2023 թվականի մեկնարկին բոլորս լի ենք հույսով, որ մեզ ու մեր ընտանիքներին ամենայն բարիք է սպասում։ Լավ ակնկալիքներ ունենալու ի՞նչ հիմքեր կան։

 Աստվածաշունչը բարի լուր է հայտնում այն մասին, որ այժմյան խնդիրները ժամանակավոր են և շուտով մեկընդմիշտ կլուծվեն։ Իրականում Աստվածաշունչը գրվել է «մեր ուսուցման համար.... որպեսզի.... Սուրբ Գրքերի տված մխիթարությամբ հույս ունենանք» (Հռոմեացիներ 15։4)։

•   Աստվածաշնչյան խոստումների մասին ավելին իմանալու համար կարդացեք «Լավ ապագա. երազա՞նք, թե՞ իրականություն» հոդվածը։

 Աստվածաշնչի տված հույսը «խարսխի նման է» մեր կյանքում (Եբրայեցիներ 6։19)։ Այդ հույսը հաստատուն է դարձնում մեզ։ Այն կարող է օգնել, որ դիմագրավենք ներկա խնդիրները, դրական տրամադրվածություն պահպանենք և հարատև երջանկություն գտնենք։

•   Պարզեք, թե աստվածաշնչյան հույսն ինչպես է օգնել մի մարդու, որը պայքարում էր կախվածության դեմ։ Դիտեք «Ես հոգնել էի իմ ապրելակերպից» տեսանյութը։

•   Իմացեք, թե աստվածաշնչյան հույսը ինչպես կարող է օգնել, երբ հարազատ ենք կորցնում։ Դիտեք «Մխիթարություն սգացողներին» տեսանյութը։

 Շատերը լավատեսությամբ են նայում ապագային, սակայն վստահ չեն՝ իրենց հույսերը կիրականանան, թե ոչ։ Մինչդեռ այն, ինչ Աստվածաշունչն է խոստանում, անպայման կիրականանա։ Ինչո՞ւ։ Քանի որ աստվածաշնչյան խոստումները հենց Եհովա Աստծուց a են, ով «չի կարող ստել» (Տիտոս 1։2)։ Միայն Եհովան զորություն ունի իրականացնելու իր բոլոր խոստումները. նա կարող է անել այն ամենը, ինչ «հաճելի է» իրեն (Սաղմոս 135։5, 6)։

 Սրտանց ուզում ենք, որ դուք էլ Աստվածաշնչի տված արժանահավատ հույսի շնորհիվ վստահությամբ նայեք ապագային։ Դուք կարող եք ամրացնել ձեր հույսը՝ «ուշադիր քննելով Սուրբ Գրքերը» (Գործեր 17։11)։ Այդ նպատակով փորձեք Աստվածաշնչի մեր անհատական անվճար դասընթացը։ 2023 թվականը սկսեք լավատեսությամբ և հույսով լի։