O Kuijiia Kua Kidi

‘Abha, keme nga ku sonekena o ima ia ujitu ni uhete, ia tokala kioso ki kala o phangu ni ndongo, phala ku ku tetuluila o maka ma kidi.’—JISABHU 22:20, 21.

MUKONDA DIAHI O BIBIDIA IA DI TUNGULA? Mu veji javulu, o madivulu okulu ka bhana milongi iambote, o jingijiie a mu zuela kuila ki milongi iambote kana. Lelu o asoneki a madivulu ene mu lungulula o izuelu phala ku ta-mu o milongi ia ubhe. Maji o izuelu ia Bibidia ia tokala ku Mubhangi ni kuila o Maka mê a ‘nangenena katé ku hádia.’—1 Phetele 1:25.

MU KIFIKA: Mu kitumu kia bhana Nzambi kua Mozé kia londekesa kuma o akua Izalaiele, a tokalele ku kanda dikungu mu iangu phala ku xita o matuji ‘dikanga dia kilombo.’ (Matendelelu 23:12, 13) Se ene a kuatele ku kimbi kia kiama, mba kia muthu, a tokalele ku sukula o maku ni menha. (Ijila 11:27, 28; Dialuilu 19:14-16) O akua mabhute a tokalele ku kala mu kididi kia ubheka di kanga dia sanzala katé kieluka.—Ijila 13:1-8.

IHI I LONGA AKUA KU SAKA LELU IA LUNGU NI SAUIDI: O ku kala ni kididi kia ku xita o matuji, ni ku sukula o maku, kima kiambote phala o sauidi ietu. Se ki kuala inzo ia dixidixilu, phala ki tu kuate uhaxi, o Inzo ia ku Kuatekesa, ku ixi ia Estados Unidos i tendelesa (CDC): “Se muthu u mesena kuia ku di xita, ua tokala kuenda 30 a metulu [100 makanda] ni ku sukula o maku ni menha kia zubha o ku xita o matuji.” Se o athu oso mu sanzala a xita o matuji a sosola o uhaxi ua kabhualala mu 36 pursentu kala kiambe, Organização Mundial da Saúde. O ji dotolo a mono kuila m’ukulu akexile mu sambukila dingi uhaxi ku athu a kate kiá, mukonda dia ku kamba ku sukula o maku kioso kia kuata o imbi. O CDC, ene hanji mu tendelesa o athu ku sukula o maku, phala ka kuata o uhaxi u sambukila.” Ihi i tuamba ia lungu ni uhaxi ua dibhute ni mauhaxi a mukuá? Izuua íii o Saudi Medical Journal, iambe: “O ukexilu u tua mono u tena ku fidisa o mauhaxi ku sambukila ku athu, o ku ta o jihaxi mu kididi kia ubheka.”

IHI I U BANZA? Uejiia divulu diokulu di tanga maka alungu ni sauidi kala o akua ku saka lelu? Anga o Bibidia ngó i tena ku bhanga kiki?

[Kilombuelelu ku mbandu 6]

“Athu oso a diuana mu ku mona o uhete ua kexile nau o athu, ua lungu ni sauidi, mu izuua ia Mozé.”​—MANUAL OF TROPICAL MEDICINE, BY DRS. ALDO CASTELLANI AND ALBERT J.CHALMERS