Kwenda kwa Ngai Nĩ Kwaũ?
Ngai endaa twĩkale twĩ na mũuo na ũtanu tene na tene nthĩnĩ wa valatiso kũũ nthĩ!
No ũkũlye, ‘Ũu ũtonyeka ata?’ Mbivilia ĩwetete kana Ũsumbĩ wa Ngai ũkatuma ũu ũtonyeka, na nĩ kwenda kwake andũ onthe memanyĩsye ĩũlũ wa Ũsumbĩ ũsu na kĩeleelo kya Ngai kwitũ.—Savuli 37:11, 29; Isaia 9:7.
Ngai endaa tũunĩke.
O tondũ ĩthe mũseo wendeaa syana syake ũseo, now’o Ĩthe witũ wa ĩtunĩ wendaa twĩthĩwe na ũtanu tene na tene. (Isaia 48:17, 18) Nĩwathanĩte kana ũla “wĩkaa kwenda kwa Ngai ekalaa tene na tene.”—1 Yoana 2:17.
Ngai endaa tũendae nzĩanĩ syake.
Mbivilia yaĩtye kana Mũmbi witũ endaa ‘kũtũmanyĩsya nzĩa syake’ nĩ kana ‘tũendae nzĩanĩ syake.’ (Isaia 2:2, 3) Nĩwũmbanĩtye ‘andũ kwondũ wa syĩtwa yake’ nĩ kana amanyĩthye kwenda kwake ĩũlũ wa nthĩ yonthe.—Meko 15:14.
Ngai endaa twĩthĩwe na ngwatanĩo nthĩnĩ wa kũmũthaitha.
Ũthaithi mũtheu wa Yeova ũkwatanasya andũ nthĩnĩ wa wendo wa w’o vandũ va kũmaany’a. (Yoana 13:35) Naaũ ũmũnthĩ ala mamanyĩasya aũme na aka kĩla vandũ ũndũ maĩle kũmũthũkũma Ngai me na ngwatanĩo? Nĩtũũkũthokya ũkwate ũsũngĩo kwĩsĩla kavukunĩ kaa.
No Wendeewʼe Nĩ Ii
ĨŨLŨ WITŨ
Twĩkaa Ata Ĩla Tũũmanyĩsya Mũndũ Mbivilia?
Ngũsĩ sya Yeova nthĩ yonthe nĩsyĩsĩkĩe kwĩsĩla mũvango wa kwĩmanyĩsya na andũ Mbivilia vate ndĩvi. Sisya ũndũ mekaa ũu.
ĨŨLŨ WITŨ
Nĩkĩ Waĩle Kwĩmanyĩsya Mbivilia?
Mbivilia nĩtumĩte andũ milioni mbingĩ ĩũlũ wa nthĩ makwata mosũngĩo ma makũlyo ala ma vata vyũ thayũnĩ. We nũkwenda kwĩthĩwa ũmwe wa andũ asu?
