A Ndzimu wa ka Shingisa Evolution ku Bumba Zwichili zwa ka Siyasiyana?
Dabilo ye Baibili
Aa. Baibili ino chenesa zwibuyanana kuti Ndzimu waka bumba bathu kose ne “njudzi” dze phuka ne miti. a (Genesisi 1:12, 21, 25, 27; Zumbunulo 4:11) Baibilili i kati bathu bose baka dwa muna Adamu na Eva, ee bazwadzi bedu be ku tanga. (Genesisi 3:20; 4:1) Mbiko ye Baibili ha i to dumilana ne nkumbulo we kuti Ndzimu wa ka shingisa evolution bumba njudzi dza siyasiyana dze zwichili, nkumbulo iwoyo uno dangwa kuyi theistic evolution mu zwibaka zwingwe. Ne kwa ka jalo, malebeswa wuti, Baibili a i to nyanyaidzana ne bufakazi gwe science kuti kuna ku safanana kuno shingikala mu njudzi dze zwichili. b
A Ndzimu wa ka shingisa evolution?
Dama “theistic evolution” lo dwa mikumbulo minjinji. Kuyenda ne Encyclopædia Britannica, dama i leli lo lebelekela nkumbulo we kuti “natural selection i ngwe zila Ndzimu ya uno shingisa ku laula mbumbo ye shango.”
Theistic evolution i nga shanganyila mikumbulo ino tobela:
Zwichili zose zwaka dwa mu zwithu zwi ngompela mu chibaka cha ntolo kwazo.
Ludzi gu ngompela gu nga evolivila mu ludzi gu ngwe, gwe buchilo gu singa fanane ne gwe kutanga, nkumbulo iwoyo muzwibaka zwingwe unga dangwa kuyi macroevolution.
Ko lingika Ndzimu i li iye u no zwidabilila mu ku shingikala i koku.
A evolution i no dumilana ne Baibili?
Nkumbulo we theistic evolution u no sendedzela kuti mbiko ye Baibili ye mbumbo i muna Genesisi, ha i na malebeswa a ka pelela. Ne kwaka jalo, Jesu waka e dana mbiko ye Genesisi i li malebeswa, e chaka shingikala. (Genesisi 1:26, 27; 2:18-24; Matewu 19:4-6) Baibili i kati Jesu ha sathu a ka zha mu shango waka be e chila kudzimu ne Ndzimu ngono waka shanganyila mu ku batsha Ndzimu ku thama “zwithu zose” zwi no chila. (Johani 1:3) Ndizo, nkumbulo we kuti Ndzimu wa ka shingisa evolution ku thama zwichili zose zwaka siyasiyana ha u to dumilana ne zwidiyo zwe Baibili.
Ku yi ngwi ne bukhoni gwe miti ne phuka ku shanduka-shanduka ne mamo?
Baibili ha i to chenesa kuti ku safanana ku nga be ku nga pani mu ludzi. Kakale ha i to nyanyaidza malebeswa e kuti njudzi dzi singa fanane dze phuka ne miti dza ka bumbiwa ne Ndzimu dzi nga sifanane ha dzi dwilila dzi zwala kene shanduka-shanduka mu mamo matshwa a dzi no chilila mu ali. Nenguba bangwe be tola ku shanduka-shanduka i koku se zila ingwe ye evolution, dumbu malebeswa ha kuna ludzi gungwe gwe buchilo gu tshwa gu no zwagwa.
a Baibili ino shingisa dama “njudzi,” li no shanganyila ku li ku njinji ku pinda le “lutshinga (species)” lino shingisiwa ne dzi scientists. Ka njinji, chi no shalugwa ne dzi scientists be be chi dana be ti evolution ye lutshinga gu tshwa, dumbu i no be ili ku sa fanana mu ludzi sekwa dama i lelo la ka shingisiwa mu mbiko ye Genesisi.
b Nkumbulo i woyo mu zwibaka zwingwe, u no dangwa ku yi microevolution.
Kakale u Nga Shathila ku Bona
ZWIDIYO ZWE BAIBILI ZWI NO SHETEKA
A Libumbo Gwa ka Bumbiwa?
Khani iyeyi ye Baibili ye libumbo bangwe ha ba to i hwisisa ne ku i tola se ngano. Chi no legwa ne Baibili cho hwika kene?
NE KWEDU
Kumbila Kumbiwa
Lebeleka ne kwe buzo ye Baibili, kene zwidiye kunjinji ne kwe Bafakazi ba Jehova.