Peb xav paub seb vim li cas tib neeg thiaj tshwm sim tau los ua neej? Yuav ua li cas lub neej thiaj mus nto ntsis? Nyob hauv phau Vajlugkub qhia tias yog peb nrog Vajtswv sib raug zoo lawm peb lub neej yeej yuav vam meej. Cia peb mus saib seb hauv phau Vajlugkub qhia li cas.

•   Vajtswv yog tus tsim ntuj tsim teb. Nyob hauv phau Vajlugkub hais tias: ‘[Yehauvas] yog Vajtswv. Nws tsim peb thiab peb yog nws tug.’​—Phau Ntawv Nkauj 100:3; Tshwmsim 4:11.

•   Txhua yam uas Vajtswv tsim yeej muaj chaw txawb chaw rau, tsis hais tib neeg los xij peem yeej muaj ntsiab rau.​—Yaxayas 45:18.

•   Yuav kom peb lub neej vam meej Vajtswv xav kom peb “vam khom” nws. (Mathais 5:3) Vajtswv xav kom peb tau txais raws li peb lub siab ntshaw.​—Phau Ntawv Nkauj 145:16.

•   Yog peb sib raug zoo nrog Vajtswv nws yuav tsom kwm peb. Tsis txhob maj tag kev cia siab nyob hauv phau Vajlugkub hais tias: “Cia li los nyob ze Vajtswv, Vajtswv thiaj yuav los nyob ze nej.”​—Yakaunpaus 4:8; 2:23.

•   Peb yuav tsum coj lub neej raws li Vajtswv lub siab nyiam xwv peb thiaj ua haum nws siab. Raws li Tej Lus Qhia 12:13 hais tias: “Yuav tsum hwm Vajtswv thiab ua raws li nws tej lus samhwm, rau qhov nws tsim neeg los ua tes haujlwm ntawd.”

•   Tshuav tsis ntev lawm xwb, Vajtswv yuav kho ib puas tsav yam hauv lub ntiaj teb no. Cov uas nrog Vajtswv sib raug zoo los sis teev tiam nws yuav tau txoj sia ib txhis tsis kawg. Thaum txog lub sij hawm ntawd, txhua tus yuav nyob kaj siab lug hauv ntiaj teb no yam li Vajtswv twb teem tseg thaum chiv keeb chiv thawj lawm.​—Phau Ntawv Nkauj 37:10, 11.