1. Deus ta mostra se bondadi,

Tudu dia nu ta anda ku‿el.

É un priviléjiu grandi!

Se amor, nu ka ta merese-l.

Deus mostra-nu se kaminhu,

Nos nu skodje anda n’el,

Mante sénpri se amigu,

Da-l nos vida i ser fiel.

2. Satanás krê disvia-nu

Ku se mundu i pirsigison.

El ta krê dizanima-nu,

P’el konsigi tra-nu proteson.

Má Jeová ki ta djuda-nu;

Nu ta pode ser lial.

Si nu anda na se ladu,

Nunka nu ka ta bandona-l.

3. Se ajuda ka ta fadja,

Si nu pega riju na se mô.

Deus ta da-nu se Palavra,

Orason i nos kongregason.

Si nu anda ku Jeová Deus,

Nu ta vive sima‿el krê,

I tanbê, pa tudu ténpu,

Bensons sábi nu ta ben ten.