ЖИЙИНА мәйә иро щӧдә дьбә жь ԝе йәке, чь кӧ Хԝәде сәва мә сәре-серида ԛьрар кьрьбу. Әʹрд гәрәке тʹьжә буйа бь ԝан мәрьва, йед кӧ бьхԝәстана Әʹфьрандар бьбә сәрԝере ԝан у рʹебәрийе ԝан бькә, ӧса жи чʹәʹв бьдана хәйсәтһӧнӧред Ԝи. Хԝәде дьхԝәст ԝәки әԝана йәктийеда бәхтәԝар бьжитана, ԝәки малбәтед ԝан һәбуна, тьштед тʹәзә пебьһʹәсийана у тʹәмамийа әʹрде бькьрана щьнәт.

• «Шәрʹа дьдә сәкьнандьне, һәр чар ԛӧлбед дьнйайе» (Зәбур 46:9).

• «Ԝәхте дайина хәлата . . . ԝәхте хәракьрьна йен кӧ дьнйайе хәра дькьн  һат» (Әʹйанти 11:18, ИМ).

• «Йе кӧ ль ԝьр рʹудьне, ԝе нәбежә: ‹Әз нәхԝәш ьм›» (Ишайа 33:24).

• «Йен кӧ бьжартьмә, ԝе кʹарен дәстен хԝә кәвьн бькьн» (Ишайа 65:22).

Гәло чаԝа әԝ пʹехәмбәрти ԝе бенә сери? Хԝәде кӧрʹе хԝә Иса кʹьфш кьр ча Пʹадше Пʹадшатийа хԝә, кижан кӧ жь әʹзмен ԝе сәрԝертийе бькә. Кʹьтеба Пироз әве сәрԝертийе нав дькә Пʹадшатийа Хԝәде (Данийел 2:44). Әв ӧса жи дәрһәԛа Иса дьбежә: «У Хӧдан, Хԝәде ԝе тʹәхте баве ԝи Даԝьд бьдә ԝи. У әԝе һәр у һәр  . . . пʹадишаһийе бькә» (Луԛа 1:32, 33, ИМ).

Гава Иса сәр әʹрде бу, әԝи гәләк кʹәрәмәт дькьрьн, сәва нишан кә ԝәки Әԝ ԝе ча пʹадша, жийина инсанәте алийе башда бьгӧһезә.

• Әԝи һʹәму щурʹә нәхԝаши ԛәнщ дькьрьн (Мәтта 9:35).

• Әԝи бәʹр дьда сәԛьрандьне, бь сайа чь жи нишан кьр кӧ ԝе мәрийа бьпарезә у ԝе бькарьбә тʹәбийәте контрол кә (Марԛос 4:36-39).

• Әԝи бь һʹәзара мәрийа тʹер дькьр, бь сайа чь жи нишан кьр, кӧ ԝе бона һʹәԝщед ԝан хәм кә (Марԛос 6:41-44).

• Әԝи сәр дәԝате, ав кьрә шәрав бь сайа чь жи нишан кьр кӧ ԝе алийе мәрийа бькә жь жийине ләзәте бьстиньн (Йуһʹәнна 2:7-11).

Чь щурʹәйи тӧ дькари әԝе жийине ԛазанщ ки, кижан кӧ Хԝәде бона мәрийа ԛьрар кьрийә? Һәйә «рʹийа» кӧ әм гәрәке хԝә ль ве бьгьрьн. Кʹьтеба Пироз дьбежә ԝәки тӧ гәрәке бьвини «әԝ р′ийа кӧ дьбә бәрбь жийине», чьмки «һьндьк ьн әԝед кӧ ԝе р′ейе дьбиньн» (Мәтта 7:14).

Чь йә рʹийа жийине? Рʹийа жийине әв һәйә һʹәму рʹебәри кӧ Хԝәде дьхԝазә, ԝәки әм хԝә ԝе бьгьрьн. Хԝәде дьбежә: «Әз Йаһоԝа, Хԝәдайе тә мә, кʹижан кӧ тьштед ԛәнщ тә һин дькә у ве рʹерʹа тә дьбә, ль сәр кʹижани тӧ гәрәке һәрʹи» (Ишайа 48:17, ДТʹ). Һәрге тӧ хԝә ль рʹебәрийа Хԝәде бьгьри, жийина тә ԝе дьһа бәхтәԝар бә.

Иса ӧса жи гот: «Әз ьм, р′е, р′асти у жийин» (Йуһʹәнна 14:6). Һәрге әм ве йәке бькьн, чь кӧ Иса  дькьр у чʹәʹв бьдьнә мәсәла ԝи, ӧса әме һе незики Хԝәде бьн у жийина мә ԝе бәхтәԝар бә.

Чаԝа тӧ дькари рʹийа жийине бьвини? Иро гәләк религийа һәнә, ле Иса гот: «Нә кӧ әԝе мьнр′а дьбежә: ‹Хӧдан! Хӧдан!› ԝе бьк′әвә П′адшатийа Ә′змана, ле әԝе бьк′әве, йе кӧ ә′мьре Баве мьни Ә′змана дьԛәдинә» (Мәтта 7:21). Әԝи ӧса жи гот: «Һуне ԝана жь бәред ԝан нас бькьн» (Мәтта 7:16) Кʹьтеба Пироз дькарә али тә бькә, кӧ тедәрхи кʹижан ә рʹелигийа рʹаст (Йуһʹәнна 17:17).

Чаԝа тӧ дькари сәр рʹийа жийине бьсәкьни? Дькʹәвә нава ве йәке ӧса жи әв йәк, кӧ һе зедә пебьһʹәси дәрһәԛа Кәсе кӧ жийин дайә һʹәмуйа. Гәло әԝ кʹи йә? Наве ԝи чь йә? Әԝ йәки чаԝа нә? Әԝ бона мә чь дькә? Әԝ чь жь мә дәʹԝа дькә? *

Хԝәде дьхԝәст кӧ мәрьв һе зедә тьшт бькьн, нә кӧ тʹәне бьхәбьтьн, бьхԝьн, бьлизьн у малбәт саз кьн. Әм дькарьн Әʹфьрандаре хԝә нас бькьн у бьбьнә достед ԝи. Һәрге әм ԛьрара ԝи биньн сери ӧса әме нишан кьн, кӧ чьԛас ԝи һʹьз дькьн. Иса гот: «Әв ә жийина һ′әта-һ′әтайе, ԝәки әԝ тә нас кьн, чаԝа Хԝәдейе р′асти» (Йуһʹәнна 17:3).

Чахе әм педьһʹәсьн Хԝәде чь жь мә дьхԝазә, әв йәк мә һелан дькә гӧһастьна нав хԝәда бькьн. Дьԛәԝьмә әв йәк чәтьн бе кʹьфше. Ле бь рʹасти жийина мә дьһа бәхтәԝар дьбә, гава әм дәстпедькьн сәр ве рʹе һәрʹьн. Сәва кӧ дәрһәԛа Хԝәде һе зедә пебьһʹәси, Шәʹдед Йаһоԝа дькарьн али тә бькьн һинкьрьна Кʹьтеба Пироз дәрбаз би ль ви щийи у ви ԝәʹдәйи, кʹижан кӧ тәрʹа дәст дьдә. Тӧ дькари тʹәви мә текли би бь малпәра мә www.isa4310.com.