9 MARS 2022
ÉQUATEUR
Bo Me Basisa Biblia—Mbalula ya Nsi-Ntoto ya Mpa ya Masonuku ya Kigreki ya Bukristu na Ndinga Quichua ya Chimborazo mpi na Ndinga Quichua ya Imbabura
Na Mposo 5 mars 2022, mpangi Alan Costa ya Komite ya Filiale ya insi Équateur salaka diskure ya kubasika ya Biblia—Mbalula ya Nsi-Ntoto ya Mpa ya Masonuku ya Kigreki ya Bukristu na ndinga Quichua ya Chimborazo mpi na ndinga Quichua ya Imbabura. Yai bandinga zole ya nene ya ndinga Quichua yina bantu ke tubaka na insi Équateur. Bo basisaka Babiblia yango na format yina beto ke sadilaka na baapareyi mpi na format ya bapapie mpi bansamuni landaka video ya manaka yai ya bo kotisaka ndinga.
Babiro yina bampangi ke salaka kisalu ya kubalula mikanda mpi bavideo na ndinga Quichua ya Imbabura. Yo kele na zulu ya bangumba mpi na bakilometre 90 ti mbanza Otavalo na nordi ya Quito, nto-mbanza ya Équateur
Bantu mingi ya ke tubaka ndinga Quichua ke zingaka na Bangumba ya bo ke bingaka Andes, yo kele na bametre kiteso 2 700 mpi 3 700. Bantu ya ndinga yai ke zolanaka mingi. Bantu me zabaka nde bo kele bantu ya ke kabaka, ya ke salaka kisalu ngolo mpi ya ke yambaka banzenza. Bantu mingi ya ndinga yai ke ndimaka nde yo kele ti Muntu Yina Salaka bima yonso mpi bo ke bakaka Biblia na valere mingi.
Na nima ya mvula 1990, Bambangi ya Yehowa balulaka mikanda na ndinga Quichua yina vandaka ya kuvukisa ti bandinga ya nkaka (quichua unifié) ya insi Équateur. Kansi na bisika yina bantu ke tubaka ndinga Quichua, bantu fioti mpamba vandaka kundima nsangu ya mbote ya Kimfumu. Yo vandaka pwelele nde bampangi vandaka na mfunu nde bo baludila bo mikanda na bandinga na bo sambu na kusimba bantima ya bantu.
Babiro yina bampangi ke salaka kisalu ya kubalula mikanda mpi bavideo na ndinga Quichua ya Chimborazo. Yo kele na mbanza Riobamba na bakilometre 208 na sudi ya mbanza Quito
Baekipe ya bampangi ya ke balulaka mikanda mpi bavideo lombaka bansamuni ya ke zingaka na bisika ya mutindu na mutindu na insi Équateur na kutanga diaka Babiblia yina bo balulaka. Mpangi mosi ya ke salaka kisalu ya kubalula mikanda mpi bavideo na ndinga Quichua ya Chimborazo tubaka nde: “Bakomantere yina bampangi salaka, sadisaka beto na kubalula Biblia na mutindu yina bantu yonso lenda bakisa.” Ata mpidina, yo vandaka ve pete na kubalula Biblia na ndinga Quichua ya Chimborazo sambu bantu ke tubaka yo ve mutindu mosi bisika yonso. Mpangi ya nkaka ya ke salaka kisalu ya kubalula mikanda mpi bavideo na ndinga Quichua ya Imbabura tubaka nde: “Yehowa landaka kusadisa beto mpi mono bakisaka pwelele nde yandi ke zolaka nde bantu yonso kuzaba Ndinga na yandi mpi bo bakisa yo.”
Babiblia yai zole ya mpa ta vanda lusakumunu sambu na bampangi na beto yina ke tubaka bandinga ya Quichua mpi ke sadilaka Yehowa Nzambi na beto, Nzambi yina kele “Ngulusi ya bantu ya mitindu yonso.”—1 Timoteo 4:10.
Nge Lenda Sepela Mpi Ti
BANGIUFULA YINA BANTU KE YULAKA MINGI
Keti Bambangi ya Yehowa Kele ti Biblia na Bo Mosi?
Kusadila bambalula mingi ya Biblia lenda tomisa kulonguka na nge ya Biblia. Mambu tatu ke salaka nde Mbalula ya Nsi-Ntoto ya Mpa kuvanda mbalula ya mbote ya nge fwete sadila ntangu nge ke longuka.
MUTINDU BO KE SADILAKA MAKABU NA NGE
Kubasisa Mukanda ya Kuluta Mfunu
Kubalula, kubasisa na bapapie, mpi kuvukisa Mbalu ya Nsi-Ntoto ya Mpa ke lombaka mambu mingi.
BANGIUFULA YINA BANTU KE YULAKA MINGI
Keti Bambangi ya Yehowa Ke Kwikilaka na Kuwakana ya Ntama?
Keti bitini ya nkaka ya Biblia me manaka ngala? Tala mutindu Bakristu lenda baka mambote na masolo ya mfunu mpi na bandongisila ya mbote ya kele na Masonuku ya Kiebreo.