2023 թ. ապրիլի 17-ին Աստրախանի մարզի Ախտուբինսկ շրջանի դատարանը մեղավոր ճանաչեց եղբայրներ Ռինատ Կիրիմովին, Սերգեյ Կոռոլյովին և Սերգեյ Կոսյանենկոյին։ Նրանք դատապարտվեցին յոթ տարվա ազատազրկման։ Երեք եղբայրներն էլ 2021 թ. նոյեմբերից գտնվում էին նախնական կալանքի կենտրոնում և կշարունակեն մնալ անազատության մեջ։

Մենք մխիթարվում ենք՝ իմանալով, որ Եհովան շարունակում է պատսպարան լինել իր հավատարիմ ծառաների համար ու աջակցել իր «դարավոր բազուկներով» (2 Օրենք 33։27)։

1. Նոյեմբերի 9, 2021

   Քրեական գործ հարուցվեց։ Ախտուբինսկում և Զնամենսկում խուզարկվեցին Եհովայի վկաների 15 տներ, այդ թվում՝ եղբայրներ Կիրիմովի, Կոռոլյովի և Կոսյանենկոյի տները։

2. Նոյեմբերի 10, 2021

   Սերգեյ Կոռոլյովը ձերբակալվեց։

3. Նոյեմբերի 11, 2021

   Ռինատ Կիրիմովն ու Սերգեյ Կոսյանենկոն ձերբակալվեցին։ Երեք եղբայրներին վերցրին նախնական կալանքի տակ։

4. Նոյեմբերի 14, 2022

   Սկսվեց դատաքննությունը։