ADALEN 5
Umiso a Panagbasa
TI ARAMIDEM:
-
Agsaganaka a naimbag. Panunotem no apay a naisurat ti teksto. Praktisem a basaen ti grupo ti sasao, saan laeng a ti indibidual a sasao. Dika nayonan, labsan, wenno suktan ti sasao. Surotem ti amin a puntuasion.
-
Siuumiso nga ibalikasmo ti tunggal sao. No dimo ammo nga ibalikas ti maysa a sao, kitaem dayta iti diksionario, denggem ti rekording dayta a publikasion, wenno agpatulongka iti nalaing nga agbasa.
-
Agsaoka iti nalawag. Ibalikasmo a naimbag ti sasao, nga ingatom ti ulom ken ungapem ti ngiwatmo. Ikagumaam a baliksen ti tunggal silaba.