OMAZIRIRO KOMAPURIRO WOMBEIBELA

Hapo omauvi wetu maye yenene okuisirwa?

Otja kOmbeibela ovandu avehe ovanauvi. Eṱe twa rumata ouvi okuza komurumendu omutenga Adam. Ku nao, povikando tjiva tu tjita oviṋa ovivi, nu tu kara nomuhihamwatima mena roviṋa ovivi mbi twa tjiti mbi. Omuna wa Mukuru, Jesus Kristus, wa suta omauvi wetu mokutuṱira. Otjisuta tjonguturiro ho tji tjita kutja tu isirwe komauvi wetu. Otjo otjiyandjewa okuza ku Mukuru.—Lesa Ovaroma 3:23, 24.

Ovandu tjiva va tjita ouvi ounene nu ve ripura kutja Mukuru ma yenene okuveisira poo indee. Embo ra Mukuru ri tja: “Nombinḓu yaJesus, Omuna we, mai tu kohorora komauvi aehe.” (1 Johanes 1:7) Jehova u isira nandarire omauvi omanene, indu tji tu nonḓero yokuritanaura.—Lesa Jesaja 1:18.

Matu sokutjita ye tji matu vanga okuisirwa?

Tji matu vanga kutja Jehova me tu isire, matu sokurihonga ohunga na ye, ozondjira ze, omarakiza we, nokutjiwa oviṋa mbye undjira ko ku eṱe. (Johanes 17:3) Jehova u isira imba mbe ritanaura nokurundurura ongaro yawo.—Lesa Oviungura 3:19.

Okuyakurwa i Mukuru katjiṋa otjizeu ku eṱe. Jehova u tjiwa oungundipare wetu nu eye u notjari. Otjiperi kutja orusuvero rwe ru tjita kutja u vange okurihonga ovingi ohunga na ye nokumuyorokisa.—Lesa Epsalme 103:13, 14.

LESA OMAZIRIRO OMENGI KOMAPURIRO WOMBEIBELA MORUNGOVI NDWI www.isa4310.com

[Otjiperendero]

Okuyakurwa i Mukuru katjiṋa otjizeu