သ့ဝဲ. ကစၢ်ယွၤ သူၣ်အိၣ်သးအိၣ်ဝဲ အခ့အပှၤလၢ အတူၢ်ဘၣ်​ တၢ်ဆူးတၢ်ဆါတဖၣ်လီၤ. ဘၣ်ဃးဒီး ကစၢ်ယွၤ အခ့အပှၤလၢ အအိၣ်ဒီး တၢ်သးတီန့ၣ်​ လံာ်စီဆှံ တဲဝဲလၢ “ယွၤကမၤစၢၤအီၤလၢ တၢ်ဆူးတၢ်ဆါ အလီၢ်မံပူၤလီၤ.” (စံးထီၣ်ပတြၢၤ ၄၁:၃) နမ့ၢ်မၤထွဲ တၢ်ဂ့ၢ်လၢလာ် သၢထံၣ်အံၤန့ၣ်​ ကမၤစၢၤနၤလၢ နလဲၤခီဖျိ တၢ်ဆါယံာ်ယံာ်ထၢထၢ ကန့ၢ်ဝဲအဂီၢ်.

1.  ၁. ဃ့ဘါထုကဖၣ်​ ဒ်သိး နကအိၣ်ဒီး တၢ်တူၢ်န့ၢ်ခီၣ်ကဲ. နမ့ၢ်ဃ့ဘါထုကဖၣ်န့ၣ်​ နကဒိးန့ၢ်ဘၣ်​ “ယွၤအတၢ်ဃူတၢ်ဖိးလၢ အဒိၣ်န့ၢ်ယိာ်န့ၢ်ကယဲၢ်ပသ့ၣ်ညါ နၢ်ပၢၢ်တၢ်” လီၤ. အဃိ ကမၤစၢၤနၤဒ်သိး နကအိၣ်ဒီး တၢ်တူၢ်န့ၢ်ခီၣ်ကဲ ဒီးနလဲၤခီဖျိတၢ် ကန့ၢ်အဂီၢ်.—ဖံလံးပံၤ ၄:၆, ၇.

2.  ၂. အိၣ်ဒီးတၢ်ထံၣ်လၢအဂ့ၤ. လံာ်စီဆှံတဲဝဲလၢ “သးလၢအခုန့ၣ်​ ဒုးအိၣ်ဆူၣ်အိၣ်ချ့နၤလီၤ. မ့မ့ၢ်တၢ်မဲာ်လီၤသပှၢ်တဘိယူၢ်ဃီ မ့ၢ်တၢ်သံကယီကယီလီၤ.” (ကတိၤဒိ ၁၇:၂၂, ခ့ခါစှီၤကျိာ်) ဂုာ်ကျဲးစၢး ဒုးအိၣ်ထီၣ်​ နတၢ်သူၣ်ဖှံသးညီ. နမ့ၢ်မၤဒ်န့ၣ်မး နတၢ်သူၣ်အုးသးအုး ကစှၤလီၤ ဒီးကကဲဘျုးလၢ နတၢ်အိၣ်ဆူၣ်အိၣ်ချ့အဂီၢ်.

3.  ၃. သးစၢၢ်ဆၢနတၢ်မုၢ်လၢ်လၢ ခါဆူညါ. နမ့ၢ်သးစၢၢ်ဆၢ နတၢ်မုၢ်လၢ်န့ၣ်​ နမ့ၢ်အိၣ်ဒီး တၢ်ဆါယံာ်ယံာ်ထၢထၢ သနာ်က့ နကသးခု. (ရိမ့ၤ ၁၂:၁၂) လံာ်စီဆှံ တဲဆိပာ်ဝဲ တၢ်ဆၢကတီၢ် ကဘၣ်ဝဲလၢ “ပှၤအိၣ်ဝဲဆိးဝဲတဖၣ်န့ၣ်တစံး, ယမၤတကဲဘၣ်န့ၣ်ဘၣ်.” (ယၡါယၤ ၃၃:၂၄) တၢ်ဆါယံာ်ယံာ်ထၢထၢလၢ ပှၤဟီၣ်ခိၣ်ဖိ မၤဘျါကွံာ်ဝဲ တန့ၢ်ဘၣ်တဖၣ်န့ၣ်​ ကစၢ်ယွၤ ကမၤဘျါကွံာ်ဝဲဒၣ်. အဒိ, လံာ်စီဆှံ တဲဝဲလၢ ပှၤသးပှၢ်တဖၣ်န့ၣ်​ “အဖံးအညၣ်ကဂ့ၤန့ၢ်ဖိသၣ် အဖံးအညၣ်တက့ၢ်, ကလီၤက့ၤဆူအဖိၣ်သၣ်ခွါထီၣ်အမုၢ်နံၤတဖၣ်န့ၣ်လီၤ.” (ယိၤဘး ၃၃:၂၅) အဃိ ပသ့ၣ်ညါဘၣ်လၢ ပှၤသးပှၢ်တဖၣ်န့ၣ်​ အသးကစၢ်လီၤက့ၤ ဒီးအဂံၢ်အဘါ ကဆူၣ်ထီၣ်ကဒါက့ၤလီၤ.

 ပာ်သူၣ်ပာ်သး­- ယဟိဝၤပှၤအုၣ်အသးလၢ အအိၣ်ဒီး တၢ်ဆါယံာ်ယံာ်ထၢထၢတဖၣ်န့ၣ်​ အဝဲသ့ၣ်​ နာ်ဝဲလၢ ကစၢ်ယွၤ မၤစၢၤအဝဲသ့ၣ်​ သနာ်က့ အဝဲသ့ၣ်​ လဲၤကူစါယါဘျါအသးလၢ ကသံၣ်သရၣ်အအိၣ်စ့ၢ်ကီး. (မၢ်ကူး ၂:၁၇) ပကဘၣ်​ ကူစါယါဘျါပသး ဒ်လဲၣ်ဒ်လဲၣ်န့ၣ်​ ယဟိဝၤပှၤအုၣ်အသးတဖၣ်​ တပာ်လီၤဝဲ တၢ်သိၣ်တၢ်သီ လီၤတံၢ်လီၤဆဲးဘၣ်. ဘၣ်ဃးဒီး တၢ်အိၣ်ဆူၣ်အိၣ်ချ့န့ၣ်​ ပှၤတဂၤစုာ်စုာ် ကဘၣ်ဆၢတဲာ်တၢ် လၢအနီၢ်ကစၢ်ဒၣ်ဝဲလီၤ.