Basaem ti Daniel 9:​1-19 tapno maammuam no apay a napateg ti nauneg a panagadal.

Adalem a naimbag ti konteksto. Ania ti dadduma a napasamak ken Daniel, ken ania ti epekto dagita kenkuana? (Dan. 5:29–6:5) Ania met ngata ti nariknam no sika ni Daniel?

Ammuem ti ad-adu pay. Ania “dagiti sagrado a libro” a mabalin a nagkonsultaan ni Daniel? (Dan. 9:​2, ftn.; w11 1/1 22 ¶2) Apay nga impudno ni Daniel dagiti basolna ken ti basol ti nasion ti Israel? (Lev. 26:​39-42; 1 Ar. 8:​46-50; dp 182-184) Kasano nga ipakita ti kararag ni Daniel a nauneg ti panagadalna iti Sao ti Dios?—Dan. 9:​11-13.

Panunotem dagiti masursurom. Isaludsodmo iti bagim:

• ‘Ania ti aramidek tapno saanak a maimpluensiaan kadagiti pasamak iti lubong?’ (Mik. 7:7)

• ‘Ania dagiti pagsayaatanna no nauneg ti panagadalko iti Sao ti Dios kas ti inaramid ni Daniel?’ (w04 8/1 12 ¶17)

• ”Ania dagiti topiko a mabalinko nga iraman iti personal a panagadalko a makatulong kaniak nga ‘agtultuloy nga agbantay’?” (Mat. 24:​42, 44; w12 8/15 5 ¶7-8)