်မူဘၣ်လၢ “တၢ်ဆၢကတီၢ်လီၤဆီလၢ အကီအခဲသပှၢ်တၢၢ်” အဃိ ပကထံၣ်ဘၣ် တၢ်သူၣ်ကိၢ်သးဂီၤအါမး. (၂ တံၤမသ့း ၃:၁) ပှၤဃုသ့ၣ်ညါတၢ်ဖိ ပာ်ဖျါထီၣ်ဝဲ လၢဟီၣ်ခိၣ်ဒီဘ့ၣ်န့ၣ် ပှၤဃိးဂၤအကျါတဂၤ တူၢ်ဘၣ်ဝဲ တၢ်သးလီၤစၢ်တၢ်ဆါ. ခီဖျိလၢ ခိၤရိၤနၤတၢ်ဆါအဃိဖဲ ၂၀၂၀ န့ၣ်ပှၤတူၢ်ဘၣ် တၢ်သးလီၤစၢ်တၢ်ဆါ အါထီၣ်ဝဲ ၂၆ တုၤလၢ ၂၈ မျးကယၤညါ.
ဆၢကတီၢ်ခဲအံၤ ပသ့ၣ်ညါဘၣ်လၢ ပှၤအါဂၤတူၢ်ဘၣ် တၢ်သးလီၤစၢ်တၢ်ဆါ. ဘၣ်ဆၣ် ပဝဲ ဒီးပှၤလၢပအဲၣ်တဖၣ် မ့ၢ်အိၣ်ဒီးတၢ်ဆါအံၤန့ၣ် ဒ်သိးပအိၣ်ကမုာ်အဂီၢ် ပကဘၣ်မၤဒ်လဲၣ်.
တၢ်သးလီၤစၢ်တၢ်ဆါန့ၣ် မ့ၢ်မနုၤလဲၣ်
ပမ့ၢ်တအိၣ်ဒီး တၢ်သးလီၤစၢ်တၢ်ဆါဘၣ်န့ၣ် ပကသးခု ဒီးပမၤတၢ်စ့ၢ်ကီးကမုာ်. ဒီးပမ့ၢ်ထံၣ်ဘၣ် တၢ်သူၣ်ကိၢ်သးဂီၤဘၣ်ဆၣ် ပလဲၤခီဖျိအီၤကန့ၢ်, ပဖံးအီၣ်မၤအီၣ်ကကဲ ဒီးပကအိၣ်ဒီး တၢ်သူၣ်မံသးမုာ်.
တၢ်သးလီၤစၢ်တၢ်ဆါ . . .
-
တၢ်သးလီၤစၢ်တၢ်ဆါ ကဲထီၣ်သးန့ၣ် တမ့ၢ်လၢ ပနီၢ်ကစၢ် တၢ်ဂံၢ်စၢ်ဘါစၢ်အဃိဘၣ်.
-
တၢ်သးလီၤစၢ်တၢ်ဆါန့ၣ် မ့ၢ်ဝဲ တၢ်လၢအမၤကိၢ်မၤဂီၤပှၤ, မၤဘံဘူပခိၣ်နူာ်, မၤဘၣ်ဒိပသး ဒီးဆီတလဲ ပတၢ်ပာ်သူၣ်ပာ်သး.
-
ပမ့ၢ်အိၣ်ဒီး တၢ်သးလီၤစၢ်တၢ်ဆါန့ၣ် ပတဲဖျါထီၣ် ပတၢ်တူၢ်ဘၣ်လၢ ပှၤဂၤအိၣ်တညီဘၣ် ဒီးပမၤတၢ်လၢ ပမၤညီနုၢ်အီၤလၢ မုၢ်ဆ့ၣ်မုၢ်ဂီၤမၣ် တညီလၢၤဘၣ်.
-
ပမ့ၢ်ကဲပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပကလုာ်ဒူၣ်ဒီး တၢ်ဆဲးတၢ်လၤ လီၤဆီမ့ၢ်ဂ့ၤ, ပတၢ်ဘူၣ်တၢ်ဘါ မ့ၢ်လီၤဆီမ့ၢ်ဂ့ၤ, ပတၢ်ကူၣ်ဘၣ်ကူၣ်သ့ အိၣ်မ့ၢ်ဂ့ၤ တအိၣ်မ့ၢ်ဂ့ၤ တၢ်သးလီၤစၢ်တၢ်ဆါအံၤ ဘၣ်ပှၤသ့ကိးဂၤဒဲး.
နမ့ၢ်အိၣ်ဒီး တၢ်သးလီၤစၢ်တၢ်ဆါန့ၣ် တူၢ်လိာ်တၢ်မၤစၢၤ
နမ့ၢ်ထံၣ်ဘၣ် ပှၤလၢနအဲၣ်တဂၤဂၤ အတၢ်ပာ်သး မ့ၢ်ဆီတလဲ, အမံတန့ၢ်အီၣ်တဝံၣ်, အမ့ၢ်သးအုး ဒီးအမ့ၢ်သးကိၢ်တၢ်န့ၣ် လဲၤပၠးအီၤလၢ ကသံၣ်သရၣ်အိၣ် ဒ်သိးကသံၣ်သရၣ် ကမၤစၢၤအီၤအဂီၢ်.
ယ့ၣ်ၡူး မ့ၢ်ပှၤလၢ အကူၣ်တၢ်သ့ ဒိၣ်ကတၢၢ်တဂၤ လၢဟီၣ်ခိၣ်ချၢ ဒီးအတဲဝဲလၢ “ပှၤလၢ အအိၣ်ဆူၣ်အိၣ်ချ့န့ၣ် တလိၣ်ဘၣ် ကသံၣ်သရၣ်ဘၣ်. ဘၣ်ဆၣ် ပှၤလၢအဆိးက့တဖၣ် လိၣ်ဘၣ်ဝဲ.” (မးသဲ ၉:၁၂) ပှၤလၢအတူၢ်ဘၣ် တၢ်သးလီၤစၢ်တၢ်ဆါတဖၣ် မ့ၢ်တူၢ်လိာ် ကသံၣ်သရၣ်တၢ်မၤစၢၤန့ၣ် အတၢ်ဆါ ကကိညၢ်ထီၣ် ဒီးအကသးခုထီၣ်. အဃိ ပှၤလၢအအိၣ်ဒီး တၢ်သးလီၤစၢ်တၢ်ဆါန့ၣ် တဘၣ်ထုးယံာ်အသးလၢ ကလဲၤထံၣ်လိာ်သးဒီး ကသံၣ်သရၣ်ဘၣ်. a
လံာ်စီဆှံန့ၣ် တမ့ၢ်တၢ်ကူဆါယါဘျါ အလံာ်ဘၣ် သနာ်က့ တၢ်ဂ့ၢ်တၢ်ကျိၤလၢ အအိၣ်လၢ လံာ်စီဆှံပူၤန့ၣ် မၤမုာ်ထီၣ်က့ၤ ပှၤလၢအအိၣ်ဒီး တၢ်သးလီၤစၢ်တၢ်ဆါသ့. ပအဲၣ်ဒိး ဟ့ၣ်ဂံၢ်ဟ့ၣ်ဘါသုလၢ သုကဖးကွၢ် ဘၣ်ဃးဒီး လံာ်စီဆှံ မၤစၢၤပှၤလၢ အအိၣ်ဒီး တၢ်သးလီၤစၢ်တၢ်ဆါ သ့ဒ်လဲၣ်အဂ့ၢ်.
a တၢးထီခိးတၢ် တဘ့ၣ်အံၤ တဟ့ၣ်ဂံၢ်ဟ့ၣ်ဘါဝဲလၢ ပှၤဘၣ်ဃုထၢ တၢ်ကူဆါယါဘျါ ဖဲလဲၣ်တခါလဲၣ် ဒီးတဘၣ်ဃုထၢ တၢ်ကူဆါယါဘျါ ဖဲလဲၣ်တခါလဲၣ်ဘၣ်. ပှၤတဂၤစုာ်စုာ် ကဘၣ်သမံသမိးလီၤ အနီၢ်ကစၢ် တၢ်အိၣ်သး ဒီးကဘၣ်ဃုထၢ တၢ်ကူဆါယါဘျါလၢ အဂ့ၤကတၢၢ်လၢ အဝဲသ့ၣ်အဂီၢ်.
You May Also Like
ESSENTIAL BIBLE TEACHINGS
ဘၣ်မနုၤအဃိ ယွၤပျဲတၢ်နးတၢ်ဖှီၣ်အခွဲးလဲၣ်.
ပှၤအါတက့ၢ်သံကွၢ်ဝဲလၢ ဘၣ်မနုၤအဃိ ဟီၣ်ခိၣ်အံၤပှဲၤဒီးတၢ်သူၣ်ဟ့သးဟ့ ဒီးတၢ်နးတၢ်ဖှီၣ်လဲၣ်. ဘၣ်ဃးဒီးတၢ်သံကွၢ်တဖျၢၣ်အံၤန့ၣ် လံာ်စီဆှံကပာ်ဖျါထီၣ်န့ၢ်ပှၤ တၢ်စံးဆၢလၢအလီၤသူၣ်မံသးမုာ်လီၤ.
အိၣ်ပလီၢ်သးထီဘိ
ပှၤသးစၢ်တဖၣ် ထံၣ်ဘၣ်ဒီး တၢ်သးလီၤစၢ်တၢ်ဆါအါထီၣ်—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်
လံာ်စီဆှံအိၣ်ဒီး တၢ်ဟ့ၣ်ကူၣ်အဂ့ၤလၢ ကမၤစၢၤဝဲပှၤသးစၢ်တဖၣ် လၢအထံၣ်ဘၣ်ဒီး တၢ်သးလီၤစၢ်တၢ်ဆါ.
ဘၣ်ဃးဒီးပှၤ
တီၣ်ထီၣ်တၢ်ဂ့ၢ် လၢပှၤကလဲၤအိၣ်သကိးနၤအဂီၢ်
တဲသကိး လံာ်စီဆှံ မ့တမ့ၢ် ဃုသ့ၣ်ညါအါထီၣ် ယဟိဝၤပှၤအုၣ်အသးအဂ့ၢ်.
