MATUT MAJA NGA MU!
2023 Hpe Myit Mada Lam Nga Shangun Ai Lam Ni—Chyum Laika Hta Hpa Tsun Da Ai Kun?
2023 shaning nnan hpang ai shaloi, anhte gaw tinang hte nta masha ni a matu kaja htum byin wa na matu myit mada ai. Htawm hpang hte seng nna hpa majaw kaja ai ningmu tawn da mai ai kun?
Chyum Laika gaw myit mada lam jaw
Ya hkrum nga ai manghkang ni gaw, chyahkring mi sha rai nna, kade n na yang mat mat na ngu ai kabu gara shiga hpe Chyum Laika hta tsun da ai. “Chyum laika ni a shangwi shapyaw ai ga a majaw myit mada shara nga lu u ga, . . . ka da ai lam shagu gaw, anhte hpe sharin achyin ya na matu, ka da nga sai.”—Roma 15:4.
Chyum Laika ga sadi ni a lam grau chye mayu yang, “Jet Ai Htawm Hpang Myit Mada Lam” (Myen) ngu ai sumhpa hpe yu u.
Ya aten hta karum ya na myit mada lam
Chyum Laika myit mada lam gaw “anhte a asak hkrung lam a matu hpri chyinghkyi” hte bung ai. (Hebre 6:19, JCLB) Myit mada lam gaw prat hpe simsa shangun ai. Ya hkrum nga ai manghkang ni hpe atsawm hparan lu na matu, kaja ai ningmu nga na matu, ngang grin ai ngwi pyaw lam lu na matu karum ya lu ai. Ga shadawn:
Tsa chyaru dawn na matu yak nga ai wa hpe, Chyum Laika myit mada lam gaw karum ya wa ai hpe chye hkra, Prat Masa Nnan Hpe Ngai Lu Wa ngu ai video hpe yu u.
Tsawra ai marai langai si mat ai shaloi, Chyum Laika myit mada lam gaw karum ya wa ai hpe chye hkra, Yawn Hkyen Ai Ni A Matu Shalan Shabran Lam ngu ai video hpe yu u.
Myit mada lam hpe ngang kang hkra galaw u
Masha law law gaw kaja ai lam ni byin wa na hpe myit mada ai. Raitim, gaja wa byin wa na re ngu nna gaw shanhte hkrak n lu tsun ai. Raitim, Chyum Laika ga sadi ni gaw hkrak byin wa na re. Hpa majaw kun? Chyum Laika ga sadi ni gaw, “masu magaw n chye ai” Yehowa Karai Kasang” a kaw na re ai majaw re. (Titu 1:3) Yehowa Karai Kasang chyu sha, jaw da ai ga sadi yawng hpe hpring tsup hkra galaw ya lu ai atsam nga ai. Karai Kasang gaw “hpa mung galaw mayu ai hte maren, galaw” lu ai.—Shakawn 135:5, 6.
Kamhpa mai ai Chyum Laika ga sadi ni kaw na nang hpe akyu lu shangun mayu ai. “Chyum Laika” hpe atsawm dinglik yu nna makam masham ngang kang hkra galaw mai ai. (Kasa 17:11) Manu jahpu n jaw ra ai anhte a Chyum Laika hkaja ai lamang hta shang lawm yu u. 2023 ning hpe myit mada lam hpring tup hte hpang dat u!
a Yehowa ngu ai gaw, Karai Kasang a amying shingteng re.—Shakawn 83:17.
You May Also Like
ESSENTIAL BIBLE TEACHINGS
Mungkan Ga hpe Karai Kasang Hpa Majaw Hpan Da Ai Kun?
Mungkan ga gaw tsawm htap ai ni hte sha hpring nga ai. Mungkan ga hte jan mung ramdaw daram tsan nga ai. Mungkan ga gayin ai lam mung hkrak sha re. Karai Kasang gaw mungkan ga hpe hpa majaw dai daram kaja hkra shakut nna hpan da ya ai kun?
CHYUM LAIKA SHARIN YA AI LAM NI
Chyum Laika Hkaja Lamang Hpe Chyam Yu U
Langai hpra san san Chyum Laika hkaja ai lamang hpe hpyi shawn u.
