Di Vidiyo Dem We Tel Yu Bout Di Baibl Buk Dem
Dem vidiyo ya shaat, an dem mek yu kyan nuo nof tingz bout wa de iina di buk dem we de iina di Baibl. Di vidiyo dem tel yu bout uu rait di buk dem an wen dem buk de did rait. Yu kyan wach dem fi get fi andastan di Baibl beta wen yu a stodi.
Di Vidiyo We Tel Wi Bout Di Baibl
Wach dis an si ou aal a di buk dem iina di Baibl elp wi fi andastan di mien ting we di Baibl taak bout an dat a ou Gad Kindom we Jiizas a ruul a-go shuo se a Jeuova av di rait fi ruul uova evribadi an se piipl fi av nof rispek fi’im niem.
Di Vidiyo We A Tel Wi Bout Numbers
Wach da vidiyo ya an si wa mek wi fi aalwiez du wa Jeuova se wi fu du, no mata wa, an wa mek wi fi rispek di man dem we im put inchaaj.
Di Vidiyo We A Tel Wi Bout Dyuutaranami
Wach dis an si ou di Laa we Jeuova gi di Izrelait dem shuo se im riili lov an kier bout piipl.
Di Vidiyo We A Tel Wi Bout Di Buk A Jashwa
Wach dis an si ou di Izrelait dem did get fi tek uova di lan we Gad gi dem an ou dem did shier op di lan mongks dem wan aneda.
Di Vidiyo We A Tel Wi Bout Di Buk A Jojiz
Da Baibl buk ya av iin nof tingz bout som man we shuo se dem neva fried fi chos iina Gad, an im yuuz dem fi siev di Izrelait dem fram piipl we did a fait gens dem.
Di Vidiyo We A Tel Wi Bout Di Buk A Ruut
Da Baibl buk ya tel wi bout wan uman niem Ruut an ar mada-in-laa. Di tuu a dem ozban did ded. Ruut shuo se shi lov ar muor dan shi lov ar uona self, an wi si ou Jeuova bles di tuu a dem fi wa dem did du.
Di Vidiyo We A Tel Wi Bout Di Buk A 1 Samwel
Fos Samwel tel wi bout di taim wen Jeuova did tap yuuz di joj dem fi elp im piipl dem we did iina Izrel an staat yuuz di king dem fi ruul uova dem.
Di Vidiyo We A Tel Wi Bout Di Buk A 2 Samwel
Kaaz Dievid did ombl an im did chos iina Gad, im a wan a di sumadi dem iina di Baibl we nof piipl nuo an lov. Da vidiyo ya gweehn mek yu si wa mek.
Di Vidiyo We A Tel Wi Bout Di Buk A 1 Kingz
Iina da buk ya yu a-go si ou di piipl dem iina Izrel did av nof gud tingz a gwaan fi dem wen Salaman did ton king, an den afta dat a bie prablem wen dem plit op iina tuu difrant kindom we niem Izrel an Juuda.
Di Vidiyo We A Tel Wi Bout Di Buk A 2 Kingz
Wach dis an si ou kaaz dem ton dem bak pan Gad, bie bad tingz staat apm iina Izrel, bot Jeuova stil did a bles di wan dem we did a sorv im wid aal a dem aat.
Di Vidiyo We A Tel Wi Bout Di Buk A 1 Kranikl
Lorn bout Dievid fambili an di uol iip a tingz we im du fram im dis ton king op tu wen im did ded.
Di Vidiyo We A Tel Wi Bout Di Buk A 2 Kranikl
Wach dis an si ou wa did gwaan wen di king dem we did ruul iina Juuda mek wi si wa mek wi fi aalwiez stik tu Gad.
Di Vidiyo We A Tel Wi Bout Di Buk A Ezra
Jeuova du wa im se im wuda du wen im mek Babilan frii im piipl dem an im elp dem fi worship im iina di rait wie iina Jeruusilem.
Di Vidiyo We A tel Wi Bout Di Buk A Niimaiya
Aal a uu a worship Gad iina di rait wie nowadiez kyan lorn uol iip fram wa did gwaan iina di buk we niem Niimaiya.
Di Vidiyo We A Tel Wi Bout Di Buk A Esta
Wen yu si wa Jeuova did du fi di Juu piipl dem wen Esta did de pan di ort, it wi elp yu fi nuo fi shuor se im a-go elp im piipl dem tide wen dem a go chuu dem prablem dem.
Di Vidiyo We A Tel Wi Bout Di Buk A Juob
Evribadi we lov Jeuova a-go go chuu som kain-a tes. Wen wi luk pan wa Juob did go chuu, it kyan elp wi fi si se wi kyan tan op chrang an shuo se a Jeuova a di wan we wi waahn fi ruul uova wi, no mata wa.
Di Vidiyo We A Tel Wi Bout Di Buk A Saamz
Di buk a Saamz shuo wi se a Jeuova av di rait fi ruul uova evribadi an evriting, an wa de iina it kyan elp di wan dem we lov im wen dem a go chuu dem prablem dem. Plos it shuo wi ou Gad a-go yuuz im Kindom fi chienj di worl fi di beta.