«سەرگەك بولىڭدار!»
ۇلتارالىق تەڭدىك ورنايتىن كۇن تۋا ما؟ كيەلى كىتاپتا نە دەلىنگەن؟
كوپ ادامنىڭ ويىنشا ۇلتتار اراسىنداعى تەڭدىك — قول جەتكىزبەس ارمان.
«ۇلتشىلدىق ۋ سياقتى. ول ٴتۇرلى ۇيىمدارعا، الەۋمەتتىك توپتار مەن ادامنىڭ كۇندەلىكتى ومىرىنە وراسان زور زاقىم كەلتىرۋدە. سونىڭ كەسىرىنەن ادامدار ادىلەتسىزدىك كورىپ جاتىر» (انتونيۋ گۋتەررەش، بۇۇ-نىڭ باس حاتشىسى).
كۇندەردىڭ ٴبىر كۇنىندە ۇلتارالىق تەڭدىك ورناي ما؟ بۇل تۋرالى كيەلى كىتاپ نە دەيدى؟
قۇدايدىڭ كوزقاراسى قانداي؟
كيەلى كىتاپتان قۇداي ٵرتۇرلى ۇلت ادامدارىنا قالاي قارايتىنىن بىلۋگە بولادى.
«بۇكىل جەر بەتىن مەكەندەسىن دەپ، ول ٴبىر ادامنان كۇللى حالىقتاردى شىعاردى» (ەلشىلەردىڭ ىستەرى 17:26).
«قۇداي ەشكىمدى الالامايدى. ول وزىنەن قورقاتىن جانە ٵدىل ارەكەت ەتەتىن ٵربىر ادامدى، قاي ۇلتتان شىقسا دا، قابىل الادى» (ەلشىلەردىڭ ىستەرى 10:34، 35).
كيەلى كىتاپتا ادامزات ٴبىر ۇلكەن وتباسى ەكەنى ٵرى قۇداي كەز كەلگەن ۇلتتان شىققان ادامدى قابىلدايتىنى ايتىلعان.
ۇلتارالىق تەڭدىك قالاي ورنايدى؟
ۇلتتار اراسىنداعى تەڭدىك كوكتەگى ۇكىمەت قۇداي پاتشالىعىنىڭ قول استىندا ورنايدى. بۇل پاتشالىقتىڭ ازاماتتارى ٴبىر-بىرىنە ادىلدىكپەن قاراۋدى ۇيرەنەتىن بولادى. وسىلايشا ولار ۇلتشىلدىقتان تولىق ارىلادى.
«جەردىڭ تۇرعىندارى ادىلدىك جاساۋدى ۇيرەنەدى» (يشايا 26:9).
«شىنايى تۋرالىقتىڭ ناتيجەسى تىنىشتىق، شىنايى تۋرالىقتىڭ جەمىسى ماڭگى جايباراقاتتىق پەن قاۋىپسىزدىك بولادى» (يشايا 32:17).
بۇگىنگى كۇننىڭ وزىندە ميلليونداعان ادام كيەلى كىتاپتاعى تالىمدەردىڭ ارقاسىندا بارلىق ادامعا، قاي ۇلتتان شىقپاسىن، قۇرمەت تانىتۋدى جانە ولاردىڭ قادىر-قاسيەتىن تۇسىرمەۋدى ۇيرەنىپ ٴجۇر.
كوبىرەك ٴبىلۋ ٷشىن «ويانىڭدار!» جۋرنالىنىڭ «الالاۋدى الىپ جىعار ەم بار ما؟» دەپ اتالاتىن سانىن وقىپ كورىڭىز.
اتا-انالار بالالارىمەن ۇلتشىلدىق تۋرالى قالاي سويلەسسە بولادى؟ «بالالارمەن ۇلتشىلدىق تۋرالى سويلەسۋ» دەگەن ماقالانى وقىڭىز.
قىزىقتى بولار مالىمەتتەر
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
سان ٴتۇرلى تاقىرىپتار
جارقىن بولاشاققا جارىق ٷمىت
قۇدايدىڭ ۋادەلەرى مەن ادامداردىڭ ۋادە-بولجامدارىنىڭ اراسى نەگە جەر مەن كوكتەي؟
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
