Занәбуна кӧ Мә Незики Хԝәде Дькә
Әʹфьрандаре мә нә кӧ тʹәне хԝәйе ԛәԝата мәзьн ә, ле ӧса жи хԝәйе хәйсәт-һʹӧнӧред гәләк бәдәԝ у баш ә. У әԝ дьхԝазә ԝәки әм дәрһәԛа ԝи пебьһʹәсьн у незики ԝи бьн (Йуһʹәнна 17:3; Аԛуб 4:8). Ләма жи әԝи дәрһәԛа хԝә мәрʹа гәләк тьшт әʹйан кьрийә.
Наве Әʹфьрандаре Мә Һәйә
«Бьра мәрьв бьзаньбьн кӧ наве тә Йаһоԝа йә, у ль сәр тʹәмамийа әʹрде йе Һери Жорьн тʹәне тӧ йи» (ЗӘБУР 83:18, ДТʹ).
Кʹьтеба Пироз һин дькә кӧ Йаһоԝа әԝ һәйә Хԝәдейе рʹаст. Әԝ ә Әʹфьрандаре гәрдуне у жийине. У тʹәне әԝ һежайи һʹәбандьне йә (Әʹйанти 4:11).
Йаһоԝа Хԝәдейе Һʹьзкьрьне йә
«Хԝәде һʹьзкьрьн ә» (1 ЙУҺʹӘННА 4:8).
Бь сайа Кʹьтеба Пироз у тʹәбийәта дор-бәре мә, Йаһоԝа гәләк һʹӧнӧред хԝә мәрʹа әʹйан кьрийә. Һʹӧнӧре ԝийи сәрәкә һʹьзкьрьн ә. Әԝ һәр тьшти жь һʹьзкьрьне дькә. Әм чьԛас зедә дәрһәԛа Йаһоԝа пебьһʹәсьн, һаԛас һе зедә әме ԝи һʹьз бькьн.
Йаһоԝа Хԝәдеки Рʹәʹм ә у Әԝ Дьбахшинә
«Тӧ Хԝәдайе леборине дьки [дьбахшини]» (НӘҺӘМИЙА 9:17).
Йаһоԝа занә ԝәки әм гӧнәкʹар ьн. Ләма әԝ һазьр ә бьбахшинә мә. Һәгәр әм бахшандьне жь ԝи дьхԝазьн у алийе хԝәда һәр тьшти дькьн ԝәки ван тьштед нәрʹаст ида нәкьн, әԝе бьбахшинә мә у тʹӧ щар ԝе ван шашийа нәкә бира мә (Зәбур 103:12, 13).
Йаһоԝа Дьхԝазә Әм Ԝирʹа Дӧа Бькьн
«Хӧдан незики ԝан һʹәмуйа йә, кʹижан кӧ гази Ԝи дькьн . . . заринийа ԝан дьбьһе у ԝан хьлаз дькә» (ЗӘБУР 145:18, 19).
Йаһоԝа нахԝазә ԝәки әм әʹдәт у ритуала бькьн, йан пʹута бьдьнә хәбате ԝәки ԝи бьһʹәбиньн. Әԝ гӧһ дьдә дӧайед мә, мина бавәки кӧ бь һʹьзкьрьн гӧһ дьдә зарʹед хԝә.
Дьбәкә Wәрʹа Һʹәwас бә
ПЬРСЕД К′ЬТЕБА ПИРОЗВА ГЬРЕДАЙИ
Йаһоԝа Кʹи йә?
Әв Хԝәде тʹәне Хԝәдайе щьмәʹтәки йә, мәсәлә Хԝәдайе Исраелийа?
