ҺʹЬШЙАР БЬМИНЬН!

Сала 2022: Саләкә Тʹәвльһәвбуйи—Кʹьтеба Пироз Дәрһәԛа Ве Йәке Чь Дьбежә?

ВЕХӘ

Нава сала 2022, нучәйада мә тʹьме дәрһәԛа шәрʹ, проблемед економики у тʹәшԛәлед тʹәбийәте дьбьһист. Кʹьтеба Пирозда те шьровәкьрьне, кӧ әԝ ԛәԝьмандьн чь тенә һʹәсабе.

Мәʹнийа ԛәԝьмандьнед сала 2022

Ԛәԝьмандьнед сала пар, дьһа мә данә баԝәркьрьне кӧ әм «рʹожед ахьрийеда» дьжин (2 Тимотʹейо 3:1). Рʹожед ахьрийе жь сала 1914 дәстпебун. Дина хԝә бьдьне, кӧ чаԝа ԛәԝьмандьнед ԝан пашԝәхтийа ве йәкева гьредайи нә, чь кӧ Кʹьтеба Пироз дәрһәԛа рʹожед мә пʹехәмбәрти кьрьбу:

Шәрʹ (Мәтта 24:6).

«Сала 2022 Әԝропайе диса щарәке жь бо шәрʹ, зьрарәкә мәзьн станд». a

Бьньһерʹьн готар «Русйа Украине Зәфт Дькә».

Хәлайи-щәлайи (Мәтта 24:7).

«2022: Сала Бьрʹчибунәкә Мәзьн». b

Бьньһерʹьн готар «Жь бо Шәрʹе Украинайеда Хӧрәк Нав Тʹәмамийа Дьнйайеда Кем Дьбә».

Нәхԝәшийед һʹал (Луԛа 21:11).

Нәхԝәшийа инфексийон полиомелит диса вәгәрʹийа йә у сорька мәймуне жи дьһа зедә буйә. Ӧса жи нәхԝәшийа COVID-19 бәрдәԝам дькә зийане бинә. Әԝ йәк дьдә кʹьфше, кӧ нәхԝәшийед һʹал чьԛас хоф ьн у зийанәкә мәзьн дьдьнә мәрьва». c

Бьньһерʹьн готар «Жь бо Нәхԝәшийа COVID 6 Милйон Мәрьв Мьрьн ә».

Тьштед хоф у тьрс (Луԛа 21:11).

«Һавине сала 2022 щурʹә-щурʹә тʹәшԛәлед тʹәбийәте зийанәкә мәзьн анин. Мәсәлә жь бо гәрмайа һәԝайе, зьһабуна әʹрде у жь бо ве йәке кӧ мешә дьшәԝьтин у селав рʹадьбун, бь сәда һʹәзара мәрьв мьрьн у бь милйона мәрьв жи бе мал ман». d

Бьньһерʹьн готар «Гәрмайа Һәԝайе сәр Тʹәмамийа Дьнйайе Гәләк Бьльнд Дьбә».

Шәрʹ-дәʹԝ (Луԛа 21:9).

«Сала 2022 гәләк протест мьԛабьли дәԝләте пешда һатьн, чьмки жь бо проблемед економики у бьһабуна һʹәму тьшти, мәрьв гәләк һерс дькʹәтьн». e

Бьньһерʹьн готар «Инфласийа Нав Тʹәмамийа Дьнйайеда Зу Бәла Дьбә».

Гәло салкә дьн ԝе чь бьԛәԝьмә?

Тʹӧ кәс ньзанә сала 2023 ԝе чь бьԛәԝьмә. Ле әм заньн, кӧ зутьрәке Пʹадшатийа Хԝәде, демәк сәрԝертийа әʹзмани ԝе гӧһастьнед мәзьн сәр әʹрде бькә (Данийел 2:44). Әв сәрԝерти ԝе кʹока ве йәке бинә, чь кӧ зийане у кӧл-дәрда мәрьварʹа тинә, у ԛьрара Хԝәде дәрһәԛа әʹрде ԝе бинә сери (Мәтта 6:9, 10).

Әм ԝә һелан дькьн гӧһ бьдьнә ширәта Иса Мәсиһ у «һʹьшйар бьминьн!» ӧса жи дина хԝә бьдьне, кӧ чаԝа пʹехәмбәртийа жь Кʹьтеба Пироз те сери (Марԛос 13:37). Жь кʹәрәма хԝә тʹәви мә текли бьн у һе зедә пебьһʹәсьн, кӧ чаԝа Кʹьтеба Пироз дькарә ньһада али ԝә бькә у һевийа баш бона ахьрийе бьдә ԝә.

a AP News, “2022 Was Year the Horror of War Returned to Europe,” by Jill Lawless, 8 Кануна Пешьн, сала 2022.

b World Food Programme, “A Global Food Crises”.

c JAMA Health Forum, Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, 22 Илоне, сала 2022.

d Earth.Org, “What’s Behind the Record-Breaking Extreme Weather Events of Summer 2022?” by Martina Igini, 24 Щотмәһе, сала 2022.

e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, 8 Кануна Пешьн, сала 2022.