Má txeu algen ka ten sertéza si es ta ten kel futuru ki es krê. Dja es odja txeu kuza ki es ka staba ta spéra ta kontise, sima duénsa di COVID-19. El afeta vida di txeu algen, el traze txeu pobréza i ti el mata monti algen. Pamodi kes kuza li, es ta atxa ma é difísil es ten un futuru midjór.

Dja ki es ka ten sertéza di ses futuru, pesoas ta djobe algun kuza ki ta djuda-s ten un futuru midjór. Alguns algen ta kunfia na kes forsa ki es ka ta odja sima distinu ô sórti. Otus ta atxa ma ten un bon skóla i txeu dinheru, ta djuda-s konsigi ten kes kuza ki es krê. Inda ten kes ki ta atxa ma úniku manera di es ten un vida midjór é ser un algen dretu.

Alguns di kes kuza li ta djuda-u ten kel futuru ki bu krê? Pa bu sabe respósta, bu meste faze kes pergunta li:

• Kuzê ki ta mostra ma bu ta ten un futuru midjór?

• Ten bon skóla i dinheru pode da-u un futuru midjór?

• Ser un algen dretu ta da-u un futuru midjór?

• Na undi ki bu pode atxa konsedjus di kunfiansa pa djuda-u ten un futuru midjór?

Es revista Sentinéla pode djuda-u atxa respósta di kes pergunta li.