တၢ်ကတိၤအိးထီၣ်လၢ လံာ်စီဆှံကတြူၢ်တဖၣ် အဂီၢ်
တၢ်ဂီၤမူဖုၣ်ကိာ်တဖၣ်အံၤ ပာ်ဖျါထီၣ်ဝဲ တၢ်ဂ့ၢ်တၢ်ကျိၤအရ့ဒိၣ်တဖၣ် လၢဘၣ်ဃးဒီး တၢ်မၤအသး ဒီးတၢ်ဂ့ၢ်လၢအဘၣ်ထွဲလိာ်အသး လၢလံာ်စီဆှံအပူၤလီၤ. ဒ်သိးနတၢ်ဖးလံာ်စီဆှံ ဒီးနနီၢ်ကစၢ်တၢ်မၤလိလံာ်စီဆှံ ကဂ့ၤထီၣ်အဂီၢ် ကွၢ်တၢ်ဂီၤမူတဖၣ်အံၤတက့ၢ်.
တၢ်ကတိၤအိးထီၣ်လၢ လံာ်စီဆှံအဂီၢ်
လံာ်စီဆှံတကတြူၢ်ဘၣ်တကတြူၢ် ကပာ်ဖျါထီၣ်ဝဲ တၢ်ဂ့ၢ်မိၢ်ပှၢ်လၢလံာ်စီဆှံပူၤ လၢအဘၣ်ဃးဒီး ကစၢ်ယွၤအဘီအမုၢ် ကမၤလၤကပီၤ ယဟိဝၤယွၤအမံၤ ခီဖျိလၢခရံာ်ဒ်လဲၣ်.
တၢ်ကတိၤအိးထီၣ်လၢ လံာ် ၁ မိၤၡ့အဂီၢ်
လံာ် ၁ မိၤၡ့ ပာ်ဖျါထီၣ်ဝဲ ပှၤဟီၣ်ခိၣ်ဖိ ဟဲကဲထီၣ်အသးအဂ့ၢ် ဒီးတၢ်ကီတၢ်ခဲ ဒီးတၢ်သံတၢ်ပှၢ် ဟဲကဲထီၣ်အသး ဒ်လဲၣ်အဂ့ၢ်လီၤ.
တၢ်ကတိၤအိးထီၣ်လၢ လံာ် ၂ မိၤၡ့အဂီၢ်
ကစၢ်ယွၤမၤပူၤဖျဲးထီၣ်က့ၤ ပှၤအံၣ်စရ့လးဖိလၢ ကုၢ်အလီၢ်လၢ ကီၢ်အဲၤကူပတူးအပူၤ ဒီးဒုးကဲထီၣ်အဝဲသ့ၣ် လၢကလုာ်ဒူၣ်တဒူၣ်လၢ အဂီၢ်လီၤ.
တၢ်ကတိၤအိးထီၣ်လၢ လံာ် ၃ မိၤၡ့အဂီၢ်
လံာ် ၃ မိၤၡ့ ပာ်ဖျါထီၣ် ကစၢ်ယွၤအတၢ်စီဆှံ ဒီးဘၣ်မနုၤအဃိ အရ့ဒိၣ်ဒိၣ်မး လၢပကဘၣ်အိၣ် စီဆှံလဲၣ်န့ၣ်လီၤ.
တၢ်ကတိၤအိးထီၣ်လၢ လံာ် ၄ မိၤၡ့အဂီၢ်
နကထံၣ်ဘၣ် တၢ်ဒိကနၣ် ယဟိဝၤယွၤအကလုၢ်လၢ တၢ်အိၣ်သးခဲလၢာ်အပူၤ ဒီးပာ်ဖျါထီၣ်တၢ်ပာ်ကဲလၢ ပှၤလၢအတီခိၣ်ရိၤမဲ ယဟိဝၤယွၤအခ့အပှၤအဖီခိၣ်န့ၣ် ကဲဘျုးလၢနတၢ်အိၣ်မူဒ်လဲၣ်န့ၣ်လီၤ.
တၢ်ကတိၤအိးထီၣ်လၢ လံာ် ၅ မိၤၡ့အဂီၢ်
ယဟိဝၤယွၤပာ်လီၤ တၢ်သိၣ်တၢ်သီ လၢပှၤအံၣ်စရ့ဖိအဖီခိၣ်န့ၣ် ပာ်ဖျါထီၣ်ဝဲလၢ အအဲၣ်အပှၤဂီၢ်မုၢ်ဒိၣ်မး.
တၢ်ကတိၤအိးထီၣ်လၢ လံာ်ယိၤၡူအဂီၢ်
နကထံၣ်ဘၣ် ပှၤအံၣ်စရ့လးဖိတဖၣ် မၤနၢၤကီၢ်လၢကစၢ်ယွၤ ဟ့ၣ်လီၤအီၤဒ်လဲၣ် ဒီးနီၤဖးလီၤ တၢ်လီၢ်တၢ်ကျဲဒ်လဲၣ်.
တၢ်ကတိၤအိးထီၣ်လၢ လံာ်စံၣ်ညီၣ်ကွီၢ်အဂီၢ်
လံာ်တဘ့ၣ်အံၤဘၣ်တၢ်ကိးအီၤဒ် ပှၤပိာ်ခွါလၢ အအိၣ်ဒီးတၢ်သူၣ်ဒူသးဒူဒီးတၢ်နာ် အမံၤလၤကပီၤအိၣ်ဝဲအသိး ဒီးကစၢ်ယွၤသူအဝဲသ့ၣ်လၢ ကမၤထူၣ်ဖျဲးထီၣ်အပှၤဂီၢ်မုၢ်လၢ အဒုၣ်အဒါတဖၣ်အစုပူၤလီၤ.
တၢ်ကတိၤအိးထီၣ်လၢ လံာ်ရူၤသးအဂီၢ်
လံာ်ရူၤသး ပာ်ဖျါထီၣ်ဝဲ မုၣ်ကမဲဖိတဂၤ တူၢ်ဆါအသး ဒီးပာ်ဖျါထီၣ်တၢ်အဲၣ်လၢ အမံၤပှၢ်ပိာ်မုၣ် မုၣ်ကမဲ အဖီခိၣ်အဃိ ယဟိဝၤယွၤဆိၣ်ဂ့ၤ အဝဲသ့ၣ် ခံဂၤလၢာ်အဂ့ၢ်.
တၢ်ကတိၤအိးထီၣ်လၢ လံာ် ၁ ၡမူၤအ့လးအဂီၢ်
လံာ် ၁ ၡမူၤအ့လး ပာ်ဖျါထီၣ်ဝဲလၢ ယဟိဝၤယွၤတသူဝဲ စံၣ်ညီၣ်ကွီၢ်တဖၣ်လၢ ကပၢပှၤအံၣ်စရ့လးဖိလၢၤဘၣ်. ဘၣ်ဆၣ် အပျဲဝဲလၢ စီၤပၤတဖၣ်ကပၢက့ၤ ပှၤအံၣ်စရ့လးဖိ.
တၢ်ကတိၤအိးထီၣ်လၢ လံာ် ၂ ၡမူၤအ့လးအဂီၢ်
စီၤဒၤဝံးန့ၣ် အအိၣ်ဒီးတၢ်ဆီၣ်လီၤသး ဒီးတၢ်နာ် အဃိ ပှၤအဲၣ်အီၤအါမး ဒီးအမ့ၢ်ပှၤတဂၤလၢ ပှၤသ့ၣ်ညါအီၤအါမး.
တၢ်ကတိၤအိးထီၣ်လၢ လံာ် ၁ စီၤပၤအဂီၢ်
စီၤပၤၡလိၤမိၤပၢတၢ်အခါ ပှၤအံၣ်စရ့လးဖိ အိၣ်ဘၣ်မုာ်မုာ်ခုၣ်ခုၣ် ဒီးအိၣ်ဘၣ်ဘီၣ်ဘီၣ်ညီညီ. လၢခံ အံၣ်စရ့လး ဘီမုၢ်လီၤဖးခံက့ ဒီးကဲထီၣ်က့ၤလၢ အံၣ်စရ့လးဘီမုၢ် ဒီးယူဒၤဘီမုၢ်.
တၢ်ကတိၤအိးထီၣ်လၢ လံာ် ၂ စီၤပၤ အဂီၢ်
ပှၤအံၣ်စရ့လးအဒူၣ်တဆံ လၢကလံၤစိးဘီမုၢ်န့ၣ် အဝဲသ့ၣ် ပာ်တ့ၢ်ကွံာ် တၢ်ဘူၣ်တၢ်ဘါ အမ့ၢ်အတီအဃိ အဝဲသ့ၣ်ထံၣ်ဘၣ်ဒီး တၢ်ကီတၢ်ခဲ. မ့မ့ၢ်ပှၤလၢ အဘူၣ်ထီၣ်ဘါထီၣ် ယဟိဝၤယွၤ လၢသးဒီဖျၢၣ်န့ၣ် ယဟိဝၤယွၤ ဆိၣ်ဂ့ၤအဝဲသ့ၣ်.
တၢ်ကတိၤအိးထီၣ်လၢ လံာ် ၁ ကွဲးနီၣ်တၢ်အဂီၢ်
လံာ်အံၤ ပာ်ဖျါထီၣ် ဘၣ်ဃးဒီး စီၤဒၤဝံးအတၢ်လီၤစၢၤလီၤသွဲၣ်, အတၢ်လဲၤခီဖျိ စးထီၣ်လၢအပၢတၢ် တုၤလၢအသံ.
တၢ်ကတိၤအိးထီၣ်လၢ လံာ် ၂ ကွဲးနီၣ်တၢ်အဂီၢ်
ဃုသ့ၣ်ညါဘၣ်ဃး ယူဒၤစီၤပၤတဖၣ် အတၢ်စံၣ်စိၤတဲစိၤ ပာ်ဖျါထီၣ်ဝဲလၢ တၢ်သးတီဒီးကစၢ်ယွၤန့ၣ် အရ့ဒိၣ်ထဲလဲၣ်.
တၢ်ကတိၤအိးထီၣ်လၢ လံာ်ဧ့စြၤအဂီၢ်
ယဟိဝၤယွၤ တီဒီးအတၢ်အၢၣ်လီၤ လၢကမၤထူၣ်ဖျဲး အပှၤဂီၢ်မုၢ်လၢ ဝ့ၢ်ဘၤဘူၤလိၣ် ဒီးကသူၣ်ထီၣ်က့ၤ တၢ်ဘူၣ်တၢ်ဘါ အမ့ၢ်အတီလၢ ဝ့ၢ်ယရူၤၡလ့ၣ်န့ၣ်လီၤ.
တၢ်ကတိၤအိးထီၣ်လၢ လံာ်နဃ့မယၤအဂီၢ်
မုၢ်မဆါတနံၤအံၤ ပှၤဘူၣ်ထီၣ်ဘါထီၣ်တၢ်လၢ အမ့ၢ်အတီတဖၣ် ဒိးန့ၢ်ဘၣ် တၢ်မၤလိလၢ လံာ်နဃ့မယၤအပူၤသ့လီၤ.
တၢ်ကတိၤအိးထီၣ်လၢ လံာ်နီၢ်အ့ၤစတၢ်အဂီၢ်
တၢ်မၤအသးလၢ အ့ၤစတၢ်အစိၤန့ၣ် ကမၤဆူၣ်ထီၣ် နတၢ်နာ် ယဟိဝၤယွၤ အတၢ်သ့တၢ်ဘၣ်လၢ ကထုးထီၣ်ကွံာ် အပှၤဂီၢ်မုၢ်လၢ တၢ်လ့ပစီအပူၤ လၢမုၢ်မဆါတနံၤအံၤန့ၣ်လီၤ.
တၢ်ကတိၤအိးထီၣ်လၢ လံာ်ယိၤဘးအဂီၢ်
ပှၤလၢအအဲၣ် ယဟိဝၤယွၤန့ၣ် ကထံၣ်ဘၣ်တၢ်မၤကွၢ်လီၤ. စီၤယိၤဘးအဒိအတဲာ်န့ၣ် ဒုးနာ်န့ၢ်ပှၤလၢ ပဝဲစ့ၢ်ကီး ပတီဒီးယဟိဝၤယွၤ ဒီးဆီၣ်ထွဲယဟိဝၤယွၤ ပၢတၢ်အခွဲး သ့ဝဲန့ၣ်လီၤ.
တၢ်ကတိၤအိးထီၣ်လၢ လံာ်စံးထီၣ်ပတြၢၤအဂီၢ်
လံာ်စံးထီၣ်ပတြၢၤ ဆီၣ်ထွဲဝဲ ယဟိဝၤယွၤ အတၢ်ပၢ, မၤစၢၤဒီး မၤမုာ်ထီၣ် ပှၤလၢအအဲၣ်အီၤ ဒီးပာ်ဖျါထီၣ်ဝဲလၢ ဟီၣ်ခိၣ်အံၤ ကဆီတလဲအသး ခီဖျိလၢယွၤအဘီအမုၢ်အဃိန့ၣ်လီၤ.
တၢ်ကတိၤအိးထီၣ်လၢ လံာ်ကတိၤဒိအဂီၢ်
လံာ်ကတိၤဒိအံၤ ပာ်ဖျါထီၣ်ဝဲ ယဟိဝၤယွၤအတၢ်ဟံးစုနဲၣ်ကျဲလၢ ပတၢ်အိၣ်မူကိးသနၢၣ်ဒဲးအပူၤ ဃုာ်ဒီး တၢ်ဖံးအီၣ်မၤအီၣ်ဒီး တၢ်ရ့လိာ်သးဒီး ဟံၣ်ဖီဃီဖိအဂ့ၢ်န့ၣ်လီၤ.
တၢ်ကတိၤအိးထီၣ်လၢ လံာ်ပှၤစံၣ်တဲၤတဲလီၤတၢ်အဂီၢ်
စီၤပၤၡလိၤမိၤ ပာ်ဖျါထီၣ်ဝဲတၢ်လၢ အရ့ဒိၣ်လၢပတၢ်အိၣ်မူအပူၤ ဒီးထိၣ်သတြီၤဝဲဒီး တၢ်လၢအထီဒါလိာ်သးဒီး ယွၤအတၢ်သိၣ်တၢ်သီန့ၣ်လီၤ.
တၢ်ကတိၤအိးထီၣ်လၢ လံာ်တၢ်သးဝံၣ်တဖၣ်အတၢ်သးဝံၣ်အဂီၢ်
ၡူလမး အတၢ်အဲၣ်နီၢ်နီၢ်လၢ ပှၤကွၢ်သိ အဖီခိၣ် တလီၤစှၤဘၣ်န့ၣ် ဘၣ်တၢ်ပာ်ဖျါထီၣ်အီၤဒ် “ယွၤအမ့ၣ်လၣ်” အသိးလီၤ. ဘၣ်မနုၤအဃိလဲၣ်.
တၢ်ကတိၤအိးထီၣ်လၢ လံာ်ယၡါယၤအဂီၢ်
လံာ်ယၡါယၤအံၤ အိၣ်ဒီးဝံအတၢ်စံးပာ်လၢ ကမၤဂၢၢ်ကျၢၤထီၣ်ပတၢ်နာ် ဘၣ်ဃးကစၢ်ယွၤကမၤလၢပှဲၤအတၢ်အၢၣ်လီၤဒီး ကအုၣ်က့ၤခီၣ်က့ၤပှၤန့ၣ်လီၤ.
တၢ်ကတိၤအိးထီၣ်လၢ လံာ်ယံးရမံယၤအဂီၢ်
ဝံယံးရမံယၤန့ၣ် တူၢ်ဘၣ်ဝဲတၢ်မၤအၢမၤနး ဘၣ်ဆၣ် ဆဲးမၤဝဲယဟိဝၤယွၤ အတၢ်မၤလၢ တၢ်သးတီအပူၤလီၤ. ပဝဲခရံာ်ဖိတဖၣ် ပမ့ၢ်ဆိကမိၣ်ထံ အဂ့ၢ်န့ၣ် ကကဲဘျုးလၢပဂီၢ် လၢမုၢ်မဆါတနံၤအံၤလီၤ.
တၢ်ကတိၤအိးထီၣ်လၢ လံာ်သးသယုၢ်တၢ်အဂီၢ်
ဝံယံးရမံယၤ ကွဲးဝဲ, လံာ်သးသယုၢ်တၢ် ပာ်ဖျါထီၣ်ဝဲ တၢ်သူၣ်အုးသးအုး ဖဲဝ့ၢ်ယရူၤၡလ့ၣ် လီၤပှီၢ်အခါ ဒီးပှၤလၢ အပီၢ်ယၢ်လီၤက့ၤအသးတဖၣ် ဒိးန့ၢ်ဘၣ်တၢ်သးကညီၤ ဒ်လဲၣ်န့ၣ်လီၤ.
တၢ်ကတိၤအိးထီၣ်လၢ လံာ်ယဃ့းစက့လးအဂီၢ်
မူဒါလၢ ယဟိဝၤယွၤ ဟ့ၣ်အီၤန့ၣ် မ့ၢ်ကီထဲလဲၣ် သနာ်က့ ဝံယဃ့းစက့လး မၤဝဲလၢ တၢ်ဆီၣ်လီၤသး ဒီးတၢ်သူၣ်ဒူသးဒူအပူၤလီၤ. အဝဲအဒိအတဲာ်န့ၣ် ကဲဘျုးလၢပဂီၢ် လၢမုၢ်မဆါတနံၤအံၤလီၤ.
တၢ်ကတိၤအိးထီၣ်လၢ လံာ်ဒၤနံးယ့လးအဂီၢ်
စီၤဒၤနံးယ့လးဒီး အတံၤသကိးတဖၣ် ထံၣ်ဘၣ်ဝဲ တၢ်မၤကွၢ်အကလုာ်ကလုာ် ဘၣ်ဆၣ်အဝဲသ့ၣ် ဆဲးတီဒီးယဟိၤဝၤယွၤ. အဝဲသ့ၣ်အဒိအတဲာ် ဒီး ဝံအတၢ်စံးပာ်ဟဲလၢ အဟဲထီၣ်ပှဲၤထီၣ်တဖၣ်န့ၣ် ကဲဘျုးလၢပဂီၢ်ခဲအံၤတကးဒံးဘၣ် ခါဆူညါလၢ စ့ၢ်ကီးလီၤ.
တၢ်ကတိၤအိးထီၣ်လၢ လံာ်ဟိၤၡ့အဂီၢ်
လၢလံာ်ဟိၤၡ့အပူၤ ပန့ၢ်ဘၣ်တၢ်မၤလိလၢ မုၢ်မဆါတနံၤအံၤစ့ၢ်ကီး ပှၤလၢအမၤဘၣ်တၢ်ကမၣ် ဒီးပီၢ်ယၢ်လီၤက့ၤအသးတဖၣ်န့ၣ် ယဟိဝၤယွၤသးကညီၤအဝဲသ့ၣ် ဒီးယဟိဝၤယွၤအဲၣ်ဒိးဝဲလၢ ပဘူၣ်ထီၣ်ဘါထီၣ်အီၤလၢ သူၣ်ဒီဖျၢၣ်သးဒီဖျၢၣ်န့ၣ်လီၤ.
တၢ်ကတိၤအိးထီၣ်လၢ လံာ်ယိၤအ့လးအဂီၢ်
ယိၤအ့လးတဲဆိပာ်ဝဲဘၣ်ဃး “ယွၤအမုၢ်တနံၤ” ဘူးထီၣ်ဝဲအဂ့ၢ် ဒီးဒ်သိးပကပူၤဖျဲးအဂီၢ် ပဘၣ်မၤဒ်လဲၣ်န့ၣ်လီၤ. ဒီးဝံအတၢ်ကတိၤအံၤ အရ့ဒိၣ်လၢ ပဂီၢ်လၢမုၢ်မဆါတနံၤအံၤလီၤ.
တၢ်ကတိၤအိးထီၣ်လၢ လံာ်ဧၤမိၣ်အဂီၢ်
ယဟိဝၤယွၤသူဝဲ ပှၤလၢအိၣ်ဒီး တၢ်ဆီၣ်လီၤသးတဖၣ်လၢ ကမၤတၢ်မၤလၢအရ့ဒိၣ်. ပဟံးန့ၢ်တၢ်မၤလိလၢ အရ့ဒိၣ်လၢ ဝံဧၤမိၣ်အအိၣ်ကသ့ဒ်လဲၣ်.
တၢ်ကတိၤအိးထီၣ်လၢ လံာ်ဧိၤဘါဒယၤအဂီၢ်
လံာ်ဧိၤဘါဒယၤ မ့ၢ်လံာ်အဆံးကတၢၢ်တဘ့ၣ်လၢ လံာ်စီဆှံလၢ ဧ့ၤဘြံၤကျိာ်တကတြူၢ်အပူၤလီၤ. ဒီးပာ်ဖျါထီၣ်ဝဲ တၢ်မုၢ်လၢ် ဒီးတၢ်အၢၣ်လီၤလၢ ယဟိဝၤယွၤအတၢ်ပၢန့ၣ် ကဘၣ်တၢ်ပာ်ဖျါထီၣ်အီၤလီၤ
တၢ်ကတိၤအိးထီၣ်လၢ လံာ်ယိၤနါအဂီၢ်
ဝံအံၤတူၢ်လိာ်ဝဲ တၢ်သိၣ်က့ၤသီက့ၤ, မၤလၢပှဲၤ အမူဒါ ဒီးဒိးန့ၢ်ဘၣ် တၢ်မၤလိလၢ ဘၣ်ဃးဒီး ကစၢ်ယွၤ အတၢ်အဲၣ်လၢအတီ ဒီးအတၢ်သးကညီအဂ့ၢ်လီၤ. အတၢ်လဲၤခီဖျိအံၤ ကထုးန့ၢ်နသးလီၤ.
တၢ်ကတိၤအိးထီၣ်လၢ လံာ်မံကၤအဂီၢ်
ဝံအတၢ်စံးပာ်တဖၣ်အံၤ ကမၤစၢၤပှၤ ဒ်သိးပကနာ် သပှၢ်ကတၢၢ်လၢ တၢ်လၢယဟိဝၤယွၤ မၢပှၤတဖၣ်န့ၣ် ကဲဘျုးလၢပဂီၢ်လီၤ.
တၢ်ကတိၤအိးထီၣ်လၢ လံာ်နၤဃူၣ်အဂီၢ်
ဝံအတၢ်ကတိၤအံၤ ဒုးနာ်န့ၢ်ပှၤလၢ ယဟိဝၤယွၤန့ၣ် မၤလၢပှဲၤအတၢ်ကတိၤထီဘိ ဒီးအဝဲမ့ၢ်ပှၤလၢ အမၤမုာ်ထီၣ်ပှၤခဲလၢာ် လၢအဃုတၢ်ဃူတၢ်ဖိး ဒီးတၢ်အုၣ်က့ၤခီၣ်က့ၤလၢ အဘီမုၢ်တၢ်ပၢဖီလာ်န့ၣ်လီၤ.
တၢ်ကတိၤအိးထီၣ်လၢ လံာ်ဃဘးကူာ်အဂီၢ်
ပနာ်သ့သပှၢ်ကတၢၢ်လၢ ယဟိဝၤယွၤ သ့ၣ်ညါဝဲတၢ်ဆၢကတီၢ်လၢ အဂ့ၤကတၢၢ် ဒီးကျဲအဂ့ၤကတၢၢ်လၢ ကဘၣ်ဒီသဒၢ အပှၤဂီၢ်မုၢ်န့ၣ်လီၤ.
တၢ်ကတိၤအိးထီၣ်လၢ လံာ်စဖါနယၤအဂီၢ်
ဘၣ်မနုၤအဃိ ပတကြၢးဆိကမိၣ်လၢ ယဟိဝၤယွၤအမုၢ်စံၣ်ညီၣ်နံၤ တဟဲလၢၤဘၣ်လဲၣ်.
တၢ်ကတိၤအိးထီၣ်လၢ လံာ်ဃးကဲအဂီၢ်
ဝံအကလုၢ်ကထါ ပာ်ဖျါထီၣ်ဝဲ ဘၣ်ဃးပကဘၣ်ပာ်ဒိၣ် တၢ်ဘူၣ်ထီၣ်ဘါထီၣ် ကစၢ်ယွၤအါန့ၢ်ဒံး ပနီၢ်ကစၢ်အတၢ်လိၣ်ဘၣ်န့ၣ်လီၤ.
တၢ်ကတိၤအိးထီၣ်လၢ လံာ်စကၤရယၤအဂီၢ်
တၢ်ထံၣ်လၢညါခီ ဒီးဝံတၢ်ကတိၤတဖၣ် ဟ့ၣ်ဆူၣ်ထီၣ်ဝဲ ယွၤအပှၤဂီၢ်မုၢ်လၢ ပျၢၤတဖၣ်. ဝံအတၢ်ကတိၤတဖၣ်အံၤ ဒုးနာ်န့ၢ်ပှၤလၢ မုၢ်မဆါတနံၤအံၤစ့ၢ်ကီး ယဟိဝၤယွၤအတၢ်ဆီၣ်ထွဲမၤစၢၤပှၤန့ၣ်လီၤ.
တၢ်ကတိၤအိးထီၣ်လၢ လံာ်မၤလကံအဂီၢ်
ဝံအတၢ်ကတိၤလၢ အပာ်ဖျါထီၣ်ဝဲ ယဟိဝၤယွၤ အတၢ်သးကညီၤ, အတၢ်အဲၣ်တၢ်ကွံ ဒီးအတၢ်သိၣ်တၢ်သီန့ၣ် တဆီတလဲ နီတဘျီဘၣ်အဂ့ၢ်. ဝံအတၢ်ကတိၤအံၤ အိၣ်ဒီးတၢ်မၤလိလၢ အရ့ဒိၣ်လၢပဂီၢ် လၢမုၢ်မဆါတနံၤအံၤန့ၣ်လီၤ.
တၢ်ကတိၤအိးထီၣ်လၢ လံာ်မးသဲအဂီၢ်
ဃုသ့ၣ်ညါတၢ်ဂ့ၢ်အရ့ဒိၣ်လၢ လံာ်မးသဲအပူၤတက့ၢ်. လံာ်မးသဲန့ၣ် မ့ၢ်လံာ်တၢ်သးခုကစီၣ်လွံၢ်ဘ့ၣ်အကျါ အဆိကတၢၢ်တဘ့ၣ်လီၤ.
တၢ်ကတိၤအိးထီၣ်လၢ လံာ်မၢ်ကူးအဂီၢ်
လံာ်တၢ်သးခုကစီၣ်လၢ အဖုၣ်ကတၢၢ်တဘ့ၣ်, တၢ်ဂ့ၢ်တၢ်ကျိၤလၢ လံာ်မၢ်ကူးအပူၤန့ၣ် ပာ်ဖျါထီၣ်န့ၢ်ပှၤတၢ်လၢ ယ့ၣ်ၡူးကမၤန့ၢ်ပှၤဖဲအပၢတၢ်လၢ ယွၤဘီမုၢ်ပူၤအခါန့ၣ်လီၤ.
တၢ်ကတိၤအိးထီၣ်လၢ လံာ်လူၤကၣ်အဂီၢ်
တၢ်ဂ့ၢ်လၢ ပဃုထံၣ်န့ၢ်အီၤသ့ထဲ လံာ်တၢ်သးခုကစီၣ်လၢအမ့ၢ် လံာ်လူၤကၣ်အပူၤန့ၣ် မ့ၢ်မနုၤလဲၣ်
တၢ်ကတိၤအိးထီၣ်လၢ လံာ်ယိၤဟၣ်အဂီၢ်
ယိၤဟၣ် ပာ်ဖျါထီၣ်ဝဲ ယ့ၣ်ၡူးအတၢ်အဲၣ် ပှၤဟီၣ်ခိၣ်ဖိ, အတၢ်ဆီၣ်လီၤသး အဒိအတဲာ် ဒီးတၢ်အုၣ်သးလၢ အဝဲမ့ၢ်မ့းၡံအၤအဂ့ၢ်—ခါဆူညါ ယွၤအဘီအမုၢ် အစီၤပၤ.
တၢ်ကတိၤအိးထီၣ်လၢ လံာ်မၤတၢ်အဂီၢ်
ခရံာ်ဖိလၢညါတဖၣ် ကျဲးစၢးဆူၣ်ဆူၣ်လၢ ကလဲၤဒုးကဲထီၣ် ပှၤကလုာ်ခဲလၢာ်လၢ ခရံာ်အပျဲၢ်အဘီၣ်န့ၣ်လီၤ. လံာ်မၤတၢ်န့ၣ် ကမၤဆူၣ်ထီၣ် နတၢ်သးဆူၣ်လၢ တၢ်စံၣ်တဲၤတဲလီၤတၢ်မၤ အပူၤလီၤ.
တၢ်ကတိၤအိးထီၣ်လၢ လံာ်ရိမ့ၤအဂီၢ်
သးစီဆှံအတၢ်ဟံးစုနဲၣ်ကျဲ လၢအဘၣ်ဃးဒီး ယဟိဝၤယွၤ တကွၢ်ဒိၣ်ဆံးအါစှၤတၢ်ဘၣ် ဒီးတၢ်နာ်ယ့ၣ်ၡူးခရံာ် မ့ၢ်တၢ်လၢအရ့ဒိၣ်အဂ့ၢ်န့ၣ်လီၤ.
တၢ်ကတိၤအိးထီၣ်လၢ လံာ် ၁ ကရံၣ်သူးအဂီၢ်
စီၤပီလူး အလံာ်ပရၢအံၤ ပၣ်ဃုာ်ဒီး တၢ်ဟ့ၣ်ကူၣ် လၢအဘၣ်ဃးဒီး တၢ်ဃူတၢ်ဖိး, တၢ်သကဲးပဝးလၢ အကဆှီ, တၢ်အဲၣ် ဒီး တၢ်နာ် တၢ်ဂဲၤဆၢထၢၣ်သမူထီၣ်က့ၤ အဂ့ၢ်လီၤ.
တၢ်ကတိၤအိးထီၣ်လၢ လံာ် ၂ ကရံၣ်သူးအဂီၢ်
ယဟိဝၤယွၤ လၢအမ့ၢ် “တၢ်မၤမုာ်ခဲလၢာ်အကစၢ်” ဟ့ၣ်ဂံၢ်ဟ့ၣ်ဘါ ဒီးမၤစၢၤဝဲ အခ့အပှၤတဖၣ်လီၤ.
တၢ်ကတိၤအိးထီၣ်လၢ လံာ်ကလၤတံအဂီၢ်
စီၤပီလူးအလံာ်လၢ အကွဲးဝဲဆူ ကလၤတံန့ၣ် အကဲဘျုးတုၤလၢ ပစိၤခဲအံၤလီၤ. ဒ်သိးခရံာ်ဖိနီၢ်နီၢ်တဖၣ် ကဆဲးအိၣ်ဒီး တၢ်သးတီအဂီၢ် လံာ်အံၤမၤစၢၤ အဝဲသ့ၣ်သ့လီၤ.
တၢ်ကတိၤအိးထီၣ်လၢ လံာ်အ့းဖ့းစူးအဂီၢ်
လံာ်ပရၢအံၤပာ်ဖျါထီၣ်ဝဲ ကစၢ်ယွၤအတၢ်တိာ်ပာ်လၢ အကဒုးအိၣ်ထီၣ် တၢ်ဃူတၢ်ဖိး ဒီးတၢ်မုာ်တၢ်ခုၣ် ခီဖျိလၢ ယ့ၣ်ၡူးခရံာ်န့ၣ်လီၤ.
တၢ်ကတိၤအိးထီၣ်လၢ လံာ်ဖံလံးပံၤအဂီၢ်
ဖဲပထံၣ်ဘၣ်တၢ်မၤကွၢ်အခါ ပမ့ၢ်အိၣ်ဒီးတၢ်သးတီန့ၣ်, ကဟ့ၣ်ဂံၢ်ဟ့ၣ်ဘါပှၤဂၤ လၢအဝဲသ့ၣ်ကအိၣ်ဒီး တၢ်သးတီလီၤ.
တၢ်ကတိၤအိးထီၣ်လၢ လံာ်ကလီးစဲအဂီၢ်
ပမၤသးခု ယဟိဝၤယွၤအသး သ့ခီဖျိပမၤထွဲတၢ်လၢပမၤလိဘၣ်, ပပျၢ်လိာ်သးတၢ်ကမၣ် လၢာ်လၢာ်ဆ့ဆ့ ဒီးပကဘၣ်သ့ၣ်နီၣ်ထီၣ် ယ့ၣ်ၡူးအလီၢ်လၤ ဒီးအတၢ်န့ၢ်စိန့ၢ်ကမီၤလီၤ.
တၢ်ကတိၤအိးထီၣ်လၢ လံာ် ၁ သ့းစၤလနံအဂီၢ်
ပကဘၣ် ပၢၢ်ထီၣ်လၢနီၢ်သးတခီ, ‘ပစီကွၢ်တၢ်ခဲလၢာ်,’ ‘ဘါထုကဖၣ်တၢ်တထံၣ်ဃီ’ ဒီးဟ့ၣ်ဂံၢ်ဟ့ၣ်ဘါလိာ်သးတဂၤဒီးတဂၤလီၤ.
တၢ်ကတိၤအိးထီၣ်လၢ လံာ် ၂ သ့းစၤလနံအဂီၢ်
စီၤပီလူးဘှီဘၣ်ထီၣ် တၢ်ထံၣ်ကမၣ်လၢအဘၣ်ဃးဒီး ယဟိဝၤယွၤအမုၢ်နံၤ ဒီးအဟ့ၣ်ဂံၢ်ဟ့ၣ်ဘါ ဒီပုၢ်ဝဲၢ်တဖၣ်လၢ ကဆၢထၢၣ်ဂၢၢ်ကျၢၤလၢတၢ်နာ်အပူၤလီၤ.
တၢ်ကတိၤအိးထီၣ်လၢ လံာ် ၁ တံၤမသ့းအဂီၢ်
တၢ်မၢဖိပီလူးကွဲး ၁ တံၤမသ့း ဒ်သိးကပာ်ဖျါထီၣ် တၢ်အိၣ်ဖှိၣ်အတၢ်ရဲၣ်တၢ်ကျဲၤ ဒီးတၢ်ဟ့ၣ်ပလီၢ် ဘၣ်ဃးဒီး တၢ်သိၣ်လိကမၣ် ဒီးတၢ်အဲၣ်ကျိၣ်အဲၣ်စ့လီၤ.
တၢ်ကတိၤအိးထီၣ်လၢ လံာ် ၂ တံၤမသ့းအဂီၢ်
စီၤပီလူး ဟ့ၣ်ဂံၢ်ဟ့ၣ်ဘါ စီၤတံၤမသ့း လၢအကမၤဝံၤ အတၢ်စံၣ်တဲၤတဲလီၤတၢ်မၤ လၢလၢပှဲၤပှဲၤလီၤ.
တၢ်ကတိၤအိးထီၣ်လၢ လံာ်တံတူးအဂီၢ်
စီၤပီလူးအလံာ်ပရၢ လၢစီၤတံတူးအအိၣ်န့ၣ် ပာ်ဖျါထီၣ်ဝဲ ကြ့တ့ၤအတၢ်အိၣ်ဖှိၣ်ဖိ တၢ်ဂ့ၢ်ကီတဖၣ် ဒီးအဝဲပာ်ဖျါထီၣ် နီၢ်သးတၢ်ဂ့ၤတၢ်ဝါတဖၣ်လၢတၢ်အိၣ်ဖှိၣ်သးပှၢ်တဖၣ်အဂီၢ်လီၤ.
တၢ်ကတိၤအိးထီၣ်လၢ လံာ်ဖံၤလ့မိၣ်အဂီၢ်
လံာ်ပရၢအံၤ ဖုၣ်ဝဲဘၣ်ဆၣ် အိၣ်ဒီးတၢ်မၤလိ လၢအကဲဘျုးတဖၣ် ဒ်သိးဒီး တၢ်ဆီၣ်လီၤသး, တၢ်သးကညီၤ ဒီးတၢ်ပျၢ်တၢ်ကမၣ်န့ၣ်လီၤ.
တၢ်ကတိၤအိးထီၣ်လၢ လံာ်ဧ့ၤဘြံၤအဂီၢ်
ခရံာ်ဖိတၢ်ဘူၣ်ထီၣ်ဘါထီၣ်န့ၣ် မ့ၢ်တၢ်လၢအဂ့ၤဒိၣ်န့ၢ်ဒံး တၢ်လုၢ်ဟံၣ် လၢအအိၣ်ဖျါ ဒီးတၢ်လုၢ်ထီၣ် ဆၣ်ဖိကီၢ်ဖိ စၢၢ်တလၢၢ်ဒံးလီၤ.
တၢ်ကတိၤအိးထီၣ်လၢ လံာ်ယၤကိာ်အဂီၢ်
စီၤယၤကိာ်သူတၢ်ကတိၤဒိၡဲၡဲဖိဒ်သိး ကသိၣ်လိဝဲ ခရံာ်ဖိအတၢ်ဟံးစုနဲၣ်ကျဲလၢ အရ့ဒိၣ်တဖၣ်အဂီၢ်.
တၢ်ကတိၤအိးထီၣ်လၢ လံာ် ၁ ပ့းတရူးအဂီၢ်
စီၤပ့းတရူးကွဲး လံာ်ပရၢအဆိကတၢၢ်တဘ့ၣ်အံၤ ဟ့ၣ်ဂံၢ်ဟ့ၣ်ဘါပှၤလၢ ပကအိၣ်ဒီး တၢ်သူၣ်ဆူၣ်သးဆူၣ် ဒီးပကပာ်ထီၣ် ကယဲၢ်ပတၢ်ဘၣ်ယိၣ်ဘၣ်ဘှီ လၢယွၤအလိၤ.
တၢ်ကတိၤအိးထီၣ်လၢ လံာ် ၂ ပ့းတရူးအဂီၢ်
စီၤပ့းတရူး အလံာ်ခံဘ့ၣ်တဘ့ၣ်အံၤ ဟ့ၣ်ဂံၢ်ဟ့ၣ်ဘါပှၤလၢ ပကအိၣ်ဒီးတၢ်သးတီ ဖဲပအိၣ်ခိး မူခိၣ်အသီဒီးဟီၣ်ခိၣ်အသီ အဆၢကတီၢ်လီၤ.
တၢ်ကတိၤအိးထီၣ်လၢ လံာ် ၁ ယိၤဟၣ်အဂီၢ်
စီၤယိၤဟၣ် အလံာ်အံၤန့ၣ် ဟ့ၣ်ပလီၢ်ပှၤလၢ ပကတြီဆၢကွံာ် ပှၤလၢအထီဒါခရံာ် ဒီးမၤစၢၤပှၤဒ်သိး ပကသ့ၣ်ညါလၢ ပကြၢးအဲၣ်တၢ်မနုၤလဲၣ် ဒီးပတကြၢး အဲၣ်တၢ်မနုၤလဲၣ်န့ၣ်လီၤ.
တၢ်ကတိၤအိးထီၣ်လၢ လံာ် ၂ ယိၤဟၣ်အဂီၢ်
စီၤယိၤဟၣ် အလံာ်ခံဘ့ၣ်တဘ့ၣ်အံၤ ဒုးသ့ၣ်နီၣ်ထီၣ်ပှၤလၢ ပကဆဲးလဲၤတၢ်လၢ တၢ်မ့ၢ်တၢ်တီအပူၤ ဒီးတြီဆၢ ပှၤလၢအကွဲန့ၢ်လွဲန့ၢ်တၢ်တဖၣ်လီၤ.
တၢ်ကတိၤအိးထီၣ်လၢ လံာ် ၃ ယိၤဟၣ်အဂီၢ်
ဘၣ်ဃးဒီး တၢ်တူၢ်လိာ်တမှံၤန့ၣ် လံာ်သၢယိၤဟၣ် ပာ်ဖျါထီၣ်ဝဲ တၢ်မၤလိလၢ အဂ့ၤဒိၣ်မးလီၤ.
တၢ်ကတိၤအိးထီၣ်လၢ လံာ်ယူဒၤအဂီၢ်
စီၤယူဒၤပာ်ဖျါထီၣ် ပှၤလၢအကွဲန့ၢ်လွဲန့ၢ် ဒီးမၤဟးဂီၤ ခရံာ်ဖိအလုၢ်အလၢ်တဖၣ်န့ၣ်လီၤ.
တၢ်ကတိၤအိးထီၣ်လၢ လံာ်လီၣ်ဖျါအဂီၢ်
တၢ်ထံၣ်လၢညါခီ လၢအဂ့ၤတဖၣ် လၢလံာ်လီၣ်ဖျါအပူၤန့ၣ် ပာ်ဖျါထီၣ်ဝဲလၢ ယွၤအဘီအမုၢ် ကမၤလၢပှဲၤထီၣ် ကစၢ်ယွၤအတၢ်တိာ်ပာ် လၢဟီၣ်ခိၣ်ချၢ ဒီးလၢပှၤဟီၣ်ခိၣ်ဖိအဂီၢ် ဒ်လဲၣ်န့ၣ်လီၤ.
You May Also Like
လံာ်တဖၣ် ဒီးဘရိၣ်ခၠၣ်တဖၣ်
လံာ်စီဆှံအံၤ အတၢ်ကစီၣ် မ့ၢ်မနုၤလဲၣ်
လံာ်စီဆှံ အတၢ်ကစီၣ် အဂ့ၢ်ခိၣ်သ့ၣ်န့ၣ် မ့ၢ်မနုၤလဲၣ်.