Mikaeli, up­perisarsioqatigiit ilaan­nit ‘Mikaelitut Iluar­tutut’ taaneqar­tar­toq, tas­saavoq Jiisusip nunarsuarmut aal­lar­titaanermi sior­na kingor­nalu atia. a Mosesip toqunerata kingor­na Mikaelip Saatani saqitsaap­paa in­ngililu Danielimut Guutimeersumik tusarlius­siar­tor­toq ikiorlugu. (Danieli 10:13, 21; Judasi 9) Guutip naalak­kersuineranik il­lersuinermigut Guutil­lu akeraanut sorsun­nermigut Mikaeli atermi isumaanut – “Kina Guutitut ip­pa?” – naaper­tuut­tumik iliuuseqar­poq. – Danieli 12:1; Saq­qum­mersitat 12:7.

 Isum­mis­sal­luni Jiisusi tas­saasoq in­ngiliuneq Mikaeli sooq pis­susis­samisuuin­nar­toq eq­qarsaatigiuk.

•   Mikaeli tassaavoq ‘inngiliuneq’. (Judasi 9) Taaguut “in­ngiliuneq” ‘in­ngilinut naalagaanermik’ isumaqar­toq marloriaan­narluni Biibilimi eq­qaaneqar­poq. Tamatigut oqaaseq ataasersiutaasarmat in­ngilip ataasiin­naap taamatut taaguuteqar­nera ersersin­neqar­poq. Al­las­simaf­fiit taak­kua marluk ilaan­ni al­las­simavoq Naalagaq Jiisusi ‘in­ngiliuner­tut nipeqarluni qilam­mit aq­qarumaar­toq’. (1 Thes­salonikamiut 4:16) Jiisusi tassaagami in­ngiliuneq Mikaeli ‘in­ngiliuner­tut nipeqar­poq’.

•   Mikaeli inngilinut katersaarsuarnut naalagaavoq. “Mikaelip inngiliisalu uumasorujuk,” Saatani, “saas­sup­paat”. (Saq­qum­mersitat 12:7) Mikaeli ‘naalagaanerit nuimanerit ilaat­tut’ aam­ma ‘naalagaanersuar­tut’ taaneqarami anersaat silarsuaan­ni pis­saaneqangaar­poq. (Danieli 10:13, 21; 12:1) Testamentitaamik misis­sueq­qis­saar­tar­tup David E. Aunep oqar­neratut taaguutit taak­ku in­ngiliunermut Mikaelimut “qilam­mi in­ngilinut katersaarsuar­nut naalagaasumut” ator­neqar­put.

   In­ngilinut katersaarsuar­nut naalagaasup al­lap atia ataasiin­naq Biibilimi eq­qaaneqar­poq. Al­las­simavoq “Naalagaq Jiisusi inngilini pissaasut ilagalugit qilam­mit [saq­qum­mersitaas­sasoq] in­nermi ikualasorsuarmi, aggiul­lugu pil­laatis­saq”. (2 Thes­salonikamiut 1:7, 8; Mat­thæusi 16:27) Jiisusip qilaliareerluni in­ngilit oqar­tus­saatitaasul­lu pis­saaneril­lu naalagaaf­figiler­pai. (1 Petrusi 3:21, 22) Guutip Jiisusi Mikaelilu in­ngilinut il­ler­nar­tunut im­min­nut unam­mil­ler­til­lugit naalagan­ngor­tis­simasuup­pagit eq­qumiis­saaq. Pis­susis­samisuus­saarli isum­mis­sal­luni atit, Jiisusi Mikaelilu, kinaas­susilim­mut ataatsimut in­nersuus­sutaasut.

•   Ulluni aatsaat taama annikilliornartigisuni Mikaeli “saqqummerumaarpoq”. (Danieli 12:1) Danielimik al­lak­kani oqaaseq ‘saq­qum­mer­poq’ kun­ngimut im­mik­kut it­tumik iliuuseqar­niarluni saq­qum­mer­tumut amerlaner­tigut in­nersuus­sutaasar­poq. (Danieli 11:2-4, 21) Jiisusi Kristusi, ‘Guutip Oqaasiatut’ taaneqar­toq, ‘Kun­ngit Kun­ngiat­tut’ Guutip akerai tamaasa suujun­naarsin­niarlugit Guutil­lu in­nut­tai il­lersor­niarlugit im­mik­kut iliuuseqas­saaq. (Saq­qum­mersitat 19:11-16) Taamaalius­saaq ‘silarsuup pileq­qaar­neraniit maan­namut as­seqan­ngitsumik naal­liun­nar­toqangaar­nis­sami’. – Matthæusi 24:21, 42.