مۇسانىڭ 5-جازباسى 23:1—25
23 ۇرىق بەزى زاقىمدالعان نە جىنىس مۇشەسى كەسىپ تاستالىنعان ەشبىر ەركەك ەحوبانىڭ قاۋىمىنىڭ مۇشەسى بولا المايدى+.
2 نەكەسىز تۋىلعان ۇل ەحوبانىڭ قاۋىمىنىڭ مۇشەسى بولا المايدى+. ونىڭ ٷرىم-بۇتاعى دا ەشقاشان* ەحوبانىڭ قاۋىمىنىڭ قاتارىنا قوسىلا المايدى.
3 ەشبىر امموندىق تا، موابتىق تا ەحوبانىڭ قاۋىمىنىڭ مۇشەسى بولا المايدى+. ولاردىڭ ٷرىم-بۇتاقتارى دا ەشقاشان* ەحوبانىڭ قاۋىمىنىڭ قاتارىنا قوسىلا المايدى.
4 ويتكەنى ولار مىسىردان شىعىپ كەلە جاتقاندارىڭدا سەندەرگە اس-سۋ بەرىپ جاردەمدەسپەدى+، سونداي-اق سەندەرگە قارعىس ايتقىزباق بولىپ، مەسوپوتامياداعى پەتوردا تۇراتىن بەعور ۇلى بالاعامدى جالدادى+.
5 سوندا ەحوبا قۇدايلارىڭ بالاعامنىڭ ٴسوزىن تىڭدامادى+. قايتا، ەحوبا قۇدايلارىڭ ونىڭ قارعىسىن باتاعا اينالدىردى+، ويتكەنى ەحوبا قۇدايلارىڭ سەندەردى جاقسى كورەدى+.
6 ولاردىڭ يگىلىگى ٷشىن جانە وركەندەۋلەرى ٷشىن ەشتەڭە جاساۋشى بولماڭدار+.
7 ەدومدىقتاردى جەك كورۋشى بولماڭدار، ويتكەنى ولار — سەندەردىڭ باۋىرلارىڭ+. مىسىرلىقتاردى دا جەك كورۋشى بولماڭدار، ويتكەنى سەندەر ولاردىڭ ەلىندە جاتجەرلىك رەتىندە تۇرعانسىڭدار+.
8 ولاردىڭ ٷشىنشى ۇرپاعى ەحوبانىڭ قاۋىمىنىڭ مۇشەسى بولا الادى.
9 جاۋلارىڭا قارسى جورىققا شىعىپ، ٴبىر جەرگە قوس تىككەندە، وزدەرىڭدى ارامداۋدان ساقتانىڭدار+.
10 ەگەر ارالارىڭداعى بىرەۋدىڭ تۇندە شاۋەتى اعىپ، ارامدالىپ قالسا+، قوستىڭ سىرتىنا شىعىپ، سوندا بولا تۇرسىن.
11 كەش تۇسە ول سۋعا شومىلسىن، سوسىن كۇن باتا قوسقا كىرۋىنە بولادى+.
12 قوستىڭ سىرتىنان دارەتكە وتىراتىن جەر بەلگىلەڭدەر دە، سول جەرگە باراتىن بولىڭدار.
13 قۇرال-جابدىقتارىڭنىڭ اراسىندا كۇرەكشەلەرىڭ* بولسىن. تۇزگە شىعاردا شۇڭقىر قازىپ، كەيىن ٴناجىستى كومىپ تاستاڭدار.
14 ويتكەنى ەحوبا قۇدايلارىڭ سەندەردى قۇتقارۋ ٷشىن جانە جاۋلارىڭدى قولدارىڭا بەرۋ ٷشىن قوستىڭ ىشىندە جۇرەدى+. ول ارالارىڭنان قانداي دا ٴبىر لايىقسىز نارسەنى كورىپ، سەندەردەن بەت بۇرىپ كەتپەس ٷشىن، قوستارىڭ قاسيەتتى بولۋ كەرەك+.
15 قۇل ٶزىنىڭ قوجايىنىنان قاشىپ، ارالارىڭا كەلگەندە، ونى يەسىنە قايتارماڭدار.
16 ول ٶزى تاڭداعان جەرىندە، ۇناتقان قالالارىڭنىڭ بىرىندە تۇرا بەرسىن. وعان ٴجابىر كورسەتپەڭدەر+.
17 يسرايلدىڭ ەشبىر قىزى دا، ۇلى دا عيباداتحانا جەزوكشەسى بولماسىن+.
18 ايەل جەزوكشەنىڭ العان اقىسىن نەمەسە ەركەك جەزوكشەنىڭ العان اقىسىن سەرتتى ورىنداۋ ٷشىن اكەلگەن سي-تارتۋ رەتىندە ەحوبا قۇدايلارىڭنىڭ ۇيىنە اكەلمەڭدەر، ويتكەنى بۇل ەحوبا قۇدايلارىڭ ٷشىن جەركەنىشتى.
19 باۋىرىڭا بەرگەن ەشتەڭەدەن: قارىزعا بەرگەن اقشادان، ازىق-تۇلىكتەن نە باسقا دا نارسەدەن — ٶسىم الۋشى بولما+.
20 جاتجەرلىكتەن ٶسىم الۋعا بولادى+، ٴبىراق باۋىرىڭنان ٶسىم الما+. سوندا يەلىككە العالى جاتقان ەلدە ەحوبا قۇدايىڭ سەنىڭ بارلىق ٸسىڭدى جارىلقايتىن بولادى+.
21 ەحوبا قۇدايىڭا قانداي دا ٴبىر انت بەرسەڭ+، ونى كەيىنگە قالدىرماي ورىندا+. ويتكەنى ەحوبا قۇدايىڭ سەنەن ونى ورىنداۋدى تالاپ ەتەدى، ايتپەسە كۇنالى بولاسىڭ+.
22 ەگەر انت بەرمەسەڭ، كۇنالى بولمايسىڭ+.
23 اۋزىڭنان شىققان ٴسوزىڭدى بۇلجىتپاي ورىندا+، ەحوبا قۇدايىڭا ەرىكتى سي-تارتۋ رەتىندە نەنى انت ەتكەن بولساڭ، سونى ىستە+.
24 ەگەر بىرەۋدىڭ جۇزىمدىگىنە كىرسەڭ، تويعانىڭشا جە، ٴبىراق ىدىسقا سالىپ اكەتۋشى بولما+.
25 ەگەر بىرەۋدىڭ ەگىندىگىنە كىرسەڭ، پىسكەن ماساقتى قولمەن ٷزىپ جەۋىڭە بولادى، ٴبىراق وعان وراق سالما+.
سىلتەمەلەر
^ سوزبە-ٴسوز «ٴتىپتى ونىنشى ۇرپاعىنا دەيىن».
^ سوزبە-ٴسوز «ونىنشى ۇرپاعىنا دەيىن».
^ بۇل جەر قازۋعا ارنالعان ۇشكىر تاياق بولعانعا ۇقسايدى.
