Sálmur 37:1–40
Eftir Davíð.
א [alef]
37 Láttu ekki vonda menn reita þig til reiðiog öfundaðu ekki þá sem gera rangt.
2 Þeir fölna fljótt eins og grasið,visna eins og nýsprottið grængresið.
ב [bet]
3 Treystu Jehóva og gerðu gott,búðu í landinu* og vertu trúr í því sem þú gerir.
4 Gleðstu innilega yfir Jehóva,*þá gefur hann þér það sem hjarta þitt þráir.
ג [gimel]
5 Leggðu líf þitt í hendur Jehóva,*treystu honum og hann mun hjálpa þér.
6 Hann lætur réttlæti þitt skína skært eins og morgunbjarmannog réttvísi þína eins og hádegissól.
ד [dalet]
7 Vertu hljóður frammi fyrir Jehóvaog bíddu hans með eftirvæntingu.*
Vertu ekki reiður út af þeim mannisem áformar illt og tekst vel til.
ה [he]
8 Láttu af reiðinni og segðu skilið við heiftina,hafðu hemil á þér svo að þú gerir ekkert illt*
9 því að illum mönnum verður eytten þeir sem vona á Jehóva erfa jörðina.
ו [vá]
10 Innan skamms eru vondir menn ekki lengur til,þegar þú lítur þangað sem þeir vorueru þeir horfnir.
11 En hinir auðmjúku erfa jörðinaog gleðjast yfir miklum friði.
ז [zajin]
12 Vondur maður leggur á ráðin gegn hinum réttláta,gnístir tönnum gegn honum.
13 En Jehóva hlær að honumþví að hann veit að dagur hans kemur.
ח [het]
14 Hinir vondu bregða sverði og spenna boga sínatil að fella hinn undirokaða og fátæka,til að tortíma hinum ráðvöndu.
15 En sverð þeirra stingast í þeirra eigin hjörtu,bogar þeirra verða brotnir.
ט [tet]
16 Betra er það litla sem hinn réttláti áen allsnægtir margra vondra manna
17 því að illir menn verða sviptir mætti sínumen Jehóva styður hina réttlátu.
י [jód]
18 Jehóva veit hvað hinir ráðvöndu ganga í gegnum*og arfur þeirra varir að eilífu.
19 Á neyðartímum þurfa þeir ekki að skammast sín,í hungursneyð hafa þeir nóg að borða.
כ [kaf]
20 En vondir menn munu farast,óvinir Jehóva hverfa eins og blómleg engi,þeir hverfa eins og reykur.
ל [lamed]
21 Vondur maður tekur lán og borgar það ekkien réttlátur maður er gjafmildur og góður.
22 Þeir sem Guð blessar munu erfa jörðinaen þeir sem hann bölvar verða upprættir.
מ [mem]
23 Jehóva stýrir skrefum mannsins*þegar hann er ánægður með lífsstefnu hans.
24 Þó að hann falli liggur hann ekki kylliflaturþví að Jehóva heldur í hönd hans.*
נ [nún]
25 Eitt sinn var ég ungur og nú er ég gamallen aldrei hef ég séð réttlátan mann yfirgefinnné börn hans leita sér matar.
26 Hann er alltaf fús til að lánaog börn hans hljóta blessun.
ס [samek]
27 Forðastu hið illa og gerðu það sem er gott,þá muntu lifa að eilífu
28 því að Jehóva elskar réttlætiog yfirgefur ekki sína trúu.
ע [ajin]
Þeir njóta alltaf verndaren afkomendur hinna vondu verða upprættir.
29 Hinir réttlátu munu erfa jörðinaog búa á henni að eilífu.
פ [pe]
30 Munnur hins réttláta miðlar viskuog tunga hans talar af sanngirni.
31 Hann hefur lög Guðs síns í hjarta sínu,honum skrikar ekki fótur.
צ [tsade]
32 Vondur maður fylgist með hinum réttlátaog leitar færis að drepa hann.
33 En Jehóva lætur hann ekki falla í hendur hansog finnur hann ekki sekan þegar hann er dæmdur.
ק [qóf]
34 Vonaðu á Jehóva og gakktu á vegi hans,þá mun hann upphefja þig svo að þú erfir jörðinaog þú munt sjá hinum illu verða eytt.
ר [res]
35 Ég hef séð miskunnarlausan óþokkabreiða úr sér eins og laufmikið tré í gróðurreit sínum.
36 En skyndilega hvarf hann sporlaust,ég leitaði hans en hann var hvergi að finna.
ש [shin]
37 Taktu eftir hinum trúfasta*og líttu til hins réttlátaþví að sá maður á frið í vændum.
38 En öllum illvirkjum verður eytt,vondir menn eiga enga framtíð fyrir höndum.
ת [tá]
39 Jehóva frelsar hina réttlátu,hann er varnarvirki þeirra á neyðartímum.
40 Jehóva hjálpar þeim og bjargar,frelsar þá frá illum mönnum og bjargar þeimþví að þeir leita athvarfs hjá honum.
Neðanmáls
^ Eða „á jörðinni“.
^ Eða „Jehóva sé mesti gleðigjafi í lífi þínu“.
^ Orðrétt „Veltu vegi þínum á Jehóva“.
^ Eða „þolinmæði“.
^ Eða hugsanl. „æstu þig ekki upp því að það leiðir aðeins til ills“.
^ Orðrétt „þekkir daga hinna flekklausu“.
^ Eða „veitir skrefum mannsins festu“.
^ Eða „styður hann með hendi sinni“.
^ Eða „þeim sem heldur fast í ráðvendni sína“.
