ناقىل سوزدەر 30:1—33
30 جاكەنىڭ ۇلى اعۇردىڭ يتيەل مەن ۇقالعا ايتقان ۇلاعاتتى سوزدەرى.
2 بارلىعىنان دا ٴبىلىمسىزى مەنمىن+،ادامعا ٴتان تۇسىنىك تە جوق مەندە.
3 دانالىققا ۇيرەنگەن جوقپىن،ەڭ كيەلى قۇدايدىڭ ٴبىلىمى دە جوق مەندە.
4 كىم كوككە كوتەرىلىپ، جەرگە قايتا ٴتۇسىپ ەدى+؟
كىم جەلدى قوس ۋىسىندا ۇستاپ تۇرىپ ەدى؟
كىم سۋلاردى كيىمىنە وراپ الىپ ەدى+؟
كىم جەردىڭ شەگىن بەلگىلەپ ەدى+؟
ونىڭ ەسىمى مەن ۇلىنىڭ ەسىمى كىم؟ بىلسەڭ، ايتشى.
5 قۇدايدىڭ ٵر ٴسوزى تازا+،ول — ٶزىن پانالاعاندار ٷشىن قالقان+.
6 ونىڭ سوزدەرىنە ەشتەڭە قوسپا+،ايتپەسە ول سەنى ايىپتاپ،وتىرىگىڭدى اشكەرەلەر.
7 ساعان ەكى ٶتىنىشىم بار،كوزىمنىڭ تىرىسىندە ودان باسقا قالاۋىم جوق.
8 وتىرىك پەن جالعاندىقتى مەنەن الشاقتات+.
كەدەيلىك تە، بايلىق تا بەرە كورمە،قاجەتتى تاماعىمدى عانا جەگىزە كور+.
9 ايتپەسە بايىپ الىپ: «ەحوبا دەگەن كىم؟»— دەپ،سەنەن باس تارتارمىن+.
نە كەدەي بولىپ، ۇرلىق جاساپ،قۇدايىمنىڭ ەسىمىنە كىر كەلتىرەرمىن.
10 قوجايىنىنىڭ الدىندا قىزمەتشىسىنە جالا جاپپا،ايتپەسە ول سەنى قارعاپ، كىنالى بولىپ شىعارسىڭ+.
11 ٴبىر ۇرپاق بار اكەلەرىن قارعايتىن،انالارىن دا سيلامايتىن+.
12 ٴبىر ۇرپاق بار لاستىعىنان* تازارماي جاتىپ،وزدەرىن تازا سانايتىن+.
13 ٴبىر ۇرپاق بار كوزدەرى سونداي تاكاپپار،جوعارىدان سونشاما پاڭدانىپ قارايتىن+.
14 ٴبىر ۇرپاق بار تىستەرى سەمسەردەي،ازۋلارى مال سوياتىن پىشاقتاي.
جالمايدى ولار جەر بەتىندەگى مۇساپىرلەردى،ادامزات ىشىندەگى بەيشارالاردى+.
15 سۇلىكتىڭ «بەر دە بەر!» دەپ ايعايلايتىن ەكى قىزى بار.
قاناعاتتى بىلمەيتىن ٷش نارسە،«جەتكىلىكتى!» دەمەيتىن ٴتورت نارسە بار:
16 كور*+ جانە بەدەۋ قۇرساق،سۋعا قانبايتىن — قۋاڭ جەر،ەشقاشان «جەتكىلىكتى!» دەمەيتىن — ٶرت.
17 اكەسىن مازاق ەتىپ، ال اناسىن مەنسىنبەيتىننىڭ+ كوزىناڭعاردىڭ قۇزعىندارى شوقىپ الار،جاس بۇركىتتەر جەپ قويار+.
18 اقىلىم جەتپەيتىن* ٷش نارسە،تۇسىنىگىم جەتپەيتىن ٴتورت نارسە بار:
19 كوكتە سامعاعان بۇركىتتىڭ جولى،جارتاستا ورمەلەگەن جىلاننىڭ جولى،اشىق تەڭىزدە جۇزگەن كەمەنىڭ جولى،قىز كوڭىلىن تاپقان ەركەكتىڭ جولى.
20 ازعىن ايەلدىڭ جولى مىناداي:
ٸشىپ-جەپ الىپ، اۋزىن سۇرتەر،ٴسۇيتىپ، ول: «ەش جاماندىق ىستەمەدىم»،— دەر+.
21 جەردى دىرىلدەتەر ٷش نارسە،ول توزە المايتىن ٴتورت نارسە بار:
22 قۇلدىڭ پاتشا بوپ بيلىك ەتكەنى+،ناداننىڭ اسقا تويىپ جۇرگەنى،
23 جەكسۇرىن ايەلدىڭ تۇرمىسقا شىققانى،كۇڭنىڭ ٶز حانىمىنىڭ ورنىن باسقانى+.
24 مىنا تورتەۋى جەردەگىنىڭ ەڭ كىشكەنەسى،ٵرى تۇيسىكتى دانالىقتىڭ يەسى+:
25 قۇمىرسقا — قاۋقارى از جاندىك*،ايتسە دە جەيتىن ازىعىن جازدا جينايدى+.
26 مايباسار+ — كۇشى كەم جاراتىلىس*،ايتسە دە ٷيىن جارتاسقا سالادى+.
27 شەگىرتكە+، ونىڭ پاتشاسى جوق،ايتسە دە ٴبارى ساپ تۇزەپ، العا باسادى+.
28 كەسىرتكە*+، ول اياقتارىمەن جارماسىپ جۇرەدى،پاتشا سارايىنان دا تابىلادى.
29 ادىمىن كەڭ باسادى مىنا ۇشەۋى،ماڭعازدانا جۇرەدى مىنا تورتەۋى:
30 ارىستان اڭداردىڭ ەڭ كۇشتىسى،ەشكىمنەن قايمىعىپ شەگىنبەيدى+.
31 تازى جانە سەركە،سونداي-اق اسكەرىن باستاپ جۇرەتىن پاتشا.
32 اقىماقتىقپەن ٶزىڭدى دارىپتەسەڭ+،ياكي وسىلاي ەتۋدى ويلاساڭ،وندا قولىڭمەن اۋزىڭدى جاپ+.
33 ٴسۇتتى شايقاسا، ماي شىعار،مۇرىندى ۇرسا، قان اعار،اشۋعا تيسە، ۇرىس شىعار+.
سىلتەمەلەر
^ سوزبە-ٴسوز «ٴناجىس».
^ ەۆرەيشە «شەول». تۇسىندىرمەنى قاراڭىز.
^ نەمەسە «مەنى تاڭ-تاماشا قالدىراتىن».
^ سوزبە-ٴسوز «حالىق».
^ سوزبە-ٴسوز «حالىق».
^ ياعني گەككون.