Bankwelani yina katukaka na Vanuatu mpi kwendaka kutala babiro ya Bambangi ya Yehowa na États-Unis, tubaka nde: “Beto me bikala ti bangindu ya mbote kibeni na yina me tala viziti na beto na Betele; beto ta vilaka yo ve ata fioti.” Bantu mingi na kati ya bantu kiteso ya mafunda 70 yina ke kwendaka kutala Betele ya États-Unis konso mvula, ke tubaka mpi mutindu yai.

Keti nge me kwenda dezia kutala banzo ya Betele ya États-Unis? Kana nge me salaka yo ntete ve, beto ke bingisa nge na kwisa kutala.

Babiro ya Ke Twadisaka Kisalu na Ntoto ya Mvimba, Brooklyn, New York. Lomba bo twadisa nge sambu na kusala viziti, mpi nge ta zaba mambu mingi na yina me tala bikesa yina ke salamaka sambu na kutwadisa mpi kupesa maboko na kisalu ya kusamuna nsangu ya mbote na ntoto ya mvimba. Nge ta mona mpi bisika zole ya bo me tanda bafoto. Mosi ke na zina, “Bantu Mosi Sambu na Zina ya Yehowa.” Yo ke monisa istware ya bantu ya Yehowa yantika mvu-nkama ya ntete tii bubu yai. Ya nkaka ke na zina, “Biblia mpi Zina ya Nzambi.” Yo ke monisa bambalula mingi ya Biblia yina kele ti zina ya Nzambi, zina yina beto lenda fwanisa ve ti bazina ya nkaka.

Malongi ya Teokrasi, Patterson, New York. Kuna nge ta mona banzo-nkanda bonso, Gileadi, Nzo-Nkanda ya Biblia ya La Société Watchtower mpi Nzo-Nkanda ya Bampangi ya Bakomite ya Filiale ti Bankento na Bo. Nge ta mona mpi bafoto ti bavideo yina ke monisa kisalu yina ke salamaka na babiro; nge ta mona departema ya Bifwanisu, ya Kukotisa Ndinga mpi Bavideo, ya Kisalu ya Mambu ya Bansiku, mpi ya Biro ya Ke Talaka Kisalu ya Bilanga.

Kuniema Mikanda mpi Kutinda yo na Mabundu, Wallkill, New York. Ntangu bo ta twadisa nge, nge ta mona mutindu bo ke niemaka Babiblia mpi mikanda yina ke tendulaka Biblia, ke kangisaka yo, mpi ke tindaka yo na mabundu na États-Unis, na Caraïbes, mpi na bitini ya nkaka ya ntoto.

Viziti ya Brooklyn ke salaka kiteso ya ngunga mosi; Patterson, kiteso ya bangunga zole; mpi Wallkill, kiteso ya ngunga mosi ti ndambu.

Bantu yina ke salaka na badepartema ya Betele, bo bantu ke sadisaka baviziti yango. Bo ke bakaka kisalu yai nde yo kele mpi kisalu ya kupesa maboko na kisalu na beto ya kulonga na ntoto ya mvimba. Tii na Mayi 2014, kuvandaka na bampangi kuluta 5000 yina vandaka kusala na banzo yai tatu, mpi na kati na bo bampangi kuluta 3600 bakaka formasio sambu na kusadisaka bantu viziti. Bo ke sadisaka viziti yai na bandinga kiteso ya 40.

Yo kele ya ofele.

Ve. Bantu mingi yina ke salaka viziti yai ke vandaka ve Bambangi. Yo vanda Bambangi to bantu yina kele ve Bambangi ke bakisaka bikesa yina ke salamaka sambu na kupesa maboko na kisalu ya Bambangi ya Yehowa yina ke salama na nsi-ntoto ya mvimba.

Nkento mosi ya Mizilma yina katukaka na Inde kwisaka kutala Patterson. Na nima ya kusala viziti yandi tubaka nde: “Mu ta zola kubikala mpenza awa. Matondo mingi kibeni mpila beno me zitisa mono mingi.”

Ee! Kusala viziti ti bana lenda vanda mpenza ti bupusi mingi na luzingu na bo. John, muntu mosi yina salaka viziti, yina katukaka na États-Unis. Yandi sonikaka nde: “Na kimvuka na beto, yantika beto vutukaka na nzo, bana me yambulaka ve kutuba sambu na viziti yina beto salaka. Na ntwala nde beto sala viziti, kisalu ya Betele vandaka kima mosi ya kieleka ve, kansi ntangu yai bo me bakaka lukanu ya kusala kuna.”

Ee. Mpila kele ya kusala viziti na bansi mingi. Sambu na kuzaba kisika mosi, tala Sièges nationaux : infos et visites guidées. Beto ke binga nge na kukwisa mpi kusala viziti filiale mosi ya Bambangi ya Yehowa.