Кʹьтеба Пирозда те готьне, ԝәки шәрʹе Һармәгәдоне ԝе нә кӧ тʹәне щики бьԛәԝьмә, ле әв шәрʹе һʹәмдьнйайе йә, йа кӧ ԝе ортʹа сәрԝертийед мәрьва у сәрԝертийа Хԝәде пешда бе.

•   «Әԝ рʹӧһʹед щьна . . . дьчьнә щәм һʹәму пʹадшед дьнйайе, ԝәки ԝан бьщьвиньн, бона шәрʹе ԝе Рʹожа Мәзьнә Хԝәдейе Һʹәму Зорайийе. . . . Ԝан рʹӧһʹа әԝ пʹадша щьвандьнә ԝи щийи кӧ бь ибрани жерʹа ‹Һармәгәдон› те готьне» (Әʹйанти 16:14, 16).

 Хәбәра «Һармәгәдон» жь хәбәра Ибрани те, Һар Мәгһьд·доһн, йа кӧ те һʹәсабе «Чʹийайе Мәгидо». Мәгидо әв шәһәре Исраела бәре бу. Ләма жи, жь бо ве мәʹнийе һьнә мәрьв дьфькьрьн, ԝәки Һармәгәдон ԝе Исраеледа дәстпебә. Ле бь рʹасти, нә шәһәре Мәгидо, нә жи тʹӧ територийәкә Рʹоһьлата Навинда ӧса мәзьн ниньн, кӧ бькарьбьн «һʹәму пʹадшед дьнйайе» у ордийед ԝан тʹәвайи тʹоп кьн.

 Кʹьтеба Әʹйанти бь зьмане симболик һатийә ньвисаре (Әʹйанти 1:1). Шәрʹе Һармәгәдон ԝе щики конкрет нәԛәԝьмә, чьмки әв шәрʹе һʹәмдьнйайе йә, кʹижанида ԝе һʹәму мьләт тʹоп бьн ԝәки пешбәри сәрԝертийа Хԝәде дәред (Әʹйанти 19:11-16, 19-21).