Чьԛас Навед Хԝәде Һәнә?
Щаба Кʹьтеба Пироз
Тʹәне навәки Хԝәде һәйә. Ль сәр зьмане Ибрани әв ӧса те ньвисаре: יהוה у сәр зьмане Кӧрманщи те готьне «Йаһоԝа». a Хԝәде бь пʹехәмбәре хԝә Ишайа, гот: «Әз ХӦДАН ьм [Йаһоԝа, ДТʹ], наве мьн әԝ ә» (Ишайа 42:8). Манускриптед Кʹьтеба Пирозә кәвьнда, әв нав ԝәкә 7 000 щара һатийә ньвисаре. Демәк наве Йаһоԝа жь һʹәму сәрнавед ԝи у жь навед мәрьва, зедәтьр һатийә ньвисаре. b
Гәло навед Йаһоԝа диса һәнә?
Ль гора Кʹьтеба Пироз, тʹәне навәки Хԝәде һәйә. Ле ӧса жи гәләк сәрнав сәр ԝи тенә готьне, у һәр йәк жь ԝан хәйсәт-һʹӧнӧред ԝи әʹйан дькьн. Жере чәнд мәсәлә һатьнә дайине.
Сәрнав |
Рʹез |
Шьровәкьрьн |
|---|---|---|
Аллаһ |
(Тʹӧ щийа тʹӧнә) |
Хәбәра Әʹрәбийә «Аллаһ» нав нинә, ле әԝ сәрнав ә, кӧ те һʹәсабе «Хԝәде». Ԝәлгәрʹандьна Кʹьтеба Пирозда сәр зьмане Әʹрәби у һьнә зьманед дьнда жи хәбәра «Аллаһ» дьдьнә хәбате ча «Хԝәде». |
Һьмзор |
Дәстпебун 17:1 |
Ԛәԝата ԝи беһʹәсаб ә. Кʹьтеба Пирозда һʹәфт щара ньвисар ә хәбәра Ибранийә «Ел Шад дай», чь кӧ те һʹәсабе «Хԝәдайе Һьмзор». |
Алфа у Омега |
Әʹйанти 1:8; 21:6; 22:13 |
Әԝ гьли готьн «Йе Пешьн у Йе Пашьн» ӧса жи «Дәстпебун у Ахьри» тенә һʹәсабе, ԝәки пешийа Йаһоԝа тʹӧ Хԝәдейе Һьмзор тʹӧнә буйә у паше ԝи жи ԝе тʹӧнә бә (Ишайа 43:10). Алфа у омега әԝ һәнә һʹәрфед пешьн у пашьн әлифбәйа Йунанида. |
Йе кӧ Рʹожед Ԝи Кәвьн ьн |
Данийел 7:9, 13, 22 |
Дәстпека ԝи тʹӧнә йә; әԝ тʹьме һәбуйә. Демәк әԝ пешийа һәр тьшти у һәр кәси һәбуйә (Зәбур 90:2). |
Әʹфьрандар |
Ишайа 40:28 |
Һʹәму тьшт әԝи әʹфьрандийә. |
Бав |
Жийиндар. |
|
Хԝәде |
Дәстпебун 1:1 |
Әԝе кӧ һежайи һʹәбандьне йә; Һьмзор ә. Хәбәра Ибрани «Елоһим», гәләканида те хәбьтандьне, чь кӧ һʹӧкӧмәти у хәйсәт-һʹӧнӧред Йаһоԝа әʹйан дькә. |
Әԝ Хԝәдейе хԝәдейа йә |
Ԛануна Дӧщари 10:17 |
Әԝ һьмбәри хӧданед ԛәлп, йед кӧ һьнәк мәрьв ԝана дьһʹәбиньн, Хԝәдейе һʹәму зорайе йә (Ишайа 2:8). |
Мамостә |
Ишайа 30:20, 21 |
Һинкьрьн у рʹебәрийа керһати дьдә (Ишайа 48:17, 18). |
Һостәйе Һьмзор |
Зәбур 149:2 |
Һʹәму тьшт чекьрьна дәсте ԝи йә (Әʹйанти 4:11). |
Хԝәдейе хԝәзьли |
1 Тимотʹейо 1:11 |
Йәки ша у әʹшԛ ә (Зәбур 104:31). |
Әԝе кӧ дӧа дьбьһе |
Зәбур 65:2 |
Хԝәха гӧһ дьдә дӧайед ԝан, йед кӧ бь баԝәрийе ԝирʹа дӧа дькьн. |
Әзе Бьбьмә Әԝ, Кʹе жи Бьхԝазьм |
Дәркʹәтьн 3:14, ДТʹ |
Әԝ дькарә бьбә әԝ кʹе лазьм ә, сәва кӧ ԛьрара хԝә бинә сери. Әԝ гьли-готьн ӧса жи һатийә ԝәлгәрʹандьне ча «Әз Йе Һәмә». Әԝ йәк әʹйан дькә мәʹна наве Йаһоԝа, кӧ рʹеза дьнда ньвисар ә (Дәркʹәтьн 3:15). |
Кʹӧмрʹәш |
Дәркʹәтьн 34:14 |
Һʹәбандьна кӧ ԝирʹа дькʹәвә тʹәви тʹӧ кәси пʹаравәнакә. Әԝ сәрнав ӧса жи һатийә ԝәлгәрʹандьне ча «пьрса һʹәбандьнеда һʹӧщәтийе тәйах наке» у «дәʹԝа дькә, ԝәки тʹәне ԝи бьһʹәбиньн». |
Пʹадшайе һәр-һәйи |
Әʹйанти 15:3 |
Дәстпек у хьлазийа һʹӧкӧмәтийа ԝи тʹӧнә йә. |
Хӧдан |
Зәбур 135:5 |
Әԝ Аха йә; Хәбәра Ибрани «Адон» у «Адоним». |
Хӧдане Зор; Хӧдане Ордийан |
Ишайа 1:9; Рʹомайи 9:29, ИМ |
Сәроке ордийа мәләка. Әв сәрнав «Хӧдане Ордийан» ӧса жи һатийә ԝәлгәрʹандьне ча Хԝәйе ордийа у Хӧдане ордийа әʹзмани (Рʹомайи 9:29). |
Йе Һәри Жорьн |
Зәбур 47:2 |
Щийе лапи бьльнд дьгьрә. |
Йе Һәри Пироз |
Мәтʹәлок 9:10 |
Жь һʹәму бинбәра йе һәри пироз (нав-намусийеда тʹәмьз у беԛьсур). |
Щерʹкәр |
Ишайа 64:8 |
Һʹӧкӧмтийа ԝи сәр һәр мәрьвәки у сәр мьләта, мина һʹӧкӧмтийа щерʹкәрә сәр һʹәрʹийа сор (Рʹомайи 9:20, 21). |
Әԝе кӧ дькʹьрʹә |
Ишайа 41:14 |
Ль сәр һʹиме ԛӧрбанбун у кʹьрʹина Иса, мәрьва жь гӧна у мьрьне аза дькә (Йуһʹәнна 3:16). |
Зьнар |
Зәбур 18:2, 46 |
Әԝ ә щи-сьтʹар у канийа хьлазкьрьне. |
Хьлазкʹар |
Ишайа 45:21 |
Жь ԛәзийе у ԛьрʹкьрьне аза дькә. |
Шьван |
Зәбур 23:1 |
Бона хьзмәткʹаред хԝә хәм дькә. |
Хӧдане Һʹәму Зорайе |
Дәстпебун 15:2 |
Һʹӧкӧмәтийа ԝи бесинор ә; бь Ибрани Адонай. |
Йе Бьльнд |
Данийел 7:18, 27 |
Әԝе кӧ пе ԛәԝата һьмзор ә. |
Ньвисаред Ибранида навед Щийада һатийә хәбьтандьне ӧса жи наве Йаһоԝа
Жь Кʹьтеба Пироз әм педьһʹәсьн, ԝәки нава һьнә наве щийада, наве Хԝәде һәйә. Ле әв навед Хԝәде ниньн.
Наве щи |
Рʹез |
Шьровәкьрьн |
|---|---|---|
Йаһоԝа-ире |
Дәстпебун 22:13, 14 |
«Йаһоԝа ԝе Бьдә». |
Йаһоԝа-нисси |
Дәркʹәтьн 17:15 |
«Йаһоԝа Ала Мьн ә». Йаһоԝа Хԝәде йә, щьмәʹта кʹижани кӧ дькарә аликʹарийе у парьстьне жь ԝи бьстинә (Дәркʹәтьн 17:13-16). |
Йаһоԝа-шалом |
Һʹакьмти 6:23, 24 |
«Йаһоԝа Ашти йә». |
Йаһоԝа-шамма |
Һәзәԛел 48:35 |
«Йаһоԝа Ԝедәре йә». |
Чьма гәрәке наве Хԝәде бьзаньбьн у бьдьнә хәбате
Бона Йаһоԝа наве ԝи гәләк фәрз ә, ләма жи Кʹьтеба Пирозда әв бь һʹәзара щара һатийә ньвисаре (Малахи 1:11).
Иса Мәсиһ, Кӧрʹе Хԝәде һәргав дьда кʹьфше, кӧ наве Хԝәде чьԛас фәрз ә. Мәсәлә әԝи дӧайе хԝәда Йаһоԝарʹа гот: «Наве тә пироз бә» (Мәтта 6:9; Йуһʹәнна 17:6).
Әԝед кӧ дәрһәԛа Хԝәде педьһʹәсьн у наве ԝи дьдьнә хәбате, гава пешьн давежьн, кӧ тʹәви Йаһоԝа достийе бькьн (Зәбур 9:10; Малахи 3:16). Сәр ԝан мәрийа әв созед Хԝәде ԝе бенә сери: «Әԝ Мьн һʹьз дькә, әзе жи ԝи хьлаз кьм, әзе пьштоване ԝи бьм, чьмки наве мьн нас дькә» (Зәбур 91:14).
Кʹьтеба Пироз дьбежә: «Һәгәр бь навед дьн жи хԝәде һәбьн, йан ль әʹрде йан ль әʹзмен, чаԝа беһʹәсаб хԝәде у беһʹәсаб хӧдан һәнә жи» (1 Корьнтʹи 8:5, 6). Жь ве рʹезе рʹьнд те кʹьфше, ԝәки тʹәне наве Хԝәдейе рʹаст у тʹәк Йаһоԝа йә (Зәбур 83:18).
Дьбәкә Wәрʹа Һʹәwас бә
ПЬРСЕД К′ЬТЕБА ПИРОЗВА ГЬРЕДАЙИ
Йаһоԝа Кʹи йә?
Әв Хԝәде тʹәне Хԝәдайе щьмәʹтәки йә, мәсәлә Хԝәдайе Исраелийа?
ҺИНКЬРЬНЕД КʹЬТЕБА ПИРОЗӘ СӘРӘКӘ
Гәло Наве Хwәде Һәйә?
Сәрнавед Хwәде пʹьрʹ ьн, мәсәлә Һьмзор, Әʹфьрандар, у Хöдан. Ле наве Хwәдейә шәхси дь Кʹьтеба Пирозда незики 7 000 щара һатийә ньвисандьне.
ДӘРҺӘԚА МӘ
Һун Дьхԝазьн ԝәки Сәрледана Ԝә Бькьн?
Шеԝьр кә пьрсәкә жь Кʹьтеба Пироз йан жи дәрһәԛа Шәʹдед Йаһоԝа һе зедә пебьһʹәсә.