MGA LUGAR KAG MGA TAWO
Pagbisita sa Ireland
ANG “Emerald Isle” ginahuman sang duha ka pungsod: ang independiente nga Republic of Ireland nga mas daku, kag ang mas gamay nga Northern Ireland, nga bahin sang United Kingdom.
Ang Giant’s Causeway
Emerald Isle ang tawag sa Ireland bangod sa berde nga mga kabukiran sini kay pirme nagaulan. Ginpatahom pa gid ini sang mga linaw kag suba, pati na sang mga bungyod kag mga bukid malapit sa dagat.
Balay nga kugon ang atop
Grabe nga kabudlayan ang naagyan sang mga Irish. Halimbawa, ginabulubanta nga sugod sang mga 1845 asta 1851, mga isa ka milyon ang napatay sa gutom kag balatian sang napierde ang patatas. Para malikawan ang kapigaduhon, madamo ang nagsaylo sa iban nga pungsod pareho sang Australia, Britanya, Canada, kag Estados Unidos. Subong, mga 35 milyones ka Amerikano ang may katigulangan nga naghalin sa Ireland.
Kilala nga mainabyanon kag maabiabihon ang mga Irish. Paborito nila ang pagpangabayo kag ang mga hampang nga cricket, rugby, soccer (nga ginatawag nila nga football), kag Gaelic football (nga uluanggid sa soccer). Masami nga mga babayi ang nagahampang sang sport nga camogie, nga uluanggid sa field hockey.
Palaistorya man ang mga taga-Ireland kag mahuyugon sa musika. Bantog sa bilog nga kalibutan ang Irish step dance. Ginatiso sang mga manugsaot ang ila lawas samtang madasig kag sibu nga ginahulag ang ila mga tiil.
Grupo sang Irish nga musikero
Sobra isa ka gatos ka tuig na ang mga Saksi ni Jehova sa Ireland. Subong, sobra 6,000 ka Saksi ang nagaistar didto kag mapisan nga nagatudlo parte sa Biblia.
Ang tradisyonal nga musika sang mga taga-Ireland ginagamitan sang mga instrumento pareho sang ginapakita sa ubos, halin sa wala pa tuo: Celtic harp, Irish bagpipe, byolin, accordion, tin whistle, kag bodhran (tambor)
NAHIBALUAN MO BALA?
Ang Giant’s Causeway, sa naaminhan nga baybayon sang Northern Ireland, ginahuman sang linibo ka haligi nga bato nga basalt nga resulta sang madugay na nga lava nga nagtig-a sang nagsimpon sa tubig sang dagat.
Basi Manamian Ka Man
MAGMATA!
Pagbisita sa New Zealand
Bisan malayo ang New Zealand, halos tatlo ka milyon ka turista ang nagakadto diri kada tuig. Ngaa?
MAGMATA!
Pagbisita sa Kazakhstan
Sang una, ang mga Kazakh nagasaylosaylo kag nagaistar sa mga yurt. Paano ang pangabuhi subong sini nga mga tawo nagapakita sang ila mga tradisyon sang una?
MAGMATA!
Pagbisita sa Espanya
Ang Espanya isa ka pungsod nga may sarisari nga matahom nga talan-awon kag mga tawo. May isa ka produkto nga ginapatubas ang Espanya nga mas madamo sangsa iban nga pungsod sa bilog nga kalibutan.
MAGMATA!
Pagbisita sa Kyrgyzstan
Kilala nga maabiabihon kag matinahuron ang mga Kyrgyz. Ano ang ila mga kustombre sa pamilya?
MAGMATA!
Pagbisita sa Liechtenstein
Ngaa nanamian magkadto ang mga turista sa sining gamay nga estado sa bisan ano nga tion sang tuig?
MAGMATA!
Pagbisita sa Uzbekistan
Hibalua ang dugang pa parte sa Uzbekistan kag ang maragtas sang nagabag-o nga alpabeto sang Uzbek.
