قۇدايدى كورۋ مۇمكىن بە؟
كيەلى كىتاپتا نە دەپ جازىلعان؟
قۇدايدى ەشكىم دە كورە المايدى (مۇسانىڭ 2-جازباسى 33:20؛ جوحان 1:18؛ جوحاننىڭ 1-حاتى 4:12). كيەلى كىتاپتا قۇدايدىڭ رۋح ەكەنى ايتىلعان. سوندىقتان ٴبىز ونى كورە المايمىز (جوحان 4:24؛ تىموتەگە 1-حات 1:17).
ال پەرىشتەلەر رۋحاني جاراتىلىس بولعاندىقتان، قۇدايدى كورە الادى (ماتاي 18:10). سونداي-اق كەيبىر ادامدار ولگەننەن كەيىن اسپانداعى ومىرگە تىرىلەدى. سول جەردە رۋحاني دەنەگە يە بولعان ولار قۇدايدى كورە الادى (فىلىپىلىكتەرگە 3:20، 21؛ جوحاننىڭ 1-حاتى 3:2).
بۇگىندە قۇدايدى قالاي «كورە» الامىز؟
كيەلى كىتاپتا «كورۋ» دەگەن ٴسوز كوپ جاعدايدا بەينەلى ماعىنادا ايتىلىپ، قانداي دا ٴبىر نارسەنى جاقسى ٴبىلۋ نە جاقىننان تانۋ ماعىناسىندا دا قولدانىلادى (يشايا 6:10؛ ەرەميا 5:21؛ جوحان 9:39—41). سوندىقتان بۇگىندە ادامدار قۇداي مەن ونىڭ قاسيەتتەرى تۋرالى كوبىرەك ٴبىلىپ، سەنىم تانىتۋ ارقىلى قۇدايدى «جۇرەكتەرىنىڭ كوزىمەن» كورە الادى (ەفەستىكتەرگە 1:18 ٴسىلت.). كيەلى كىتاپتا مۇنداي سەنىم دامىتۋعا كەلەسىدەي جايتتاردىڭ كومەك بولاتىنى جازىلعان:
قۇدايدىڭ سۇيىسپەنشىلىك، جومارتتىق، دانالىق پەن كۇش سياقتى قاسيەتتەرىن جاراتىلىستارى ارقىلى ٴبىلۋ (ريمدىكتەرگە 1:20). ٵيۇپ پايعامبار قۇدايدىڭ جاراتىلىستارى تۋرالى وي جۇگىرتكەننەن كەيىن قۇدايدى «ٶز كوزىمەن كورگەندەي» بولعان (ٵيۇپ 42:5).
قۇدايدى كيەلى كىتاپتى زەرتتەۋ ارقىلى ٴبىلۋ. كيەلى كىتاپتا بىلاي دەلىنگەن: «ەگەر [قۇدايدى] ىزدەيتىن بولساڭ، ول ٶزىن تابۋىڭا مۇمكىندىك بەرەدى» (شەجىرەلەر 1-جازبا 28:9؛ ٴزابۇر 119:2؛ جوحان 17:3).
يسا ٴماسىحتىڭ ٶمىرىن زەرتتەۋ ارقىلى. يسا ٶزىنىڭ كوكتەگى اكەسى ەحوبا قۇدايدىڭ قاسيەتتەرىن كەمەلدى تۇردە تانىتقان. سوندىقتان ول: «مەنى كورگەن ادامنىڭ اكەنى دە كورگەنى»،— دەپ سەنىمدىلىكپەن ايتا العان (جوحان 14:9).
قۇدايدىڭ جۇرەگىن قۋانتاتىنداي ٶمىر ٴسۇرىڭىز، سوندا ونىڭ ٴسىزدىڭ يگىلىگىڭىز ٷشىن قالاي ارەكەت ەتەتىنىن كورەسىز. يسا پايعامبار: «اقجۇرەكتىلەر باقىتتى، ويتكەنى ولار قۇدايدى كورەدى»،— دەگەن. جوعارىدا ايتىلعانداي، كەيبىر ادامدار قايتىس بولعان سوڭ كوكتەگى ومىرگە قايتا ٴتىرىلىپ، «قۇدايدى كورە» الادى (ماتاي 5:8؛ ٴزابۇر 11:7).
مۇسا، ىبىرايىم جانە باسقا دا پايعامبارلار قۇدايدى كورگەن بە؟
كيەلى كىتاپتىڭ كەيبىر ۇزىندىلەرىن وقىعاندا، بۇل ادامدار قۇدايدىڭ ٶزىن تۋرا ماعىنادا كورگەن دەپ ٴتۇسىنىپ قالۋعا بولادى. الايدا مانماتىننەن قۇدايدىڭ ولارمەن پەرىشتەلەر ارقىلى نەمەسە ايان بەرۋ ارقىلى سويلەسكەنىن بىلەمىز.
پەرىشتەلەر ارقىلى.
ەجەلگى ۋاقىتتا قۇداي ادامدارعا ٴسوزىن ارناعاندا، ٶزىنىڭ وكىلى رەتىندە پەرىشتەلەردى جىبەرگەن جانە ولار قۇدايدىڭ اتىنان سويلەگەن (ٴزابۇر 103:20). مىسالى، بىردە قۇداي مۇساعا جانىپ جاتقان بۇتا ارقىلى سويلەگەندە، «مۇسا قۇدايعا قاراۋعا قورقىپ، بەتىن جاۋىپ العان» (مۇسانىڭ 2-جازباسى 3:4، 6). الايدا مۇسا قۇدايدى تۋرا ماعىنادا كورمەگەن، سەبەبى مانماتىننەن بىلەتىنىمىزدەي، نەگىزىندە ول «ەحوبانىڭ پەرىشتەسىن» كورگەن (مۇسانىڭ 2-جازباسى 3:2).
ال كيەلى كىتاپتاعى: «ەحوبا مۇسامەن... بەتپە-بەت سويلەسەتىن»،— دەگەن سوزدەر مۇسا پايعامباردىڭ قۇدايمەن تىعىز قارىم-قاتىناستا بولعانىن بىلدىرەدى (مۇسانىڭ 2-جازباسى 4:10، 11؛ 33:11). مۇسا قۇدايدىڭ ٴجۇزىن كورمەگەن، ويتكەنى قۇداي وعان حابارىن «پەرىشتەلەر ارقىلى» بەرىپ وتىرعان (عالاتتىقتارعا 3:19؛ ەلشىلەردىڭ ىستەرى 7:53). الايدا مۇسانىڭ سەنىمىنىڭ بەرىك بولعانى سونشا، كيەلى كىتاپتا ول تۋرالى: «كوزگە كورىنبەيتىن تۇلعانى كورىپ تۇرعان»،— دەپ جازىلعان (ەۆرەيلەرگە 11:27).
قۇداي ىبىرايىم پايعامبارمەن دە پەرىشتەلەر ارقىلى سويلەسكەن. كيەلى كىتاپتى ٴبىر وقىعاندا، ىبىرايىم قۇدايدى تۋرا ماعىنادا كورگەن دەپ ٴتۇسىنىپ قالۋعا بولادى (مۇسانىڭ 1-جازباسى 18:1، 33). الايدا مانماتىننەن كورىنەتىندەي، ىبىرايىمعا كەلگەن «ٷش كىسى» نەگىزىنەن قۇداي جىبەرگەن پەرىشتەلەر ەدى. ىبىرايىم ولاردى قۇدايدىڭ وكىلدەرى رەتىندە قابىلداعاندىقتان، ولارمەن ەحوبانىڭ وزىمەن سويلەسىپ تۇرعانداي سويلەسكەن (مۇسانىڭ 1-جازباسى 18:2، 3، 22، 32؛ 19:1).
ايان بەرۋ ارقىلى.
قۇداي ادامدارعا ايان بەرۋ ارقىلى، ياعني ادام ساناسىنا كەرەمەت جولمەن بەرىلگەن كورىنىس ارقىلى دا كورىنگەن. مىسالى، كيەلى كىتاپتا مۇسا مەن باسقا يسرايلدىكتەر «ٴيسرايلدىڭ قۇدايىن كوردى» دەگەن سوزدەر بار. ٴبىراق ولار شىن مانىندە قۇدايدى «اياندا كورگەن» (مۇسانىڭ 2-جازباسى 24:9—11). سول سياقتى كيەلى كىتاپتىڭ كەي جەرلەرىندە پايعامبارلاردىڭ «ەحوبانى كورگەنى» جايلى جازىلعان (يشايا 6:1؛ دانيال 7:9؛ اموس 9:1). ٵر جازبا ورنىنىڭ مانماتىنىنەن كورىنەتىندەي، قۇداي ولارعا تىكەلەي ەمەس، ايان ارقىلى كورىنگەن (يشايا 1:1؛ دانيال 7:2؛ اموس 1:1).
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
قۇدايعا قالاي جاقىنداي الامىز؟
جاراتۋشىمەن دوس بولۋعا كومەكتەسەتىن جەتى قادام قانداي؟
كيەلى كىتاپتىڭ ماڭىزدى تالىمدەرى
قۇدايمەن دوس بولۋ مۇمكىن بە؟
عاسىرلار بويى ادامدار جاراتۋشىسى جايلى بىلگىسى كەلگەن. كيەلى جازبالار بىزگە قۇدايمەن دوس بولۋعا كومەكتەسەدى. بۇل دوستىق ونىڭ ەسىمىن بىلۋدەن باستالادى.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.