KALA KUMESU AZELE!
Ihi Yamba o Bibidya Yalungu ni ku Kukuta Kwavulu Kwamubhita mu Ixi?
“O ixi ya China yambe kwila o muvu yú o ixi yakukutile kyavulu ni kwila yiyi yene o veji ya katatu itwamono dingi o ima kubhita.”—The Guardian, mu kizuwa kya 7 ya Katutu, 2022.
“Mu mivu itanu yandakayelaku, mbandu ya África yanda kukuta kyavulu.”—UN News, mu kizuwa kya 26 ya Kakwinyi, 2022.
“O mbandu ya Europa ndenge yandakala mukilwezu kya ku kukuta kwa ixi, kiki nange kyene o ku kukuta kwandabeta dingi kota mu 500 a mivu.”—BBC News, mu kizuwa kya 23 ya Kakwinyi, 2022.
Jingijiye javulu jambe kwila o ku kukuta kuku kwa ixi kwanda suluka ni katé mwene ni kudibandekesa dingi. O kwila sayi kidyelelu yalungu ni hádya? Ihi yamba o Bibidya?
O ku kukuta kwa ixi ni ikanenu ya Bibidya
O Bibidya yakanena kwila mu izuwa yetu:
“Mu ididi yavulu . . . mwanda kala we nzala.”—Luka 21:11.
O ku kukuta kwa ixi yandabheka nzala. O ku kukuta, kwandabheka nzala, hadi ni kalunga, kikumbidilu kya polofesiya ya Bibidya.—Dijingunwinu 6:6, 8.
Mukonda dyahi o ku kukuta kwa ixi kwadibandekesa kyavulu?
O Bibidya ilondekesa se mukonda dyahi o ku kukuta kwa ixi kwamudibandekesa dingi. Tala:
‘Muthu katena kwendesa né ngó, o makanda mê-mwène.’—Jelemiya 10:23.
Kiki kilombolola kwila o athu katena kuditunda kyambote mukwendesa “o makanda [mâ]-mwène.” O kusola kwâ kwayibha kwene mubhekesa ku kukuta kwa ixi ni kukamba menya.
Jingijiye javulu jixikina kwila o ikalakalau ya athu yene mubhekesa o kutema mu ngongo ni kubandekesa o ku kukuta ku mundu woso.
O ibhangelu ya athu akwa lwimbi ni yó abhana o itumu se kuxinganeka kuhádya, ene muzanga o ima, kuxidisa o ixi ni kukalakala kyayibha sé unjimu ni imbamba ya ngongo. Mukonda dya kiki twamuxala se menya.
Maji o Bibidya ibhana kidyelelu.
O kwila sayi kidyelelu yalungu ni hádya?
O Bibidya yakanena kwila Nzambi wandabatula o maka alungu ni kukamba menya. Kyebhi kyene?
1. “Kithangana kyabhixila kya kubwikisa yó ene mu bwikisa o ixi, ” kala kya kanena Nzambi. (Dijingunwinu 11:18) Mwene wandazubha o ima yoso ibhangesa kukamba menya, o athu ayibha, o akwa lwimbi ni ni yó ene mubwikisa o ixi.—2 Timote 3:1, 2.
2. “O ixi ya kukuta ya kà di-bhanga izanga ya menya.” (Izaya 35:1, 6, 7) Nzambi wanda yudika o ima yoso ibheka o ku kukuta ni kukitula o ngongo mu palayízu mwandakala menya avulu.
3. “Ixi u izungila, u itekela; usweka jimbongo javulu mu mavu”. (Jisálamu 65:9) Ni mabesá a Nzambi, o ixi yoso yandakala ni nzungile ya kudya ni menya azele phala o athu aso.
Eye Nange Wandawabhela we o Maka Yá
KALA KUMESU AZELE!
Ihi Izwela o Bibidya Yalungu ni Kutema Kwavulu mu Ngongo?
O kwila kizuwa mu ngongo kimwandatena kukalamu athu?
IBHWIDISU YA BIBIDYA YO TAMBWIJILE
O Kwila o Ixi Anda Ibwika?
O Bibidya ijimbulula kyambote o ikanenu ya Nzambi phala o ixi.
ESSENTIAL BIBLE TEACHINGS
Mukonda Dyahi Nzambi wa Bhange o Ixi?
Ngongo yetu yezala ni kuwabha. Ki i zukama lwavulu ku dikumbi, dyala mu kididi kya tokala, yene i nyunga mu kizongelu kya tokala. Mukonda dyahi Nzambi wa yudika kyambote o ixi?
KALA KUMESU AZELE!
Ihi Yamba o Bibidya Yalungu ni Kubwikisa o Ixi?
O velusu imoxi ya Bibidya ilondekesa ima itatu yenemuta o ixi yetu mu kilwezu.
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.
