BIIBILIMI NAJOQQUTASSIAQ: “Eqiasuitsup pilersaarusiai iluanaarutis­sarsisitsisar­put, tuavior­pal­laar­torli ajorsaateqalersar­poq.” – Us­satit 21:5.

QANOQ PAASISARIAQARTOQ: Pilersaarutinik maleruaaq­qis­saar­neq iluatsin­nis­samut pingaaruteqarluin­nar­poq. Taamaat­tumik aningaasanik atuin­ngin­nin­ni pilersaarusiorit. Eq­qaamajuk perusutatit tamarluin­naasa pisiarisin­naagunan­ngin­nak­kit. Taamaat­tumik silatusaarlutit aningaasaatitit ator­tak­kit.

QANOQ ILIORSINNAASUTIT:

• Missingersuutit malikkit. Aningaasar­tuutitit tamaasa al­lat­toriarlugit im­mik­koor­tunut agguluk­kit. Taamaalioriarlutit im­mik­koor­tuni qanoq atuitiginis­sat aalajangeruk. Im­mik­koor­tumi ataatsimi atuival­laaruit im­mik­koor­tumit al­lamit aningaasanik matus­susiigit. As­sersuutigalugu pilersaarutaasumit an­nerusumik orsus­samut atuisimaguit aningaasanik pingaaruteqan­ngin­nerusunit – as­sersuutigalugu neriniar­tarfin­nut neriar­tor­nis­samut im­mik­koor­titan­nit – tigusigit.

• Pisariaqanngitsumik akiitsoqarnaveersaarit. Sapin­ngisan­nik akiitsoqar­naveersaarit. Pisariaqar­titan­nul­li sipaaq­qaar­tarit. Akiliis­sut ator­taruk­ku er­nianik akilersuin­ngin­nerus­sagavit qaam­matit tamaasa unin­ngasuutitit sip­por­naveersaar­tak­kit. Akiitsoqaruit akilersuinis­samut pilersaarusiorit malil­lugulu.

  Misis­suinermit ersersin­neqar­poq akiliis­sum­mik akiliisar­tut atuinerusar­tut. Taamaat­tumik akiliis­sum­mik peqaruit silatusaarlutit ator­taruk.

BIIBILIMI NAJOQQUTASSIAQ: “Eqiasut­toq ukiak­kut as­sal­latserineq ajor­poq, aasaanerani inerit­tus­sanik  ilimasut­taraluar­poq nas­saas­sananili.” – Us­satit 20:4.

QANOQ PAASISARIAQARTOQ: Eqiasut­tuuneq piitsun­ngor­titsisin­naavoq. Taamaat­tumik sul­leris­suugit, siunis­samilu naam­mat­tunik aningaasaateqar­nias­sagavit sapin­ngisan­nik pilersaarusior­tarit.

QANOQ ILIORSINNAASUTIT:

• Tamaviaarlutit sulisarit. Sul­lerin­nik­kut tutsuiginar­tuunik­kul­lu aningaasarsior­nerit qular­naaruk. Sulisitsisut sul­lerin­neq pingaar­tit­tar­paat.

• Unneqqarissuugit. Sulisitsisut til­lif­figeqinagu. Un­neq­qaserluk­kuit tusaamanerlugaalersin­naavutit kingusin­nerusuk­kul­lu sulisoriumaneqarun­naarlutit.

• Piumatoqinak. Oqimaaqatigiin­ngitsumik aningaasanut isigin­nit­taaseqar­nerit peq­qis­sutsin­nut al­lanul­lu at­taveqar­nin­nut ajoqutaasin­naavoq. Eq­qaamajuk aningaasat inuunermi pingaar­ner­paan­ngim­mata.

ILEQ­QUT AJOQUTAASUT PIF­FIS­SAAJAATIGINAGIL­LU AKIS­SAAJAATIGEQINAGIT.

“Imer­pal­laar­tut nerival­laar­tul­lu piitsun­ngor­tus­saap­put, sin­ngul­lu inuit alit­tor­nikunik atisaqalersit­tar­pai.” – US­SATIT 23:21.

ANINGAASAT ISUMAKULUUTIGINAVEERSAAK­KIT.

“Inuunersi isumakuluutigeqinasiuk, suna neris­sagis­si, suna imis­sagis­si imaluun­niit timis­sigut suna atis­sagis­si.” – MAT­THÆUSI 6:25.

SIN­NGANAVEERSAAR­TARIT.

“Tigumatooq pisuun­ngor­niapal­lat­taqaaq, ilisimasan­ngilaa ajorsaleratarsin­naagami.” – US­SATIT 28:22.