Pengudah 4026 S.M.

“Ular” ngelaban hak Jehovah merintah enggau chara Iya merintah. Jehovah besemaya, pengujung iya siku “anak,” tauka seleka benih deka ngeredakka ular nya, iya nya Sitan. (Pemungkal 3:1-5, 15) Sebedau utai nya nyadi, Jehovah ngemendarka mensia merintah diri empu ba baruh kuasa Sitan.

1943 S.M.

Jehovah madah ngagai Abraham, “anak” ke disemaya nya deka datai ari peturun iya.—Pemungkal 22:18.

Pengudah 1070 S.M.

Jehovah ngasuh Raja David enggau Solomon pechaya, “anak” ke disemayaka nya deka datai ari peturun seduai iya.—2 Samuel 7:12, 16; 1 Raja 9:3-5; Isaiah 9:6, 7.

29 M.

Jehovah nunjukka Jesus meh “anak” ke udah disemaya, ti deka nyadi Waris kerusi diraja David.—Galatia 3:16; Luke 1:31-33; 3:21, 22.

 33 M.

Ular, iya nya Sitan, ngasuh “anak” ke disemaya nya bakal enda lama lebuh iya munuh Jesus. Jehovah ngidupka Jesus ari mati ngambika ulih idup ba serega. Iya nerima rega pengidup Jesus ti sempurna ngambika dosa mensia ulih diampunka, lalu bala peturun Adam tau bulih pengidup ti meruan belama iya.—Pemungkal 3:15; Surat Kereja Rasul 2:32-36; 1 Korint 15:21, 22.

Kira-kira 1914 M.

Jesus muai ular, iya nya Sitan, ke dunya. Sitan dikurung ba dia enda lama.—Pemandang 12:7-9, 12.

Jemah Ila

Jesus deka ngejil Sitan pengelama 1,000 taun. Udah nya, Jesus deka ngeredakka pala Sitan, reti iya Jesus deka ngemunaska Sitan. Tuju asal Jehovah bekaul enggau dunya enggau mensia deka dikeamatka, nama Iya deka dikuduska, lalu chara Iya merintah deka dimuliaka.—Pemandang 20:1-3, 10; 21:3, 4.