Hapo Mukuru wa uta otjiṋa tjimwe mu mwa kaza oviṋa avihe varwe poo indee?
Eziriro okuza mOmbeibela
Kako. Ombeibela i hungira oukahu kutja Mukuru wa mema ovandu na wina ovipuka nomiti “otja komihoko vyavyo.” a (Genesis 1:12, 21, 25, 27; Omavandururiro 4:11) Oyo i tja omuhoko auhe wovandu wa za mu Adam na Eva mbe ri ovanene vetu ovatenga. (Genesis 3:20; 4:1) Ombeibela yapanguka komahongero nge tja Mukuru wa ungura otjiṋa tjimwe mu mwa kaza oviṋa avihe. Posi yokutja Ombeibela kai vetasana otjiuru ku novanongonone mbe tja oviutwa avihe vya panguka otja komihoko vyavyo.
Hapo Mukuru wa tjita kutja oviṋa vi riute ovini?
“Ovandu mbe kambura kutja Mukuru wa tjita kutja oviṋa vi ri ute ovini owo ve kara noumune pekepeke wokutja eye wa tjita vi nao.” Otja koEncyclopædia Britannica ovandu tjiva ve kambura kutja “Mukuru u tjita kutja ovipuka vi runduruke okuiririra otuveze pu vi ri.”
Oumune wokutja Mukuru wa tjita kutja oviṋa vi riute ovini mau kamburire mo omapu ngu maye kongorere mba:
Oviutwa avihe mbi nomuinyo vya za komundu umwe omukuru.
Otjiṋa tjimwe pe ya atji tanauka okurira otjiṋa tjarwe.
Mukuru ke nomerizirira aehe movitjitwa mbi.
Hapo omahongero wokutja Mukuru wa tjita kutja oviṋa vi ri ute ovini ye hitasana ku nOmbeibela?
Omahongero wokutja Mukuru wa tjita kutja oviṋa vi ri ute ovini ye tja ehungi rOmbeibela ohunga noviutwa ndi ri mu Genesis ka ri nouatjiri mbwa yenene. Posi yokutja, Jesus wa hungira ohunga nomambo nge ri mu Genesis kutja ye nouatjiri. (Genesis 1:26, 27; 2:18-24; Mateus 19:4-6) Ombeibela i tja ngunda Jesus e hiye ya kombunda yehi, eye wa ri meyuru puna Mukuru nu wa ri norupa mokuvatera Mukuru ‘noviṋa avihe’ mbya memwa. (Johanes 1:3) Kunao, omahongero wokutja Mukuru wa tjita kutja oviṋa vi ri ute ovini ye ve tasana otjiuru na imbi Ombeibela mbi i honga.
Hapo omiti novipuka vi i ririra vi otuveze otupe?
Ombeibela kai ka hurura kutja omomuano uṋe oviṋa otja komihoko vyavyo mu vi runduruka. Noyo wina kai ve tasana otjiuru nowatjiri wokutja oviṋa pekepeke tjimuna ovipuka nomiti mbya memwa i Mukuru vi yenena okupanguka otja tji mavi kwatasana nokuiririra otuveze otupe. Nandarire kutja tjiva ve muna kutja omarundurukiro nge kara motjiṋa tji matji i ririre oruveze orupe tji rira otjiṋa tjarwe, otjo ka tji runduruka okurira otjiṋa tjarwe
a Ombeibela i ungurisa embo ndi “otja komihoko vyavyo,” ndi kamburira mo oviṋa ovingi okukapita embo ndi “omuhoko” woviṋa mbya sana ndi ungurisiwa i yovanongonone. Povikando tjiva ovanongonone ve tja omuhoko worive mbo wa tanauka okurira otjiṋa tjarwe, posi yokutja u munika peke otja komuhoko wawo ndi ri embo nda ungurisiwa membo ra Genesis.
Mo yenene okutara ku imbi wina
OMAHONGERO OMANANḒENGU WOMBEIBELA
Hapo evaverwa ra memwa?
Ehungi rOmbeibela ohunga noviutwa kari zuvakwa nawa poo nandarire ovandu ve muna kutja ovizeze. Hapo mape ya atu kambura mu imbi Ombeibela mbi honga?
OHUNGA NA EṰE
Ningira omahongero wOmbeibela wotjari
Hungirira kepuriro rOmbeibela, poo rihonga ovingi ohunga nOvahongonone va Jehova.