Jiisusip pil­liutaa atorlugu Guutip inuit ajor­timit toqumillu aniguisip­pai. Biibilimi Jiisusip aavata kuineqar­nera akiliutitut uter­titsis­sutitut allaatigineqar­poq. (Efesos­simiut 1:7; Petrusimit 1. 1:18, 19) Taamaat­tumik Jiisusi oqar­poq inuunini “amerlasuut uter­tin­neqaatis­saat­tut akiliutigiumal­lugu” tikiul­luni. – Matiusi 20:28.

Sooq ‘amerlasuut utertinneqartariaqarpat’?

 Inuk siul­leq Adami naam­mal­luin­nar­tutut, imaluun­niit ajor­teqan­ngitsutut, pin­ngor­tin­neqar­poq. Naas­saan­ngitsumik inuuneqarsin­naagaluarluni Guutimut naalan­ngin­nermigut periarfis­sani annaavaa. (Mosesimik 1. 3:17-19) Meerar­taarami ajor­timik kingor­nus­sitip­pai. (Romamiut 5:12) Tamanna pis­sutigalugu Biibilimi allas­simavoq Adami kinguaavilu ajor­timut toqumullu ‘inus­siaataasut’. (Romamiut 7:14) Kinguaavisa arlaan­naataluun­niit naam­mal­luin­nan­ngitsuuner­tik pis­sutigalugu Adamip annaasaa pisiaralugu uter­tis­sin­naan­ngilaat. – Tus­siaat 49:8, 9.

 Adamip kinguaavi neriuutis­saqan­ngitsut Guutip misigin­neqatigai. (Johan­nesi 3:16) Guutilli naaper­tuil­luar­neq pingaar­teqigamiuk aatsaat tun­ngavis­saqarluaq­qaarluni ajor­tuliaat isumak­keerfigisin­naavai. (Tus­siaat 89:15; Romamiut 3:23-26) Guutip inuit asagamigit ajor­tuliaasa isumak­keerfigineqar­nis­saan­nut allaallu peer­neqar­nis­saan­nut inatsisitigut pisariaqar­tumik tun­ngavis­siuus­sivoq. (Romamiut 5:6-8) Taan­nalu tas­saavoq akiliut uter­titsis­sut.

Akiliut utertitsissut suua?

 Biibilimi “akiliut uter­titsis­sut” pingasunik ukunin­nga immik­koor­tor­taqar­poq:

1.   Akiliutaavoq. – Mosesimik 4. 3:46, 47.

2.   Iperagaatitsivoq, saam­maan­nar­titsisar­poq. – Mosesimik 2. 21:30.

3.   Akiliutigineqar­tup, matus­suser­neqar­tup, nalinganut naapertuuppoq. a

 Immik­koor­tut taakku Jiisusip Kristusip imminut pil­liutiginermigut akiliutitut uter­titsis­sutaanut qanoq naaper­tuun­nersut eqqarsaatigiuk.

1.   Biibilimi allas­simavoq kristumiut pisiarineqar­tut “akisuumik”. (Korintimiunut 1. 6:20; 7:23) Jiisusip inuit “naggueqatigiin­nit, qanorluun­niit oqaasilin­nit, inuiaqatigiin­nit inuian­nillu tamanit pisut Guutimut kif­far­tor­tus­sat” aam­minik pisiarivai. – Saq­qum­mersitat 5:8, 9.

2.   Jiisusip pil­liutaa tas­saavoq ‘akiliut uter­titsis­sut’ ajor­timit iperagaatitsisoq. – Korintimiunut 1. 1:30; Kolos­simiut 1:14; Hebræerit 9:15.

3.   Jiisusip pil­liutaa Adamip annaasaanut – inut­tut naam­mal­luin­nar­tutut inuunermut – naaper­tuuteq­qis­saar­poq. (Korintimiunut 1. 15:21, 22, 45, 46) Biibilimi allas­simavoq: “Soorlu inuup ataatsip [Adamip] naalan­ngin­nera pis­sutigalugu inup­pas­suit ajor­tilin­ngor­tut, taamatut­taaq inuup ataatsip [Jiisusip Kristusip] naalan­nera pis­sutigalugu inup­pas­suit naaper­tuil­luar­tun­ngus­sap­put.” (Romamiut 5:19) Tamatumani nas­suiar­neqar­poq inuup ataatsip toqunera ajor­tilip­pas­suit uter­tin­neqar­nis­saan­nut qanoq akiliutaasoq. Aap, Jiisusi tas­saavoq “inuit tamalaat [pisariaqar­tumik allan­nguerusut­tut] ajor­timit uter­tik­kumal­lugit matus­susiisumik imminut akiliutigisoq”. – Timuutiusimut 1. 2:5, 6.