JW LIBRARY
No Kasano nga Usaren ti JW Library—iOS
Welcome iti JW Library app. Nadisenio daytoy para iti panagbasa ken panagadal iti Biblia. Maluktam dagiti kangrunaan a feature ti app babaen iti panangi-tap-mo kadagiti button iti tab bar nga adda iti baba ti iskrin.
Biblia
Iti Bible tab, mabasam ken mai-download-mo ti nagduduma a patarus ti Biblia. I-tap-mo ti libro ti Biblia sa ti kapitulo tapno mabasam. No agbasbasaka, makitam met dagiti footnote, marginal reference, ken dagiti sabali pay a patarus iti Study pane.
Tapno mabasam ti sabali a teksto, i-tap-mo manen ti Bible tab tapno makasublika iti listaan dagiti libro ti Biblia.
Publikasion
Iti Publications tab, makitam ti dadduma pay a publikasion, audio, ken video. I-tap-mo ti publikasion sa ti artikulo tapno mabasam. No agbasbasaka, mabalinmo met a kitaen dagiti naisitar a teksto. I-tap-mo ti naisitar a teksto tapno mabasam iti Study pane. I-tap-mo ti link iti Study pane tapno makapanka a mismo iti Biblia.
Tapno mabasam ti sabali a publikasion, i-tap-mo ti Publications tab tapno makasublika iti listaan ti publikasion.
Teksto Ita nga Aldaw
I-tap-mo ti Daily Text tab tapno mabasam ti teksto iti dayta nga aldaw.
Gimong
I-tap-mo ti Meetings tab tapno makitam dagiti publikasion a mausar iti gimong iti dayta a lawas.
Online
I-tap-mo ti Online tapno makitam dagiti link dagiti opisial a website-tayo.
Kanayon nga Ag-update
Tapno sigurado nga adda iti JW Library app-mo dagiti kabaruan a feature, kanayonmo nga i-update ti device-mo.
Nasayaat no kabaruan a bersion ti iOS ti adda iti device-mo. Para iti kanayonan nga impormasion, kitaem daytoy a link: https://support.apple.com/en-us/HT204204.
Iti settings ti device-mo, mabalinmo nga i-set nga automatic ti panag-update ti app-mo. Para iti kanayonan nga impormasion, kitaem daytoy a link: https://support.apple.com/en-us/HT202180.
