Nyob thoob ntiaj teb muaj huab cua kub heev tshaj yav tag los, thiab kuj ua teeb meem rau tib neeg. Cia peb mus nyeem ob peb zaj xov xwm uas hais txog qhov no:

•   “Tau 174 xyoos dhau los no, uas txij thaum tib neeg pib ntsuas seb huab cua kub npaum li cas, mas lub 6 Hli xyoo no yog lub caij uas kub tshaj plaws.”—National Oceanic and Atmospheric Administration, U.S. Department of Commerce, Lub 7 Hli tim 13, 2023.

•   “Teb chaws Ithali (Italy), Xapee (Spain), Fab Kis (France), Ntsaws Mes Nis (Germany) thiab Phaulees (Poland) muaj huab cua kub heev nce txog li ntawm 48°C los sis 118°F nyob rau lub pov txwv Xixilis (Sicily) thiab Xawdiniam (Sardinia) – uas yeej tsis tau muaj ib zaug yuav kub npaum li no nyob sab Yus Luv.”—European Space Agency, Lub 7 Hli tim 13, 2023.

•   “Thaum lub ntiaj teb kub zuj zus tuaj, yuav ib sij los nag thiab yuav los hlob dua ces yuav muaj dej nyab.”—Stefan Uhlenbrook, director of hydrology, water and cryosphere at the World Meteorological Organization, Lub 7 Hli tim 17, 2023.

 Qhov uas huab cua kub zuj zus tuaj, puas ua rau koj txhawj xeeb? Kawm seb phau Vajlugkub qhia li cas txog qhov no.

 Yeej muaj. Phau Vajlugkub twb qhia tseg lawm tias, nyob rau peb tiam no lub ntiaj teb yuav kub zuj zus thiab yuav muaj lwm yam huab cua phem ntau dua tuaj. Yexus faj lem tseg tias peb yuav pom “muaj tej yam txaus ntshai heev.” (Lukas 21:11) Qhov uas lub ntiaj teb kub zuj zus tuaj ua rau coob leej ntau tus ntshai rwg tias tsam tib neeg ua rau lub ntiaj teb puas tsuaj mus.

 Yeej nyob tau. Vajtswv tsim kom lub ntiaj teb nyob mus ib txhis, nws yeej tsis cia tib neeg ua kom puas tsuaj tau li. (Phau Ntawv Nkauj 115:16; Tej Lus Qhia 1:4) Vajtswv cog lus tias nws ‘yuav rhuav cov neeg uas ua rau lub ntiaj teb no puas tsuaj kom lawv puas tsuaj mus!’—Tshwmsim 11:18.

 Phau Vajlugkub qhia tias Vajtswv muaj peev xwm thiab nws yeej yuav tiv thaiv lub ntiaj teb ntawm tej huab cua phem uas yog tim tib neeg ua thiab tsis saib xyuas los sis tsis tu lub ntiaj teb zoo.

•   ‘[Vajtswv] ua rau tej cua daj cua dub tu, thiab ua rau dej hiav txwv nyob tus yees.’ (Phau Ntawv Nkauj 107:29) Vajtswv muaj hwj chim tswj tej huab cua. Nws yeej kho tau tej teeb meem uas tib neeg raug txom nyem los ntawm tej huab cua tsis zoo vim qhov uas noob neej ua rau tej huab cua tsis zoo zuj zus tuaj.

•   ‘Koj tso nag los ywg thaj av uas koj tsom kwm saib xyuas, koj ua rau thaj av ntawd rog thiab muaj chiv.’ (Phau Ntawv Nkauj 65:9) Vajtswv yuav foom koob hmoov rau lub ntiaj teb kom ua tau lub vaj kaj siab.

 Yog xav paub ntxiv txog phau Vajlugkub tej lus cog tseg yuav txhim kho lub ntiaj teb dua tshiab li cas, nyeem zaj “Leej Twg Thiaj Txuag Tau Lub Ntiaj Teb?”