جان ساۋلىعىن سەزىنبەي جۇرگەندەرگە كومەك بەرىڭىز
كيەلى جازبالاردىڭ ايتارى: «ناعىز دوس ارقاشان جاقسى كورەر، ول — باۋىرىڭ قيىن شاقتا ارقا سۇيەر» (ناقىل سوزدەر 17:17).
سوزدەردىڭ مانى
قانداي دا ٴبىر دوسىمىز پسيحيكالىق اۋرۋعا شالدىقسا، وعان قالاي كومەكتەسەرىمىزدى بىلمەي دال بولاتىن شىعارمىز. بىراق سوعان قاراماي، وعان ٶز اۋرۋىمەن كۇرەسۋگە قول ۇشىن بەرسەڭىز، ونى قانشالىقتى جاقسى كورەتىنىڭىزدى كورسەتەسىز. ەندەشە، دوسىڭىز ٷشىن نە ىستەي الاسىز؟
پايداسى
«اركىم تىڭداۋعا جۇيرىك... بولسىن» (جاقىپ 1:19).
دوسىڭىزعا كومەكتەسۋدىڭ ەڭ ٴبىر كۇشتى جولى — ونى جاقسىلاپ تىڭداۋ. ونىڭ ٵربىر سوزىنە، ٵربىر سۇراعىنا جاۋاپ بەرۋىم كەرەك دەپ ويلاماڭىز. ونى مۇقيات تىڭداپ وتىرعانىڭىزدى، ونى جاقسى كورەتىنىڭىزدى ٴبىلدىرىپ وتىرىڭىز. ونى بىردەن سىناپ، سوتتاماي، قايتا، تۇسىنىكپەن قاراۋعا تىرىسىڭىز. مىنانى دا ۇمىتپاڭىز: كەيدە دوسىڭىز ايتقىسى كەلمەگەن نارسەنى ايتىپ، ال كەيىن سوعان وكىنۋى مۇمكىن (ٵيۇپ 6:2، 3).
«جانى كۇيزەلىپ جۇرگەندەردى جۇباتىڭدار» (سالونيكالىقتارعا 1-حات 5:14).
ٴسىزدىڭ دوسىڭىز ۋايىمعا سالىنىپ نەمەسە تۇك پايداسى جوقتاي سەزىنۋى مۇمكىن. وندايدا دوسىڭىزعا ناقتى نە ايتارىڭىزدى بىلمەي تۇرساڭىز، ونى جاقسى كورەتىنىڭىزدى، ٴسىز ٷشىن قىمبات ەكەنىن ايتىڭىز.
«ناعىز دوس ارقاشان جاقسى كورەر» (ناقىل سوزدەر 17:17).
دوسىڭىزعا كومەگىڭىزدى ۇسىنىڭىز. وعان نە كەرەك ەكەنىن ٴسىز ٴدال تاپپاۋىڭىز مۇمكىن، سوندىقتان وزىنەن سۇراڭىز. دوسىڭىز نە كەرەك ەكەنىن ايتا الماي قينالىپ جاتسا، وعان بىرگە ىستەۋگە بولاتىن نارسەنى ۇسىنىڭىز. مىسالى، بىرگە سەرۋەندەپ كەلۋدى، يا بولماسا دۇكەنگە بارىپ كەلۋدى، ٷيىن جيناپ بەرۋدى ايتىپ كورىڭىز، يا باسقا ىستە جاردەم بەرىڭىز (عالاتتىقتارعا 6:2).
«ٴتوزىمدى بولىڭدار» (سالونيكالىقتارعا 1-حات 5:14).
دوسىڭىزدىڭ سويلەسكىسى كەلمەيتىن كەزى دە بولادى. وندايدا وعان «سويلەسكىڭ كەلسە، مەن ٵردايىم دايىنمىن» دەپ ايتىپ قويىڭىز. اۋرۋىنىڭ كەسىرىنەن ول سوزىمەن يا ىسىمەن ٴسىزدىڭ كوڭىلىڭىزگە ٴتيىپ كەتۋى مۇمكىن. ەكەۋىڭىز ٴبىر نارسەنى ىستەيمىز دەپ جوسپارلاعان بولساڭىز، ول اياق-استىنان اينىپ قالۋى مۇمكىن. ال كەيدە اشۋشاڭ بولاتىن شىعار. دوسىڭىزعا كومەكتەسىپ جۇرگەندە، ٴتوزىمدى بولىڭىز جانە تۇسىنىگىڭىز مول بولسىن (ناقىل سوزدەر 18:24).
سۇيەنەرلىك سۇيەۋشى بولىڭىز
»مەن ٵردايىم قۇربىمنىڭ قاسىنان تابىلعىم كەلەدى. ارينە، مەن ونىڭ قيىندىعىن شەشىپ بەرە المايمىن. بىراق ونى مۇقيات تىڭداۋ قولىمنان كەلەدى. ويتكەنى كەيدە وعان بار كەرەگى — ىشىندەگىسىن اقتارىپ، ايتىپ الۋ» (فاررا a، دوسى مازاسىزدىققا جانە دەپرەسسياعا شالدىققان. سونىڭ كەسىرىنەن تابەتى قاشادى).
«مەنىڭ ٴبىر دوسىم سونداي مەيىرىمدى ٵرى اقجارقىن. ٴدامدى تاماق دايىنداسا بولدى، مەنى قوناققا شاقىرادى. ٶزى مەنى جاقسى كورىپ تۇرادى. سوندىقتان مەن وعان سەزىمدەرىمدى بۇكپەي ايتىپ بەرە الامىن. ٴسۇيتىپ، ٴبىر جەڭىلدەپ قالامىن» (حا ىن، كلينيكالىق دەپرەسسيامەن اۋىرادى).
«مەنىڭ تۇسىنگەنىم — مول شىدامدىلىق كەرەك ەكەن. ايەلىم كوڭىلىمدى تۇسىرگەن كەزدە، مەن وزىمە بىلاي دەپ ايتىپ وتىرامىن: «شىن مانىندە ايەلىم ونداي ەمەس، اۋرۋىنىڭ كەسىرىنەن ول سولاي ىستەپ وتىر». وسىنى تۇسىنگەندىكتەن، مەن اشۋلانبايمىن جانە ايەلىمە كوبىرەك مەيىرىمدىلىك تانىتامىن» (دجەيكوب، ايەلى كلينيكالىق دەپرەسسيامەن اۋىرادى).
«مەنىڭ ايەلىم — وتە كەرەمەت جان. ول مەنى ۇنەمى قولدايدى، جانىمدى ەمدەيدى. قاتتى ۇرەي ەڭسەمدى باسقاندا، ول ەشقاشان ىستەگىم كەلمەيتىن نارسەنى قيناپ ىستەتپەيدى. ٶزى سونى ىستەگىسى كەپ تۇرسا دا، سودان باس تارتا سالادى. ونىڭ سونداي جانقيارلىعى مەن جومارتتىعىن سوزبەن ايتىپ جەتكىزۋ مۇمكىن ەمەس» (ەنريكو، مازاسىزدىق دەرتىنە شالدىققان).
a كەيبىر ەسىمدەر وزگەرتىلگەن.
قىزىقتى بولار مالىمەتتەر
فلوماستەرلىك انيماسيا
ناعىز دوس قانداي بولادى؟
وتىرىك دوستار كوپ، ٴبىراق شىن دوستى قالاي تابا الاسىڭ؟
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
