Rosa ima oqar­poq: “Kingor­nut­tak­kamik nap­paateqar­punga an­niarujus­suar­titsisar­tumik. Inuunera sus­saan­ngilaq.” Isumakuluutiginersaasa ilagaat ilaan­nik­kut Biibilimik atuaq­qis­saarsin­naanermik anersaak­kul­lu it­tunik sam­misaqarsin­naanermik aal­lus­sil­luarsin­naan­ngin­nini. Jiisusil­li oqaasii Matthæusi 19:26-miit­tut uku iluaqutigingaar­pai: ‘Guutimut ajor­nar­toqan­ngilaq.’ Rosap paasivaa aam­ma al­latut atuaq­qis­saar­toqarsin­naasoq. An­niar­nini pis­sutigalugu ilaan­nik­kut atuarluarsin­naasan­ngin­nami Biibilimik Biibililersaarutinil­lu im­mius­sat tusar­naar­taler­pai. * “Taamaat­toqan­ngitsuup­pat nalus­sagaluar­para anersaak­kut qanoq nukit­tuujuarsin­naanerlunga.”

Rosap sior­natigutut iliuuseqarsin­naajun­naar­nini aliasuutigigaangamiuk tup­pal­lersaatigisar­paa Korinthimiut allakkat aappaat 8:12: ‘Kajumis­suseqaraangat ajun­ngitsumik taan­na qujarun­neqar­tar­poq pisin­naasanut mis­siliuul­lugu pisin­naan­ngisanut pin­nagu.’ Rosa oqaatsinit taak­kunan­nga eq­qaasin­neqar­tar­poq pisin­naasani naaper­torlugit iliuuseqar­tarami iliuutsini Guutimit iluarisaasar­tut.

Delina, siusin­nerusuk­kut eq­qaaneqar­toq, oqalut­tuar­poq: “Paniga 18-inik ukioqarluni toqum­mat an­niangaarama isumaqar­punga inuugin­narsin­naananga. Suna tamarmi al­lan­ngor­poq.” Tup­pal­lersaatigingaar­paali Tussiaat 94:19, tas­sanilu tus­siaasior­toq Guutimut ima oqar­poq: “Eq­qarsaatima eq­qis­siviil­lior­tileraangan­nga tup­pal­lersaaner­pit nuan­naalersit­tar­paanga.” Delina ima oqar­poq: “Jehovamut qinuvunga tup­pal­lersaatigisin­naasan­nik iliuuseqaler­nis­san­nut ikioq­qul­lunga.”

Nam­mineq kajumis­sutsimit suliaqar­neq ulap­putigiler­paa. Pif­fis­sap ingerlanerani im­minut as­sersuut­taler­poq meeq­qap aqerluusaanut qalipaatilim­mut – naf­fakuugaluarluniluun­niit suli qalipaatigineqarsin­naavoq. Taamatul­li ilaan­nakuusutut misigigaluarluni suli al­lanik ikiuisin­naal­luni paasivaa. Ima oqalut­tuar­poq: “Paaseriataar­para Biibilimik ilin­niar­titak­ka tup­pal­lersar­niarlugit najoq­qutas­siat Biibilimeersut atoraangak­kit Biibilimul­lu naaper­tuut­tumik eq­qarsaraangama Jehovap tup­pal­lersar­taraanga.” Aliasungaarsimasut Biibilimi oqalut­tuarineqar­tut al­lat­tor­pai. Paasivaa tamarluin­narmik qinuneq atorluar­taraat. Aam­ma paasivaa “Biibili qup­per­neqan­ngik­kuni akis­suteqarsin­naan­ngitsoq”.

Delina Biibilimik atuaq­qis­saar­tar­nermini aam­ma al­lamik ilik­kagaqar­poq – tas­sa siunis­sap, pereersut pin­nagit, eq­qarsaatiginerunis­saa. Neriuut Apustilit Suliaat 24:15-imi al­las­simasoq tup­pal­lersaatigaa: ‘Toqusut makik­kumaar­put.’ Panini Jehovamit makitin­neqarumaar­toq qanoq up­peritigaa? Delina akiteriar­tigu: “Takorloor­para siunis­sami paniga takus­sal­lugu. Naapeq­qin­nis­sar­put Ataatama qilam­miusup qaam­matisiutaani al­las­simasutul­lusooq ul­lulereer­poq. Panim­ma ul­lormi inun­ngorfiani asal­lugulu takuneratul­li erseq­qitsigisumik marluul­luta naatsiivitsin­niit­tugut takorloor­para.”