Naamik. Biibilimi erseq­qis­sumik oqaatigineqar­poq Guutip inuit pin­ngor­til­lugil­lu uumasut naasul­lu “as­sigiin­ngitsuk­kuutaarlugit” pin­ngor­tis­simagai. (1 Mosesi 1:12, 21, 25, 27; Saq­qum­mersitat 4:11) Oqaatigineqar­por­taaq inuit tamarmik Adamimik Evamil­lu siuaasaqar­tut. (1 Mosesi 3:20; 4:1) Biibilimi ilin­niar­titsis­sutigineqan­ngilaq Guutip uumas­susil­lit pin­ngoriar­tuaar­tus­san­ngorlugit pin­ngor­tis­simagai. a Uumas­susil­lil­li as­sigiin­ngitsut iluini as­sigiin­ngiiaar­toqarsin­naanera pil­lugu ilisimatuut paasisimasaat Biibilimi as­sor­tor­neqan­ngilaq.

•  Guuti pinngoriar­tuaartitsiva?

•  Pinngoriar­tuaarnermik upperin­ninneq Biibilimut naapertuuppa?

•  Taavami naasut uumasullu naleqqus­sarsin­naanerat?

 Inuit Guutip pin­ngoriar­tuaar­titsisar­neranik up­perin­nit­tut taman­na pil­lugu as­sigiin­ngitsunik isumaqar­tar­put. Encyclopædia Britannica naaper­torlugu inuit ilaasa up­peraat “Guutip pin­ngor­titarsuarmik aqutsinermini pis­sutsinut naleq­qut­tumik toq­qaariaaseq b ilaan­nik­kut ator­taraa”.

 Guutip pin­ngoriar­tuaar­titsisar­neranik up­perin­nit­tut aam­ma ima isumaqarsin­naap­put:

•   Uumas­susil­lit tamarmik as­sigiim­mik naggueqar­put.

•   Uumas­susilik sunaluun­niit al­lan­ngorluin­narsin­naavoq uumas­susilin­ngorluni al­la.

•   Guuti taamatut pisoqar­tar­neranik arlaatigut aqutsisuuvoq.

 Guutip pin­ngoriar­tuaar­titsisar­neranik up­perin­nit­tut oqar­tar­pul­lusooq Mosesimik al­lak­kani siul­ler­ni pin­ngor­titsinermik oqalut­tuaq eq­qoq­qis­saan­ngitsuusoq. Jiisusil­li oqalut­tuaq taan­na oqalut­tuarisaanik­kut piviusutut isigalugu eq­qar­tor­paa. (1 Mosesi 1:26, 27; 2:18-24; Mat­thæusi 19:4-6) Biibilimi oqalut­tuarineqar­poq Jiisusip nunamukan­ngin­nermini Guuti qilam­mi najorsimagaa, Guutilu ‘sunik tamanik’ pin­ngor­titsinerani ikiorsimagaa. (Johan­nesi 1:3) Taamaat­tumik Guutip uumas­susilin­nik as­sigiin­ngitsunik pin­ngoriar­tuaar­titsisimaneranik up­perin­nin­neq Biibilimut naaper­tuutin­ngilaq.

 Naasut uumasul­lu qanoq al­lan­ngorarsin­naatiginerat Biibilimi eq­qaaneqan­ngilaq. Aam­ma uumas­susil­lit as­sigiin­ngitsut avatangiisimin­nut naleq­qus­sarsin­naanerat amerliar­tor­nermin­nilu as­sigiin­ngiiaalersin­naanerat as­sor­tor­neqan­ngilaq. Naak inuit ilaasa al­lan­ngor­nerit taamaat­tut pin­ngoriar­tuaar­nermut up­per­narsaataanerar­taraluaraat uumas­susilin­nik nutaanik pin­ngor­toqar­neq ajor­poq.