တၢ်သးဝံၣ် ၃၁
လဲၤတၢ်ဒီးယွၤ
-
၁. ပာ်ဖျါတၢ်အဲၣ်, တၢ်ဆီၣ်လီၤသး
ပှဲၤသးခုလဲၤတၢ်ဒီးယွၤ.
ဒ်သိးနတလီၤထွံတဂ့ၤအဂီၢ်
နဘၣ်သန့ၤသးလၢအီၤ.
ယဟိဝၤယွၤ ဟံးစုနဲၣ်ကျဲနၤ
လဲၤတၢ်လၢအဂံၢ်ဘါ.
မၤထွဲယွၤ တၢ်ဟ့ၣ်ကူၣ်ဟ့ၣ်ဖး
ဟံးနစု ကလဲၤဒီးနၤ.
-
၂. အိၣ်မူစီဆှံ လဲၤတၢ်ဒီးယွၤ
ဆိမိၣ်ထဲ တၢ်ဂ့ၤတၢ်ဝါ.
တၢ်လ့ပစီမ့ၢ် အိၣ်ဝးတရံးနၤ
ယွၤကဟ့ၣ်လီၤနၤဂံၢ်ဘါ.
တၢ်ဆိကမိၣ်န့ၣ်ဘၣ်စီဆှံဒီး,
ဘၣ်အဲၣ်တၢ်မ့ၢ်တၢ်တီ.
မ့ၢ်အိၣ်မူဒ်အတၢ်ဘၣ်သး
ထီဘိန့ၣ် ယွၤလဲၤဒီးနၤ.
-
၃. လဲၤတၢ်ဒီးယွၤ လၢတၢ်သးခု
နကဒိးန့ၢ်တၢ်သးမုာ်.
ယွၤမ့ၢ်တံၤသကိး လၢအဂ့ၤတဂၤ
ပှဲၤသးဖှံလဲၤတၢ်ဒီးနၤ.
ယဟိဝၤယွၤဆိၣ်ဂ့ၤပှၤအါမး
စံးဘျုးက့ၤအီၤလၢာ်သး.
ပှၤခဲလၢာ်ခဲဆ့ကသ့ၣ်ညါ
ပမ့ၢ်ယွၤ အခ့အပှၤ.
(ကွၢ်စ့ၢ်ကီး ၁ မိၤ. ၅:၂၄; ၆:၉; ဖံလံး. ၄:၈; ၁ တံၤ. ၆:၆-၈ တက့ၢ်.)