Qitor­nap­pit inun­ngor­nera eq­qaamaviuk? Pak­kuk­kusungaarsimas­savat. Angajoq­qaat Carlotut Miatul­lu atugaqar­tut qitor­namik nap­paateqar­neran­nik in­narluuteqar­neran­nil­luun­niit oqarfigineqar­tut pil­luaraluarlutik er­numaam­mer­tarsimas­sap­put.

Qitor­naqar­pit in­narluutilim­mik? Taava im­maqa eq­qarsaatigaat taman­na ar­tus­san­ngin­nerlugu. Taamaap­pat isumatsaqinak. Angajoq­qaat al­lat taamatut ajor­nar­torsiuteqar­tut ajun­ngitsumik qaangiisin­naasarsimap­put. Unam­miniar­nar­tut pingasut nalaas­sin­naasatit ilisimas­sutsil­lu Biibilimeersup qanoq iluaqutigisin­naanera eq­qarsaatigik­kit.

Angajoq­qaar­pas­suit qitor­nar­tik nap­paateqar­toq paasigaangamik­ku aliatsarujus­suar­tar­put. “Nakorsap oqalut­tuum­manga er­ner­put, Santiago, qaratsamit pisumik nukil­laar­neq nap­paatigigaa up­perin­ngilara,” Juliana, anaanaq Mexicomiu, oqar­poq. “Erloqiim­merujus­suar­punga.” Al­lat im­maqa anaanaasup Italiamiup Vil­lanap misigis­susii ilisaraat. Taan­na ima oqar­poq: “Nalun­ngik­kaluarlugu uat­tut ukiul­lit naar­tusut qitor­naat in­narluuteqarsin­naasut qitor­nar­taar­niarlunga aalajanger­punga. Maan­na er­nera Downs syndromiminut  at­tuumas­suteqar­tumik ajor­nar­torsioraangat pisuusutut misigisar­punga.”

Isumatsaq­qaguit pisuusutul­luun­niit misigiguit paasiuk taama misigineq nalingin­naasoq. Nap­paatit Guutip aal­laq­qaam­mut siuner­taanut ilaan­ngil­lat. (1 Mosesi 1:27, 28) Angajoq­qaat pis­susis­samisuun­ngitsunik akuersipal­lat­tar­tus­satut pin­ngor­tin­ngilai. Oqar­toqarsin­naavoq an­naasap — qitor­nas­si peq­qin­nerata an­naanerata — ‘aliasuutiginis­saa’ pisariaqar­toq. Misigis­sutsivit akuerinis­saat sungiun­niaruusaar­tariaqarsin­naavat pis­sutsil­lu atuk­kavit al­lan­ngor­nerinut naleq­qus­sar­tariaqarlutit.

Taavami qitor­navit in­narluuteqar­neranut im­minut pisuutik­kuit? Eq­qaamajuk kingor­nut­tak­kat, avatangiisit al­lal­lu meeq­qap peq­qin­neranut qanoq sun­niuteqarsin­naanersut kialuun­niit tamak­kiisumik paasisin­naan­ngim­magit. Aam­ma imaas­sin­naavoq aap­pat pisuuteq­qajaagit. Taamaalioqinak. Pitsaanerus­saaq aap­pat suleqatigiguk­ku qitor­nas­silu isumas­sor­nis­saa sal­liutik­kus­siuk. — Oqaluus­sisar­tup oqaasii 4:9, 10.

SIUN­NERSUUT: Qitor­navit nap­paataa pil­lugu paasiniaagit. Biibilimi ima al­las­simavoq: “Ilaqutariiul­luas­sagaan­ni ilisimas­suseqar­tariaqar­poq, ilaqutariit­tul­lu nukit­tus­sagaan­ni paasin­nis­sin­naas­suseqar­tariaqar­poq.” — Us­satit 24:3, New Century Version.

Peq­qin­nis­saqarfim­mi sulisut ilin­niarsimasut atuagas­sial­lu tutsuiginar­tut paasisaqarfigil­luarsin­naavatit. Qitor­navit nap­paataa pil­lugu paasiniaanerit oqaatsinik ilin­niar­nermut as­sersuun­neqarsin­naavoq. Aal­laq­qaam­mut nalunaraluar­tut ilik­karsin­naavatit.

Carlo Mialu, al­laaserisap matuma aal­laq­qaataani is­suar­neqar­tut, nakorsamin­nut peqatigiif­fim­mul­lu er­nermik nap­paataan­nik im­mik­kut ilisimasalim­mut paasiniaap­put. Ima oqar­put: “Paasiniaaner­put ajor­nar­torsiutaasin­naasunik paasin­nin­nis­satsin­nut iluaqutigiin­nar­nagu aam­ma Downs syndromimut tun­ngasunik ‘isumal­luar­nar­tunik’ paasisaqar­pugut. Paasivar­put er­ner­put sor­pas­suar­tigut nalingin­naasumik inuusin­naasoq. Taman­na tup­pal­lersaatigingaar­par­put.”

Im­maqa misigivutit qitor­navit nap­parsimasup isumas­sor­neranut nukitit tamaasa ator­tarlugit. Jen­ney, anaanaq New Zealandimiu, ima oqar­poq: “Ukiualun­ni er­nerma qiteq­qak­kut nak­kar­titsinermik nap­paateqar­neranik paasin­nin­nerma kingor­na angerlarsimaf­fitsin­ni suliaqar­nerugaangama qasoq­qasar­punga qiasun­ngusarlungalu.”

Unam­miniar­nar­toq al­la tas­saasin­naavoq kisimiit­tutut misigineq. Ben Aspergers syndromer­tumik nukeeruk­kiar­tor­tumil­lu er­nilik ima oqar­poq: “Inuit amerlanerit inuuner­put qanoq it­tuunersoq paasin­ngisaan­nas­savaat.” Im­maqa oqaloqateqarusut­tar­putit. Ikin­ngutitil­li amerlanerit peq­qis­sunik meeraqarmata naner­tuutigisan­nik oqalut­tuun­nis­saat tunuarsimaarutigisar­pat.

SIUN­NERSUUT: Ikior­tis­sarsiorit. Ikiuerusut­tul­lu qujarut­tak­kit. Juliana, eq­qaaneqareersoq, ima nas­suer­poq: “Ilaan­nik­kut uigalu ikioq­qunis­sar­put peq­qusiileqis­sutigisar­par­put.” Imali nangip­poq: “Paasisimavar­put al­lanit ikior­neqar­tariaqarluta. Ikior­neqaraangat­ta kisimiit­tutut misigival­laarun­naar­tar­pugut.” Katerisimaar­til­lusi kristumiul­luun­niit ataatsimiin­neran­ni ikin­ngutip ilaqut­tal­luun­niit qanigisap qitor­nat is­siaqatigerusuk­kaangagu qujarutigisaruk. Us­sat Biibilimeersoq imaap­poq: “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” — Us­satit 17:17.

Peq­qiil­liuler­naveersaarit. Soorlu ambulance orsersor­neqar­tuar­tariaqar­toq nap­parsimasunik nap­parsim­maviliaas­siuas­saguni, taamatul­li il­lit peq­qin­nar­tunik nerisar­nik­kut, timersor­tar­nik­kut qasuersaar­tar­nik­kul­lu nukis­saqar­niar­tuar­tariaqar­putit qitor­nat isumagineqar­tariaqar­neratut isumagis­saguk­ku. Javier, in­narluutilim­mik er­nilik, ima oqar­poq: “Er­nera pisus­sin­naan­ngim­mat peq­qin­nar­tunik nerisariaqarlunga misigivunga, uangamiuna nikis­sut­tar­tus­saagiga. Uanga isik­kak­ka pisuutigai!”

Peq­qis­suujuar­nis­sat eq­qarsaatigalugu im­minut qanoq pif­fis­saqarfigisin­naavit? Angajoq­qaat ilaasa paarlakaajaal­lutik qitor­nar­tik isumagisar­paat. Taamaalil­luni angajoq­qaap aap­paa qasuersaarsin­naavoq al­latul­luun­niit im­minut isumagaluni. Pingaar­nerusut pingaan­ngin­nerusunit pif­fis­saqarfiginerusariaqar­patit tamatumanilu oqimaaqatigiis­saarinis­saq unam­miniar­nar­tuusin­naavoq. “Pif­fis­sap ingerlanerani taman­na ilik­kar­neqar­tar­poq,” Mayuri, anaanaasoq Indiamiu, oqar­poq.

Ikin­ngut tatigisat oqaloqatigiuk. Ikin­ngut nap­parsimasumik qitor­naqan­ngik­kaluarluni misigeqataal­luni  tusar­naarluarsin­naavoq. Aam­ma Jehovamut Guutimut qinusin­naavutit. Qin­nutit iluaqutaasaramik? Yazmin marlun­nik cystisk fibrosemik nap­paatilin­nik qitor­nalik ima oqalut­tuar­poq: “Ilaan­nik­kut tatineqangaaraangama ipisaan­ngusar­punga.” Imali nangip­poq: “Jehovamut ikioq­qul­lunga nakus­satseq­qul­lungalu qinusar­punga. Taava misigisar­punga ingerlaq­qis­sin­naal­lunga.” — Tus­siaat 145:18.

Qitor­nap nap­paataa ilaqutariit nerisar­tagaan­nut, sumun­nar­tar­neran­nut angajoq­qaal­lu qitor­namin­nut al­lanut pif­fis­saqar­niar­neran­nut sun­niuteqarsin­naavoq. Qitor­nat al­lat soqutigineqan­ngitsutut misigilersin­naap­put. Aam­ma angajoq­qaat qitor­nar­tik nap­parsimasoq ulap­putigingaaramik­ku aap­pariin­nerliuutigilersin­naavaat. “Ilaan­nik­kut nuliara oqar­tar­poq akisus­saaf­fiup an­ner­paar­taa nam­mineq tigum­mil­lugu uangalu er­ner­put soqutigin­ngik­kiga.” Lionel ataataasoq Liberiamiu oqar­poq. “Nikagisaasutut misigisar­punga, ilaan­nik­kul­lu inus­siar­niitsumik qisuariar­tar­punga.”

SIUN­NERSUUT: Qitor­nasi tamarmik soqutigineqar­tutut misigeq­qul­lugit nuan­narisaan­nik sam­misaqaqatiginiarlugit pilersaarusioritsi. Jen­ney, eq­qaaneqareersoq, ima oqar­poq: “Ilaan­nik­kut er­ner­put angajul­leq ilagalugu im­mik­kut it­tumik iliuuseqar­tar­pugut, neriniar­tarfim­mi nuan­nariner­paasaani ul­lup-qeq­qasior­nerin­naagaluar­pal­luun­niit.”

Aap­pariil­luar­tuarumal­lusi oqaloqatigiit­tarlusilu qinoqatigiit­taritsi. Aseem, ataataq Indiamiu noqar­tar­tumik er­nilik, ima oqar­poq: “Nuliaralu ilaan­nik­kut qasoq­qangaar­taraluarluta nukil­lalaaq­qasaraluarlutalu oqaloqatigiin­nis­satsin­nut qinoqatigiin­nis­satsin­nul­lu im­mitsin­nut pif­fis­saqarfigisar­pugut. Ul­laat tamaasa qitor­navut iter­tin­nagit marluul­luta al­las­simaf­fik Biibilimeersoq eq­qar­tor­tar­par­put.” Aap­pariit al­lat sinin­nialer­tin­natik oqaloqatigiit­tar­put. Oqaloqatigiit­tar­nersi qaman­ngalu pisumik qinoqatigiit­tar­nersi ar­torsar­nis­sin­ni aap­pariin­nis­sin­nut nakus­satsis­sutaas­saaq. (Us­satit 15:22) Aap­pariit ima oqar­put: “Ul­lut ar­torsarfiginer­paasavut nuan­nersutut puiunaan­ner­paatip­pavut.”

Biibilimi neriorsor­neqar­pugut qanit­tuk­kut Guutip inuusut­tut utoq­qaal­lu nap­paataarutsil­lugil­lu in­narluutaarutis­sagai. (Saq­qum­mersitat 21:3, 4) Taamanik­kus­samut “in­nut­taasoq kinaluun­niit oqas­san­ngilaq: ‘Nap­parsimavunga!’” * — Esaja 33:24.

Ul­loq taan­na nal­liutserlugu qitor­nan­nut in­narluutilim­mut qular­nan­ngitsumik angajoq­qaajul­luarsin­naas­saatit. Carlo Mialu eq­qaaneqareersut ima oqar­put: “Suut tamarmik iluatsin­ngitsoor­pasip­pata nikal­loqinak. Qitor­navit sapin­ngisai isiginiar­neruk­kit, sapin­ngisaami amerlaqaat.”