Aca. Ndini itũ ndĩthuthuragia thenema, mabuku kana nyĩmbo atĩ nĩguo ĩre arũmĩrĩri aitũ maciĩtheme. Twagaga gwĩka ũguo nĩkĩ?

  Bibilia ĩkĩraga ngoro o mũndũ arutithie wĩra ‘ũhoti wake wa gũtaũkĩrũo’ nĩguo akũũranage wega na ũũru.—Ahibirania 5:14.

  Maandĩko nĩ marĩ na ũtaaro o Mũkristiano angĩhũthĩra rĩrĩa arathuura indo ta thenema, mabuku, kana nyĩmbo. a O ta maũndũ-inĩ mangĩ mothe ma ũtũũro, twendaga ‘gũthiĩ na mbere gũthuthuria nĩguo tũkũũrane maũndũ marĩa metĩkĩrĩkĩte nĩ Mwathani.’—Aefeso 5:10.

  Bibilia ĩrutanaga atĩ mũtwe wa famĩlĩ arĩ na kĩhooto gĩa gũtua matua, na kwoguo no athuure kwaga gwĩtĩkĩria mĩthemba mĩna ya maũndũ ma gwĩkenia thĩinĩ wa mũciĩ wake. (1 Akorintho 11:3; Aefeso 6:1-4) Tiga mũtwe wa famĩlĩ ũngĩigĩra andũ a famĩlĩ yake mawatho, gũtirĩ mũndũ ũngĩ wagĩrĩirũo kũgiria Aira a Jehova arĩa angĩ nyĩmbo kana thenema iria mangĩrorera kana amagirie gũthikĩrĩria mũini mũna.—Agalatia 6:5.