Jaku Pemuka ke Bup Mit dalam Bup Kudus
Video pandak tu nyediaka penerang pasal bup mit dalam Bup Kudus. Kena video tu lebuh macha sereta belajarka Bup Kudus kediri empu.
Jaku Pemuka ke Bup Kudus
Peda baka ni tiap iti bup mit dalam Bup Kudus bekait enggau tema Bup Kudus, iya nya chara Perintah Petara ke dipegai Jesus Kristus deka nguduska nama Jehovah.
Jaku Pemuka ke Pemungkal
Bup Pemungkal madahka pun pengidup mensia, sereta baka ni pemerinsa enggau pemati berengkah nyadi.
Jaku Pemuka ke Pemansut
Petara ngelepaska orang Israel ari nyadi ulun ba menua Ejip lalu ngaga sidanyadi siti bansa ti diserahka ngagai Iya.
Jaku Pemuka ke Adat Lewi
Peratika baka ni Bup Adat Lewi nerangka pengudus Petara sereta kebuah kitai patut kudus.
Jaku Pemuka ke Penyampau
Peratika kebuah nya beguna ngasika Jehovah ba sebarang maya lalu bebasaka pengari ke dipilih Iya.
Jaku Pemuka ke Ulang Adat
Peratika baka ni Adat Jehovah ngagai orang Israel ngayanka pengerindu ke nembiak Iya.
Jaku Pemuka ke Josua
Peratika baka ni orang Israel bulih menua ti diberi Petara sereta chara sida magi tanah ba menua nya.
Jaku Pemuka ke Pengulu
Nama Bup tu diambi ari cerita pasal pemerani sereta pengarap bala pengulu ke dikena Jehovah nyelamatka nembiak Iya ari bala munsuh sida.
Jaku Pemuka ke Rut
Bup Rut nerangka pengerindu ke enda berundingka diri empu entara seiku balu ti biak enggau mentua iya, sereta chara Jehovah merekatka seduai iya.
Jaku Pemuka ke 1 Samuel
Peratika baka ni Jehovah nadai agi ngena bala pengulu, tang ngemendarka bala raja ke merintah bansa Israel.
Jaku Pemuka ke 2 Samuel
Peratika baka ni pemaruh ati sereta pengarap David ngasuh iya nyadi siku ari watak dalam Bup Kudus ti amat tebilang sereta dikerindu.
Jaku Pemuka ke 1 Raja
Titihka jeman pengaya sereta pengelantang Israel ba baruh Raja Solomon sereta maya ti charut ke nyadi ngagai perintah Israel enggau Judah.
Jaku Pemuka ke 2 Raja
Peratika chara ajar ti limpang ari Jehovah nya ngerusak perintah Israel ba utara, lalu baka ni Jehovah merekatka sida ke nyembah Iya enggau pengabis ati.
Jaku Pemuka ke 1 Bansa Israel
Bacha meh pasal sejarah peturun sereta pengidup Raja David ke nangika Petara, ari maya iya nyadi raja orang Israel nyentukka pemati iya.
Jaku Pemuka ke 2 Bansa Israel
Peratika chara sejarah bala raja orang Judah tu nunjukka pemesai reti iya enti kitai setia ngagai Petara.
Jaku Pemuka ke Esra
Jehovah ngamatka semaya Iya ngelepaska nembiak Iya ari menua Babilon, lalu ngaduka baru sembah ti bendar ba Jerusalem.
Jaku Pemuka ke Nehemiah
Bup Nehemiah ngembuan utai manah ke ulih dipelajarka semua penyembah ti bendar kemaya hari tu.
Jaku Pemuka ke Ester
Utai ke nyadi maya jeman Ester deka ngeringka pengarap nuan pasal Jehovah ke amat ulih ngelepaska nembiak Iya ari penguji kemaya hari tu.
Jaku Pemuka ke Jop
Semua orang ke rinduka Jehovah deka diuji. Cherita Jop ngasuh kitai arap kitai ulih mengkang taluk sereta ngetanka hak Jehovah merintah.
Jaku Pemuka ke Masmur
Bup Masmur nyukung hak Jehovah merintah, meri tulung sereta pengelantang ngagai orang ke rinduka Iya, lalu nunjukka baka ni dunya deka berubah ketegal Perintah Iya.
Jaku Pemuka ke Jaku Dalam
Giga iring Petara pasal semua utai ba pengidup ninting hari—ari pengawa dagang nyentukka pasal ruang bilik.
Jaku Pemuka ke Pengajar
Raja Solomon nerangka utai ti amat beguna ba pengidup, lalu nunjukka bida iya enggau utai ke enda sejalai enggau penemu-dalam Petara.
Jaku Pemuka ke Pelandai Solomon
Pengerindu seiku indu dara orang Sulam ke seiku pengibun bedus dikumbai baka “daun api Jah.” Nama kebuah?
Jaku Pemuka ke Isaiah
Bup Isaiah nya siti bup ke ngembuan semaya Petara ti seruran dikamatka. Tu ulih neguhka pengandal ati nuan ba Jehovah ke ngamatka semaya Iya sereta nyadi penyelamat kitai.
Jaku Pemuka ke Jeremiah
Jeremiah tetap ati bejalaika pengawa iya nyadi nabi taja pan tusah. Perundingka baka ni teladan iya ulih nulung orang Kristian kemaya hari tu.
Jaku Pemuka ke Sabak Kenang
Bup Sabak Kenang ditulis nabi Jeremiah. Bup tu madah pasal penusah ati meda pengerusak Jerusalem sereta madah pasal Petara deka kasihka orang ke nesal ati.
Jaku Pemuka ke Esekiel
Esekiel enggau baruh ati sereta berani nerima semua pengawa ke diberi Petara, enda ngira ni penusah pengawa nya. Teladan iya amat beguna ke kitai kemaya hari tu.
Jaku Pemuka ke Daniel
Daniel enggau bala pangan iya mengkang tetap ati ngagai Jehovah ba semua utai. Teladan ari sida sereta jaku Petara ke udah dikeamatka, ulih meri penguntung ke kitai ba maya ti pengujung tu.
Jaku Pemuka ke Hosia
Kemayaharitu, kitai ulih belajarka penemu ti berega ari bup Hosia pasal pengasih Jehovah ngagai orang ke nesal ati sereta pasal sembah ti dikedekaka Iya.
Jaku Pemuka ke Joel
Joel benabi pasal penatai ‘Hari Jehovah,’ lalu madahka chara kitai ulih selamat. Utai ke dipadahka Joel patut dikereja enggau bendar agi kemayaharitu.
Jaku Pemuka ke Amos
Jehovah ngena lelaki ke baruh ati tu bejalaika pengawa ti berat. Nama utai ti ulih dipelajarka kitai ari teladan Amos?
Jaku Pemuka ke Obadiah
Bup Obadiah nya bup ti pemadu pandak ba Bup Kudus jaku Hebrew. Bup Obadiah madahka pasal pengadang sereta semaya ti deka mulaika baru hak Jehovah merintah.
Jaku Pemuka ke Jonah
Nabi Jonah deka dikemetulka, bejalaika pengawa iya, sereta belajar pasal pengerindu enggau pengasih ari Petara. Nuan tentu diperansang peneleba iya.
Jaku Pemuka ke Mikah
Bup ke ditulis nengah iring roh kudus Jehovah tu ulih ngeringka pengandal ati kitai pasal Jehovah ke semina minta utai ti patut sereta meri penguntung ke kitai.
Jaku Pemuka ke Nahum
Bup Nahum ngasuh kitai andal Jehovah seruran ngamatka jaku Iya sereta meri pengelantang ngagai semua orang ke ngiga pemaik sereta pengelepas di baruh Perintah Iya.
Jaku Pemuka ke Kolosi
Kitai ulih ngenyamaika ati Jehovah lebuh kitai ngena utai ti udah dipelajar, ngampunka pangan diri, lalu ngaku penuduk enggau kuasa Jesus.
Jaku Pemuka ke Habakuk
Kitai ulih andal, Jehovah nemu maya enggau chara ti pemadu manah kena nyelamatka nembiak Iya.
Jaku Pemuka ke Sepaniah
Nama kebuah kitai patut nulak runding ke ngumbai hari Jehovah ti deka ngukum enda datai?
Jaku Pemuka ke Hagai
Bup Hagai nerangka kebuah kitai patut beberatka sembah ngagai Petara lebih agi ari utai ti diguna diri empu.
Jaku Pemuka ke Sekariah
Mayuh genera sereta jaku ari Petara udah ngeringka nembiak Petara dulu kelia. Utai tu mega terus ngeringka kitai pasal sukung ke diberi Jehovah kemayaharitu.
Jaku Pemuka ke Malaki
Bup tu madahka Jehovah enda ngubah prinsip, pengasih sereta pengerindu Iya, lalu bup tu mega madahka utai ti beguna ke kitai kemayaharitu.
Jaku Pemuka ke Matthew
Rindu ati belajarka batang pekara pasal bup Matthew. Bup tu Injil keterubah ari empat iti Injil.
Jaku Pemuka ke Luke
Nama penerang ba Injil Luke ke enda sama enggau ke bukai?
Jaku Pemuka ke John
Bup John madah pasal pengerindu Jesus ke mensia sereta teladan iya ti baruh ati. Bup tu mega nulung kitai nemu Jesus nya endang Messiah, ke deka dipilih nyadi Raja ba Perintah Petara.
Jaku Pemuka ke Surat Kereja Rasul
Orang Kristian rebak ti keterubah bebendar ngajar orang ke datai ari mayuh macham bansa. Bup Kereja Rasul ulih meransang nuan ransing agi ba pengawa nginjil.
Jaku Pemuka ke Rome
Iring ari Jehovah ti ngayanka pengelurus Iya, sereta kebuah kitai patut arapka Jesus.
Jaku Pemuka ke 1 Korint
Surat ari Paul nyengkaum jaku lalau ti bekaul enggau penyerakup, ulah ti beresi, pengerindu, sereta arapka pengangkat ari mati.
Jaku Pemuka ke 2 Korint
Jehovah, ‘Petara ti pun semua pengelantang,’ ngering sereta nulung bala nembiak Iya.
Jaku Pemuka ke Galatia
Surat Paul ke nuju orang Kristian ba Galatia kelia, agi beguna ba kitai kemayaharitu. Surat tu nulung semua orang Kristian ti bendar mengkang tetap ati.
Jaku Pemuka ke Epesus
Bup Epesus tu nerangka tuju Petara ti deka mai pemaik enggau penyerakup nengah Jesus Kristus.
Jaku Pemuka ke Pilipi
Lebuh kitai tetap ati maya napi penguji, kitai ulih meransang orang bukai tegap ba pengarap.
Jaku Pemuka ke 1 Tesalonika
Kitai patut mengkang bejaga ba pengarap, peresa dulu semua utai, “seruran besampi,” sereta meransang pangan diri.
Jaku Pemuka ke 2 Tesalonika
Paul ngemetulka runding ti salah pasal penatai Hari Jehovah, lalu iya meransang bala menyadi ngambika tegap ba pengarap.
Jaku Pemuka ke 1 Timoti
Rasul Paul nulis surat 1 Timoti kena madahka iring gerempung ngagai eklisia, lalu dikena nangkan pasal ajar ti pelesu sereta pengangkun ke duit.
Jaku Pemuka ke Bup 2 Timoti
Paul meransang Timoti ngambika bebendar nginjil.
Jaku Pemuka ke Titus
Surat ke ditulis Paul ngagai Titus madahka penanggul ke bisi nyadi ba eklisia di Krit, sereta madahka syarat nyadi tuai gempuru.
Jaku Pemuka ke Pilimon
Surat ti pandak tu ngajar kitai utai ti amat berega baka baruh ati, manah ati, sereta ngampun.
Jaku Pemuka ke Hebrew
Sembah orang Kristian beduduk ba utai ti besai agi ari rumah sembiang enggau jelu pemeri ke ulih dipeda.
Jaku Pemuka ke James
James ngena jaku sempama madahka utai ti amat beguna ba pengidup orang Kristian.
Jaku Pemuka ke 1 Peter
Surat Peter ti keterubah meransang kitai bebendar gawa ke Jehovah sereta nyerahka semua pengirau kitai ngagai Iya.
Jaku Pemuka ke 2 Peter
Surat Peter ti kedua meransang kitai ngambika tetap ati seraya kitai nganti langit baru enggau dunya baru.
Jaku Pemuka ke 1 John
Surat John nangkan kitai pasal orang ke nyakal Kristus, lalu nulung kitai nemu pasal utai ke patut enggau ke enda patut dikerinduka kitai.
Jaku Pemuka ke 2 John
Surat John ti kedua ngelalau kitai ngambika idup sejalai enggau pemendar sereta nulak ajar ti pelesu.
Jaku Pemuka ke 3 John
Surat John ti ketiga ngajar orang Kristian ngambika rindu nerima temuai. Tu pemanah ti amat berega.
Jaku Pemuka ke Jude
Jude madahka pasal orang ke deka nipu sereta nyarutka eklisia Kristian.
Jaku Pemuka ke Pemandang
Petara bisi tuju ngaga mensia enggau dunya. Ari genera ba bup Pemandang, kitai ulih nemu chara Perintah Petara deka ngamatka tuju Iya.
Nuan Engka Rindu Meda Tu
BUP & BROSUR