Maelesyo Ĩũlũ wa Mavuku ma Mbivilia
Vitio ii nguvĩ syĩ na ũvoo wa vata ĩũlũ wa maũndũ ala makonetye ĩvuku ĩna ya Mbivilia na maũndũ ala maandĩkĩtwe ĩvukunĩ yĩu. Tũmĩa vitio ii iũtetheesye ũtanĩe mũnango ĩla ũkwĩmanyĩsya kana ĩla ũũsoma Mbivilia.
Maelesyo Ĩũlũ wa Mbivilia
Sisya wone ũndũ kĩla ĩvuku yĩwetete maũndũ mekumĩlya ũndũ ũla mũnene Mbivilia ĩmanyĩasya, nawʼo nĩ ũndũ Ũsumbĩ ũla ũtongoewʼe nĩ Klĩsto Yesũ ũkatetea ĩsyĩtwa ya Yeova.
Maelesyo Ĩũlũ wa Ĩvuku ya Mwambĩlĩlyo
Ĩvuku ya Mwambĩlĩlyo nĩyĩtũtavĩtye ũvoo wa vata ĩũlũ wa vala andũ maumie, na vala mathĩna na kĩkwʼũ syambĩĩie.
Maelesyo Ĩũlũ wa Ĩvuku ya Kuma
Ngai aumisye Aisilaeli ũkombonĩ nthĩ ya Misili na amatwʼĩkĩthya mbaĩ ĩvathĩtwe kwondũ wake.
Maelesyo Ĩũlũ wa Ĩvuku ya Alivai
Sisya wone ũndũ ĩvuku ya Alivai yĩeleetye ũtheu wa Ngai, na nĩkĩ nĩ ũndũ wa vata ithyĩ ene twĩthĩwe twĩ atheu.
Maelesyo Ĩũlũ wa Ĩvuku ya Motalo
Sisya wone nĩkĩ nĩ ũndũ wa vata mũno kũmwĩwʼa Yeova mavinda onthe na kũnenga ndaĩa ala ũnyuvĩte matongoesye andũ make.
Maelesyo Ĩũlũ wa Ĩvuku ya Kũtũngĩlĩlwa kwa Mĩao
Sisya wone ũndũ Mĩao ĩla Yeova wanengete Aisilaeli yoonanasya ũndũ wendete andũ make.
Maelesyo Ĩũlũ wa Ĩvuku ya Yosua
Sisya wone ũndũ Aisilaeli masindie na maana nthĩ ĩla Ngai wamanengie.
Maelesyo Ĩũlũ wa Ĩvuku ya Asili
Ĩvuku yĩĩ ya kwendeesya yĩtĩtwe o ta aũme aĩkĩĩku ala Ngai watũmĩie kwovosya Aisilaeli kuma kwa ala mamathĩnasya.
Maelesyo Ĩũlũ wa Ĩvuku ya Luthi
Ĩvuku ya Luthi yĩneeneete ũndũ mũndũ mũka ũmwe wa mũika waĩ ndiwa wamwendete na ngoo yonthe inyia wa mũũme ũla o nake waĩ ndiwa, na yĩkonanyʼa ũndũ Yeova wamaathimie onthe.
Maelesyo Ĩũlũ wa Ĩvuku ya 1 Samueli
Sisya wone ũndũ maũndũ meethĩawa mailyĩ yĩla Yeova waekie kũtũmĩa Asili kũtetheesya Isilaeli, na vandũ va ũu mambĩĩa kũtongoewʼa nĩ asumbĩ.
Maelesyo Ĩũlũ wa Ĩvuku ya 2 Samueli
Sisya wone ũndũ wĩnyivyo na mũĩkĩĩo ũla waĩ na Ndaviti watumie ethĩwa ũmwe katĩ wa andũ ala mendetwe mũno na mesĩkĩe nesa mawetetwe Mbivilianĩ.
Maelesyo Ĩũlũ wa Ĩvuku ya 1 Asumbĩ
Ĩmanyĩsye maũndũ maingĩ ĩũlũ wa ĩvinda yĩla mbaĩ ya Isilaeli yaendeee nesa mũno yĩla Mũsumbĩ Solomoni wasumbĩkĩte, na ĩvinda yĩla maũndũ maĩ mathũku mũno ĩtina wa mbaĩ ĩsu kũaanĩka na kũtwʼĩka ũsumbĩ wa Isilaeli na wa Yuta.
Maelesyo Ĩũlũ wa Ĩvuku ya 2 Asumbĩ
Ĩmanyĩsye ũndũ ũkaĩi wa mũĩkĩĩo wanyaĩĩkie ũsumbĩnĩ wa ngalĩko ya ĩũlũ ya Isilaeli, na ũndũ Yeova waathimie ala anini mamũthaithaa me aĩkĩĩku.
Maelesyo Ĩũlũ wa Ĩvuku ya 1 Mavinda
Soma ĩũlũ wa mosyaanĩo ma Mũsumbĩ Ndaviti ũla wamũkĩaa Ngai, na maũndũ angĩ ma kwendeesya ĩũlũ wa thayũ wake kuma yĩla watwʼĩkie mũsumbĩ wa Isilaeli nginya kĩkwʼũ kyake.
Maelesyo Ĩũlũ wa Ĩvuku ya 2 Mavinda
Sisya wone ũndũ isitoli ya asumbĩ ma Yuta yonanasya kana kũlũmanyʼa na Ngai nĩ kwa vata.
Maelesyo Ĩũlũ wa Ĩvuku ya Esala
Yeova nĩweanĩisye wathani wake wa kũtangĩĩa andũ make kuma ũkombonĩ Mbaviloni, na kũtũngĩĩa ũthaithi wa wʼo Yelusaleme.
Maelesyo Ĩũlũ wa Ĩvuku ya Neemia
Ĩvuku ya Neemia yĩ na momanyĩsyo ma vata mũno kwondũ wa athaithi ma wʼo ũmũnthĩ.
Maelesyo Ĩũlũ wa Ĩvuku ya Esita
Maũndũ ala meekĩkie ĩvindanĩ ya Esita no makũtetheesye kũĩkĩĩa vyũ kana Yeova no avonokye andũ make kuma mathĩnanĩ ũmũnthĩ.
Maelesyo Ĩũlũ wa Ĩvuku ya Yovu
Onthe ala mamwendete Yeova nĩmakwatawa nĩ matatwa. Ĩvuku ya Yovu nĩyĩtũĩkĩĩthĩtye kana no tũendeee kwĩthĩwa twĩ aĩkĩĩku na tũilũmanyʼa na ũsumbĩki mũnene wa Yeova o na ĩla twakwatwa nĩ matatwa
Maelesyo Ĩũlũ wa Ĩvuku ya Savuli
Ĩvuku ya Savuli nĩyonanĩtye kana Yeova nĩwe waĩle kũsumbĩka, nĩyĩtetheeasya na kũkiakisya ala mamwendete, na nĩyonanasya ũndũ Ũsumbĩ wake ũkaete moalyũku ĩũlũ wa nthĩ.
Maelesyo Ĩũlũ wa Ĩvuku ya Nthimo
Kwata motao ma Ngai makonetye vakuvĩ maũndũ onthe ala twĩkaa kĩla mũthenya, ala nĩ vamwe na ma viasala, ma mĩsyĩ yitũ, na angĩ.
Maelesyo Ĩũlũ wa Ĩvuku ya Mũtavanʼya
Mũsumbĩ Solomoni aeleetye maũndũ ala ma vata vyũ thayũnĩ na akamaelekanyʼa na ala matosanaa na ũĩ wa Ngai.
Maelesyo Ĩũlũ wa Ĩvuku ya Wathi wa Solomoni
Wendo mũvyũ ũla mwĩĩtu Mũsulami waĩ nawʼo kwelekela mwanake mũĩthi ũeleetwʼe ta “kĩtwʼĩki ki kya mwaki wa Yeova.” Nĩkĩ?
Maelesyo Ĩũlũ wa Ĩvuku ya Isaia
Isaia nĩ ĩvuku ĩtonya kũũtetheesya wĩthĩwe na mũĩkĩĩo mũlũmu kana Yeova nĩ Ngai wĩanĩasya kĩla wathana, na kana we nũtonya kũtũtangĩĩa.
Maelesyo Ĩũlũ wa Ĩvuku ya Yelemia
O na kau mwathani Yelemia nĩwakomanie na mawetu, nĩwaendeeie na wĩa wake. Sũanĩa ũndũ ngelekanyʼo yake ĩtonya kũtetheesya Aklĩsto ũmũnthĩ.
Maelesyo Ĩũlũ wa Ĩvuku ya Ndanieli
Ndanieli na atindanyʼa make maĩ aĩkĩĩku kwa Yeova kwĩ kũseo na kwĩ kũthũku. Ngelekanyʼo yoo, na kwĩanĩa kwa wathani no itũtetheesye ĩvindanĩ yĩĩ ya mũminũkĩlyo.
Maelesyo Ĩũlũ wa Ĩvuku ya Mathayo
Tanĩa kwĩmanyĩsya maũndũ ma vata ĩũlũ wa ĩvuku yĩĩ ya Mbivilia, yĩla nĩyo ya mbee ya ala mavuku ma ũvoo mũseo.
Maelesyo Ĩũlũ wa Ĩvuku ya Maliko
Maũndũ ala me ĩvukunĩ ya Maliko, yĩla nĩyo ĩvuku yĩla ĩkuvĩ vyũ katĩ wa ala mavuku ana ma Ũvoo Mũseo, nĩmonanĩtye nĩkĩ Yesũ ũkethĩwa e Mũsumbĩ waĩlĩte wa Ũsumbĩ wa Ngai
Maelesyo Ĩũlũ wa Ĩvuku ya Meko ma Atũmwa
Aklĩsto ma tene nĩmatavanasya na kĩthito matwʼĩkĩthye andũ amanyĩwʼa kuma mbaĩnĩ syonthe. Ĩvuku ya Meko ma Atũmwa nĩũkũtetheesya ũkongela kĩthito kyaku wĩanĩ wa kũtavanyʼa.
Maelesyo Ĩũlũ wa Ĩvuku ya Alomi
Ĩvuku yĩĩ ĩveveee nĩyĩeleetye kana Yeova ndendeeasya, na yĩkonanyʼa vata wa kwĩthĩwa na mũĩkĩĩo nthĩnĩ wa Yesũ Klĩsto.
Maelesyo Ĩũlũ wa Ĩvuku ya 1 Akolintho
Valũa ũũ mũveveee waandĩkiwe nĩ Vaulo wĩ na ũtao ũkonetye maũndũ ta kwĩthĩwa na ngwatanĩo nzeo, mwĩkalĩle mũtheu, wendo, na kwĩthĩwa na mũĩkĩĩo nthĩnĩ wa ũthayũũkyo.
Maelesyo Ĩũlũ wa Ĩvuku ya 2 Akolintho
Yeova, ũla nĩ “Ngai wa ũkiakisyo wʼonthe,” nũtwʼĩĩkaa athũkũmi make na akamekĩa vinya.
Maelesyo Ĩũlũ wa Ĩvuku ya Akalatia
Valũa ũla Vaulo waandĩkĩie Akalatia wĩ na ũtao ũtonya kũtethya andũ ũmũnthĩ o tondũ watethisye andũ yĩla waandĩkiwe. No ũtethye Aklĩsto onthe ma wʼo mekale me aĩkĩĩku.
Maelesyo Ĩũlũ wa Ĩvuku ya Aeveso
Valũa ũũ mũveveee wonanĩtye nesa kĩeleelo kya Ngai kya kũtũngĩĩa mũuo na ngwatanĩo kwĩsĩla Yesũ Klĩsto.
Maelesyo Ĩũlũ wa Ĩvuku ya Avilivi
Twekala twĩ alũmu yĩla tũũthĩnwʼa nĩtũtonya kwĩkĩa ala angĩ vinya mekale me aĩkĩĩku.
Maelesyo Ĩũlũ wa Ĩvuku ya Akolosai
No tũmwendeesye Yeova kwa kwĩka kwĩanana na kĩla ũtũmanyĩasya, kũekeaa ala angĩ kuma ngoonĩ, na kwa kwĩnyivĩsya ũkũmũ ũla Yesũ ũnengetwe.
Maelesyo Ĩũlũ wa Ĩvuku ya 1 Athesalonika
Nĩtwaĩlĩte kwĩkalaa twĩ metho kĩ-veva, ‘kũoasya maũndũ onthe,’ ‘kũvoyaa tũte kũeka,’ na tũithangaanasya.
Maelesyo Ĩũlũ wa Ĩvuku ya 2 Athesalonika
Vaulo nĩwatetheeisye ana-a-asa methĩwe na woni waĩle ĩũlũ wa mũthenya wa Yeova, na amathuthya maendeee kwĩthĩwa me alũmu mũĩkĩĩonĩ.
Maelesyo Ĩũlũ wa Ĩvuku ya 1 Timotheo
Mũtũmwa Vaulo aandĩkie ĩvuku ya 1 Timotheo onanĩtye ũndũ maũndũ maaĩlĩte kwĩkwa kĩkundinĩ, na akanĩtye ana-a-asa ĩũlũ wa momanyĩsyo ma ũvũngũ na wendi wa mbesa.
Maelesyo Ĩũlũ wa Ĩvuku ya 2 Timotheo
Vaulo nĩwathuthisye Timotheo eanĩsye ũthũkũmi wake.
Maelesyo Ĩũlũ wa Ĩvuku ya Tito
Valũa ũũ Vaulo wamũandĩkĩie Tito ũneenee mathĩna ala maĩ ikundinĩ sya Kilete na ũkonanyʼa ndaĩa ila ala mekwenda kũtwʼĩka asyaĩĩsya ma kĩkundi maĩle kwĩthĩwa nasyo.
Maelesyo Ĩũlũ wa Ĩvuku ya Vilemona
O na kau ĩvuku yĩĩ nĩ ĩkuvĩ, yĩ na maũndũ tũtonya kwĩmanyĩsya ĩũlũ wa wĩnyivyo, tei, na kũekea angĩ.
Maelesyo Ĩũlũ wa Ĩvuku ya Aevelania
Mũsingi wa ũthaithi wa Kĩklĩsto ũkonanĩtwʼe na syĩndũ nene ĩndĩ ti makalũ ala maseũvĩtwʼe na moko, kana nthembo sya nyamũ.
Maelesyo Ĩũlũ wa Ĩvuku ya Yakovo
Yakovo atũmĩie ngelekanyʼo syĩ kĩvathũkanyʼo kũmanyĩsya maũndũ ma vata mũno thayũnĩ wa Mũklĩsto.
Maelesyo Ĩũlũ wa Ĩvuku ya 1 Vetelo
Valũa wa mbee wa Vetelo nũtũthuthĩtye twĩthĩwe twĩ athangaau na tũimwiĩa Yeova Ngai mawĩmakĩo maitũ onthe.
Maelesyo Ĩũlũ wa Ĩvuku ya 2 Vetelo
Ĩvuku ya 2 Vetelo yĩtwĩkĩĩte vinya tũendeee kũlũmya mũĩkĩĩo witũ tweteele matu meũ na nthĩ nzaũ.
Maelesyo Ĩũlũ wa Ĩvuku ya 1 Yoana
Valũa ũũ wa Yoana ũtũkanĩtye ĩũlũ wa nthũ ya Klĩsto, na ũkatũtetheesya kũmanya maũndũ ala twaĩlĩte kwenda na ala tũtaĩle kwenda.
Maelesyo Ĩũlũ wa Ĩvuku ya 2 Yoana
Valũa wa kelĩ wa Yoana ũtũlilikanĩtye tũendae nthĩnĩ wa ũla wʼo na tũyĩsũvĩana na akengani.
Maelesyo Ĩũlũ wa Ĩvuku ya 3 Yoana
Valũa wa katatũ wa Yoana ũtũmanyĩasya ĩsomo ĩseo ya kwĩthĩwa twĩ athokya ma aeni.
Maelesyo Ĩũlũ wa Valũa wa Yuta
Yuta nũeleetye ũtheinĩ vyũ nzĩa ila andũ athũku matũmĩaa kũkenga na kwelelũkya Aklĩsto.
Maelesyo Ĩũlũ wa Ĩvuku ya Ũvuanyʼo
Mawoni ma kwendeesya ala me ĩvukunĩ ya Ũvuanyʼo nĩmaeleetye ũndũ Ũsumbĩ wa Ngai ũkeanĩsya kĩeleelo kyake kwondũ wa andũ na nthĩ.
No Wendeewʼe Nĩ Ii
MAVUKU & MBULOSUA